ਸੁਰਜੀਤ ਪਾਤਰ

ਜ਼ਿਸਮ ਦੀ ਰੇਤ ਤੇ ਇੱਕ ਹਰਫ਼ ਹੈ ਲਿਖਿਆ ਹੋਇਆ,
ਪੌਣ ਦੇ ਰਹਿਮ ਤੇ ਇਖ਼ਲਾਕ ਹੈ ਟਿਕਿਆ ਹੋਇਆ
ਅੱਗ ਦਾ ਨਾਂਮ ਹੀ ਸੁਣਦਾਂ ਹਾਂ ਤਾਂ ਡਰ ਜਾਦਾਂ ਹਾਂ,
ਮੈਂ ਜੋ ਪਿੱਤਲ ਖਰੇ ਸੋਨਿਉ ਵਿਕਿਆ ਹੋਇਆ

[ਸੁਰਜੀਤ ਪਾਤਰ @SurjitPatar]

ਖੋਲ ਦਿੰਦਾ ਦਿਲ ਜੇ ਤੂ ਲਫਜਾਂ ਦੇ ਵਿਚ ਯਾਰਾਂ ਦੇ ਨਾਲ,
ਖੋਲਣਾ ਪੈਂਦਾ ਨਾਂ ਏਦਾ ਅੱਜ ਔਜਾਰਾਂ ਦੇ ਨਾਲ...........

[ਸੁਰਜੀਤ ਪਾਤਰ @SurjitPatar]

ਬੈਠਦਾ ਨਾਂ ਤੇਰਾ ਦਿਲ ਦੁਨੀਆਂ ਦਿਆਂ ਭਾਰਾ ਦੇ ਨਾਲ,
ਬੈਠਿਆ ਕਰਦਾ ਘੜੀ ਜੇ ਆ ਦਿਲਦਾਰਾਂ ਦੇ ਨਾਲ

[ਸੁਰਜੀਤ ਪਾਤਰ @SurjitPatar]

ਉਹ ਸੁਆਣੀ ਜਾਣਦੀ ਹੈ ਖੂਬ ਇਨ੍ਹਾ ਦਾ ਇਸਤੇਮਾਲ,
ਜੋ ਭਖਾਉਂਦੀ ਕੋਲਿਆਂ ਨੂੰ ਮੱਚਦੇ ਅਖਬਾਰਾਂ ਦੇ ਨਾਲ

[ਸੁਰਜੀਤ ਪਾਤਰ @SurjitPatar]

ਨਾਂ ਮਹੱਲਾਂ ਉੱਚਿਆਂ ਨਾਂ ਉੱਚੇ ਮੀਨਾਰਾਂ ਦੇ ਨਾਲ,
ਕੌਮ ਉੱਚੀ ਉਠੱਦੀ ਹੈ ਉੱਚੇ ਕਿਰਦਾਰਾਂ ਦੇ ਨਾਲ

[ਸੁਰਜੀਤ ਪਾਤਰ @SurjitPatar]

ਪਰਤ ਉੱਤਰੀ ਤਾਂ ਮੈਂ ਕਾਮ ,ਮੋਹ ,ਲੋਭ ਸਾਂ,
ਹੋਰ ਉੱਤਰੀ ਤਾਂ ਜਲ ਖ਼ਾਕ ਅੱਗ ਪੌਣ ਸਾਂ,
ਇਸ ਤੋਂ ਪਹਿਲਾਂ ਕਿ ਲਗਦਾ ਪਤਾ ਕੌਣ ਹਾਂ,
ਹੋ ਗਿਆ ਹੋਂਦ ਅਪਣੀ ਤੋਂ ਹੀ ਸੁਰਖ਼ਰੂ!

