Syasi Cheragh-سیاسي چراغ @Syasi_Cheragh - Twitter Profile

Pinned Tweet

2 months ago

«ما پرې خواري کړې، تاسو یې په نشرولو کې خواري وکړئ، ګوندې څه خیر یې ورسیږی.» د اوسپنې او عقیدې پیوند؛ د افغانستان لپاره د پوځي اقتدار نقشه! د تاریخ په اوږدو کې، قدرت یوازې د تورو په شرنګ نه، بلکې د هغو فکرونو په رڼا کې رامنځته شوی چې د خپل وخت له واقعیتونو سره سم وو. نن چې موږ د یویشتمې پیړۍ د زړه اوسېدونکي یو، وینو چې د قدرت تعریف له فزیکي زوره وتلی او په ستراتیژیک نفوذ او تخنیکي برلاسۍ بدل شوی دی. د افغانستان لپاره، چې د اسیا په زړه کې پروت دی، د پوځي صنعت لرل یوازې یو انتخاب نه، بلکې یو شرعي، سیاسي او حیاتي ضرورت دی. د دې سفر لومړی پړاو په شریعت کې د اعداد (تیارۍ) له بحثه پیل کیږي، چېرته چې د اسلامي احکامو له مخې، پر یوه اسلامي دولت فرض ده چې د دښمن د مقابلې لپاره د رعب «ارهاب» تر کچې قوت او تجهیزات برابر کړي. دا تیاری یوازې د سپورت په کچه نه، بلکې په عملي ډګر کې د هغو وسلو په جوړولو پورې تړلی چې د وخت له معیارونو سره برابرې وي. که د قومونو تاریخ په دقت سره وکتل شي، لیدل کیږي، چې ناچیزه قومونو څنګه خپل دولتونه د خپلو محدودو منابعو، خو پوځي صنعت له لارې د نړۍ د لویو قدرتونو په قطار کې درولي دي. دویم مهم بحث نړۍ ته د اسلام د پیغام لیږد او حمل دی. تاریخ ثابته کړې چې یو پیغام هغه وخت په نړیواله کچه اغیزمن کیدی شي، چې تر شا یې یو مقتدر او باثباته دولت ولاړ وي. موږ لوستي، چې اسلام په مکه کې یوازې یو فکر یا عقیده وه، خو کله یې چې په مدینه کې د انصارو مادي زور تر شا ودرید، نو په هغه دولت بدل شو، چې له برکته یې دا دې زه او ته هم کلیمه وایو او د رسول الله ص په امت کې راځو. نننۍ نړۍ چې په کې جیوپولیټیک نظم په چټکۍ سره د بدلون په حال کې دی، یوازې هغه غږ اوریدل کیږي چې د «پولادو منطق» یې تر شا ولاړ وي. پولاد یوازې یو جنګي وسیله نه ده، بلکې د خپلې عقیدې او تمدن د ساتنې او خپرولو لپاره ستراتیژیک لاسرسی رامنځته کوي. له پوځي قوت پرته، د اسلام د پیغام رسول یوازې د ببولالو غږول دي، چې هېڅوک نه پرې غوږ ګروي او نه پرې بریک نیسي. دریمه ستنه خپلواکي ده. په اوسنۍ نړۍ کې ریښتینې خپلواکي یوازې هغه وخت شونې ده چې ستاسو د دفاع کیلي ستاسو په خپل لاس کې وي. که یو دولت د خپلو پولو د ساتلو لپاره پر وارداتي وسلو او د نورو پر ټیکنالوژۍ تکیه کوي او یا یې هېڅ نه لري، هغه هیڅکله خپلواک نشي پاتې کیدی. څلورم بحث دا دی، چې دا پوځي صنعت چیرته جوړیږي؟ دا خورا مهم هغه ټکی دی. د عصري میزایلو، بې پیلوټه الوتکو او الکترونیکي دفاعي سیسټمونو جوړول د لابراتوارونو، پوهنتونونو او د عصري علومو د مرکزونو کار دی. د پوځي وسلو لپاره د لارښود او کنټرول سیسټمونه، الکترونیکي سب سیسټمونه او د انجنونو پیچلې انجنیري په کار ده. دا هغه علوم دي چې په مدرسو کې نه تدریس کیږي. دا د ریاضي، فزیک، کمپیوټر ساینس او فضايي انجنیرۍ بحث دی. که دولت غواړي په ریښتیني مانا اعداد ترسره کړي، باید عصري علومو ته په خپله بودیجه او نظام کې لومړیتوب ورکړي. که چیرې په دې برخه کې بې پروایي وشي، نو پایله به یې د دولت د عزت او خپلواکۍ له لاسه ورکول وي. په داسې حال کې چې رقیبه نړۍ نه ودریږي او په پوځي صنعت کې هره ورځ نوې ازموینې لري. په دې برخه کې کیدونکي بې پروایي به موږ د تاریخ په تیارو کې ډوب کړي او موږ به یوازې د هغو بدلیدونکو نظمونو نندارچیان یو، چې نور یې زموږ لپاره جوړوي. که ما مسؤلیت درلودای! د اوږد مهال لپاره مې عصري علوم په نر او ښځه جبري کول، حتی هغوی مې بندي کول، چې خپل اولادونه یې نه لیږلای. په دویم قدم کې مې عصري علوم هدفمند کول، داسې چې ماشومان باید له یوې ارزونې تیر شي او په ارزونه کې یې ذاتي ظرفیت ته په کتو تخصصي رشته مالومه شي او بیا پرې پانګونه وشي، څو متخصصین وروزل شي، نه تش سوډر. د لنډ مهال لپاره مې له هر ډول تفکیک پرته خپل او د امت له منځه مخلص متخصیصین راټولول. تحقیقاتي مرکزونه او د پوځي صنعت د پیل کارخانې مې جوړولې او د افغانستان د دولتي کانونو ټوله بودیجه مې ورته ځانګړې کوله. لویه برخه دولتي توجو مې همدې کار ته جلب کوله. خپله مې هم پر ټوک ډوډۍ ګزاره کوله او کارکونکو او عامو خلکو ته مې هم قناعت ورکاوه، چې باید د یوې مودې لپاره سختي وګالي. داسې مې شته جهادي عقیدې او پوځي فولادو ته پیوند ورکاوه، تاسو به بیا کتلو و، چې د اسلام لمر زموږ په لاسونو د دنیا تر کومو تیارو رسیده او د اسلام بیا اظهار د اسمان په څنډو کې څنګه تجلا کوله! نوټ: پر وټساپ مو دلته څارلی شئ! Follow the سياسي څراغ - چراغ سياسی| Cheragh Syasi channel on WhatsApp: https://t.co/L7BvwOl1bc

