@abdulmohsenalg1@4bussa مكينة القهوة متوسط سعرها 80 الف!!
الآيس ميكر متوسط 15 الف!!
فلاتر حول 20 الف!!
60 الف يادوب تكاليف غير الاجار والطاولات لقهوة ""مختصة"".
احد الاخوان جابها صح في التعليقات حدود 150-250 الف لمستوى عادي الى متوسط.
@AskE_Co تلاقي لوحاتهم مكتوب عليها "للدعاية والاعلان" غالباً، او اتواصل مع شركات تسويق في منطقتك يدلوك على منشآت دعاية واعلان يطبعوا اكواب وبكجنق بشكل عام.
لان في سؤالك ما حددت المنطقة، اعطيتك طريقة الوصول لهم من اي منطقة. كل التوفيق.
@AskE_Co اذا فيه امكانية تدخر اكثر لين يوصل 30 الف على الاقل افضل واضمن ومخاطرته اقل. وقتها تجيب عامل عاملين وتفك محل عندك خبرة فيه وتوقف على حلالك بنفسك وباذن الله ربي بيباركلك.
وهذي فرصة تنمي علاقاتك وتتعلم اكثر في التجارة حولك وتختار المجال اللي تحس تفهمله اكثر وتتعلمه.
@AskE_Co غريبة ما حصلت، وين دورت بالضبط؟؟ اذا تسمح لي ببعض الارقام بالخاص ممكن اوصلك ببعض المستثمرين بشرط النمو مستمر من سنتين كحد ادنى.
اما اذا تحب نصيحة فقط، فانصحك تزور المستثمرين بشكل مباشر في مكاتبهم مو من خلال السوشيال ميديا.
@AskE_Co انا ممكن ادخل معك شريك بمبلغ، لكن لو توضحلي اكثر عن الارقام في الخاص. كم المطلوب؟ وكم العوائد المتوقعة ومتى توصل البريك ايفن ونظامية المشروع واسلوب التسويق المقترح ..
@mhd_alkhadra@4bussa حسب تعريف الربحية بالنسبة لك، المتداول ان تعريف الربحية في السعودية عند المقبلين على تعزيز واستثمار مدخراتهم لاول مرة واللي تتراوح في حدود 30 الف ريال الى 3 مليون ريال هو جني متوسط 30% نمو في المبلغ خلال سنة.
@4bussa - بوفيه بمنطقة سكنية فيها عدد موظفين وطلاب ومدارس واسلوب حياة صباحي وقليل فيها الخدمات مقارنة بعدد السكان.
- مطاعم/مقاهي سحابية جداً رخيصة وهامشها عالي وحركتها اعلى في حال اخترت موقع صحيح.
- التوريد بشكل عام تحدد افضل مجال تفهمله وفيه احتياج حولك تقدر توفر كميات بسعر منافس فيه.
@4bussa لو اشتغلت ستة اشهر بنقاط بيع وعندك مبيعات وحركة جيدة، البنك يمولك وانت نفسك تكون ضامن ان شغلك مشي وفيه حركة فلوس ولو صار تعثر لاقدر الله عندك ورق توريه اي احد يدخل شريك او يتقبل المكان اما تاخذ سلف من البداية وانت اول تجارة طيحتها مؤلمة اذا المبلغ يفرق معك وما عندك دخل اضافي.
@4bussa 1. النصيحة الاولى لا تتسلف.
2. النصيحة الثانية لا تفك شي ما تفهمله او ما تملك الايدي العاملة فيه.
3. النصيحة الثالثة ابحث عن شيء سهل بيعه او تقبيله اذا انت جديد في التجارة.
@4bussa على وزن "قليل مستمر خير من كثير منقطع"، اذا عندك المقدرة والخبرة والايدي العاملة للمغسلة اعتقد بتكون خيار افضل وبيكون عندك باب للتخارج من المشروع وفي حال نجح بيكون وسيلة تكمل فيه الشاليه بمبلغ اكبر وتفاصيل وجودة اعلى وتعطيه حقه.
@4bussa خذ سيارة كاش مستعملة تودي وتجيب حدود 20-35 الف وجمّع القسط اللي المفروض تدفعه لمدة سنة سنتين لين تتطور في مهنتك وتعزز راتبك وتوصل لمرحلة استقرار. (في حال ما عندك كاش خذ قرض بسيط على سنة بهالمبلغ).
^ نصيحة.