[ਸੁਰਜੀਤ ਪਾਤਰ @SurjitPatar]

ਪੈੜ ਦਾ ਹਰਫ਼ ਕਦੋਂ ਥਲ 'ਤੇ ਲਿਖਣ ਦੇਂਦਾ ਏ
ਰੇਤ ਦਾ ਸੇਕ ਕਦੋਂ ਪੈਰ ਟਿਕਣ ਦੇਂਦਾ ਏ

[ਸੁਰਜੀਤ ਪਾਤਰ @SurjitPatar]

ਤੋੜ ਲੈ ਜਾਣਗੇ ਲੋਕੀਂ ਜੇ ਨਾ ਤੋੜੇਗੀ ਹਵਾ
ਕੌਣ ਫੁੱਲਾਂ ਨੂੰ ਘੜੀ ਪਹਿਰ ਟਿਕਣ ਦੇਂਦਾ ਏ

[ਸੁਰਜੀਤ ਪਾਤਰ @SurjitPatar]

ਡੋਬ ਲੈਂਦਾ ਏ ਕਲੇਜੇ ਵਿਚ ਖ਼ੰਜਰ ਵਾਂਗੂੰ
ਦਰਦ ਸੂਰਜ ਨੂੰ ਕਦੋਂ ਐਵੇਂ ਮਿਟਣ ਦੇਂਦਾ ਏ

[ਸੁਰਜੀਤ ਪਾਤਰ @SurjitPatar]

ਖ਼ਾਕ ਕਰ ਦੇਂਦੀ ਏ ਬੰਦੇ ਨੂੰ ਸਹੀ ਮੁਲ ਦੀ ਤਲਾਸ਼
ਕੌਣ ਆਪੇ ਨੂੰ ਉਰ੍ਹਾਂ ਉਸ ਤੋਂ ਵਿਕਣ ਦੇਂਦਾ ਏ

[ਸੁਰਜੀਤ ਪਾਤਰ @SurjitPatar]

ਇਹ ਜੁ ਦੀਵਾਰਾਂ ਨੇ ਇਹ ਤ੍ਰੇੜਾਂ ਲਈ ਵਰਕੇ ਨੇ
ਸਾਨੂੰ ਏਨ੍ਹਾਂ ਤੇ ਗ਼ਜ਼ਲ ਕੌਣ ਲਿਖਣ ਦੇਂਦਾ ਏ

[ਸੁਰਜੀਤ ਪਾਤਰ @SurjitPatar]

ਹਿੱਕ ਵਿਚ ਖੰਜਰ ਡੋਬ ਕੇ ਸੋਂ ਗਏ, ਅੱਜ ਕਲ ਇਓਂ ਨਹੀ ਕਰਦੇ ਲੋਕ
ਹੁਣ ਤਾਂ ਦਿਲ ਨੂੰ ਦੁਖ ਜਿਹਾ ਲਾ ਕੇ, ਹੋਲੀ ਹੋਲੀ ਮਰਦੇ ਲੋਕ

[ਸੁਰਜੀਤ ਪਾਤਰ @SurjitPatar]

ਮੈਂ ਕਦ ਸੂਹੇ ਬੋਲ ਉਗਾਏ, ਮੈਂ ਕਦ ਰੌਸ਼ਨ ਬਾਤ ਕਹੀ
ਮੇਰੇ ਪੇਸ਼ ਤਾਂ ਐਵੇਂ ਪੈ ਗਏ, ਇਸ ਬੇਨੂਰ ਨਗਰ ਦੇ ਲੋਕ

[ਸੁਰਜੀਤ ਪਾਤਰ @SurjitPatar]

ਪੈਸਾ ਧੇਲਾ, ਜਗ ਝਮੇਲਾ, ਰੌਣਕ ਮੇਲਾ , ਮੈ ਮੇਰੀ,
ਸਿਵਿਆਂ ਕੋਲੋਂ ਕਾਹਲੀ ਕਾਹਲੀ ਲੰਘੇ ਗੱਲਾਂ ਕਰਦੇ ਲੋਕ

[ਸੁਰਜੀਤ ਪਾਤਰ @SurjitPatar]

ਰਾਜੇ ਪੁੱਤਰਾਂ ਬਾਗ ਉਜਾੜੇ, ਦੋਸ਼ ਹਵਾ ਸਿਰ ਧਰਦੇ ਲੋਕ
ਬਾਗ ਤਾਂ ਉੱਜੜੇ, ਜਾਨ ਨਾ ਜਾਵੇ, ਇਸੇ ਗੱਲੋਂ ਡਰਦੇ ਲੋਕ

[ਸੁਰਜੀਤ ਪਾਤਰ @SurjitPatar]

ਮੈਂ ਆਪਣੇ ਜਾਇਆਂ ਨੂੰ ਚਾਨਣ ਦਿਆਂਗਾ
ਹਨ੍ਹੇਰੀ ਰਾਤ ਵਿਚ ਲਿਸ਼ਕਣ ਦਿਆਂਗਾ.................
ਤੇਰੇ ਨਿੱਕੇ ਜਿਹੇ ਸੀਨੇ 'ਚ ਜਨਮੀ
ਮੈਂ ਹਰ ਆਵਾਜ਼ ਨੂੰ ਉੱਠਣ ਦਿਆਂਗਾ

[ਸੁਰਜੀਤ ਪਾਤਰ @SurjitPatar]

ਮੈਂ ਆਪਣੀ ਧੀ ਦੇ ਦਿਲ ਨੂੰ ਪੁੰਨਿਆਂ ਵਿਚ
ਸਮੁੰਦਰ ਵਾਂਗਰਾਂ ਉਛਲਣ ਦਿਆਂਗਾ..............
ਇਹ ਦਿਲ ਵਿਚ ਸੁਲਗਦਾ ਰਹਿੰਦਾ ਏ ਬੱਚਿਆ
ਮੈਂ ਤੈਨੂੰ ਝੂਠ ਨਾ ਬੋਲਣ ਦਿਆਂਗਾ

[ਸੁਰਜੀਤ ਪਾਤਰ @SurjitPatar]

ਛੁਪਿਆ ਹੋਇਆ ਮੈਂ ਆਪਣੇ ਗੀਤਾਂ ਵਿੱਚ,
ਮੈਨੂੰ ਟੋਲੇਗੀ ਹੁਣ ਕਜ਼ਾ ਕਿੱਥੇ

[ਸੁਰਜੀਤ ਪਾਤਰ @SurjitPatar]

ਮੈਨੂੰ ਪੁਛਦੀ ਯੁਗਾਂ ਦੀ ਗ਼ਮਗੀਨੀ,
ਏਥੇ ਫਿਰਦਾਂ ਏਂ ਪਾਤਰਾ ਕਿੱਥੇ.

[ਸੁਰਜੀਤ ਪਾਤਰ @SurjitPatar]

ਇਸ ਨਗਰੀ ਤੇਰਾ ਜੀ ਨਹੀਂ ਲਗਦਾ
ਇਕ ਚੜ੍ਹਦੀ ਇਕ ਲਹਿੰਦੀ ਏ
ਤੈਨੂੰ ਰੋਜ਼ ਉਡੀਕ ਖ਼ਤਾਂ ਦੀ
ਸਿਖਰ ਦੁਪਹਿਰੇ ਰਹਿੰਦੀ ਏ

[ਸੁਰਜੀਤ ਪਾਤਰ @SurjitPatar]

ਇਕ ਖ਼ਤ ਆਵੇ ਧੁੱਪ ਦਾ ਲਿਖਿਆ
ਮਹਿੰਦੀ-ਰੰਗੇ ਪੰਨੇ ‘ਤੇ
ਤੇਰੇ ਵਿਹੜੇ ਬੂਟਾ ਬਣ ਕੇ
ਉਗ ਆਵਾਂ ਜੇ ਮੰਨੇ ‘ਤੇ