Syasi_Cheragh's tweet photo. «ما پرې خواري کړې، تاسو یې په نشرولو کې خواري وکړئ، ګوندې څه خیر یې ورسیږی.»

د اوسپنې او عقیدې پیوند؛ د افغانستان لپاره د پوځي اقتدار نقشه!

د تاریخ په اوږدو کې، قدرت یوازې د تورو په شرنګ نه، بلکې د هغو فکرونو په رڼا کې رامنځته شوی چې د خپل وخت له واقعیتونو سره سم وو. نن چې موږ د یویشتمې پیړۍ د زړه اوسېدونکي یو، وینو چې د قدرت تعریف له فزیکي زوره وتلی او په ستراتیژیک نفوذ او تخنیکي برلاسۍ بدل شوی دی.

د افغانستان لپاره، چې د اسیا په زړه کې پروت دی، د پوځي صنعت لرل یوازې یو انتخاب نه، بلکې یو شرعي، سیاسي او حیاتي ضرورت دی.

د دې سفر لومړی پړاو په شریعت کې د اعداد (تیارۍ) له بحثه پیل کیږي، چېرته چې د اسلامي احکامو له مخې، پر یوه اسلامي دولت فرض ده چې د دښمن د مقابلې لپاره د رعب «ارهاب» تر کچې قوت او تجهیزات برابر کړي. دا تیاری یوازې د سپورت په کچه نه، بلکې په عملي ډګر کې د هغو وسلو په جوړولو پورې تړلی چې د وخت له معیارونو سره برابرې وي.

که د قومونو تاریخ په دقت سره وکتل شي، لیدل کیږي، چې ناچیزه قومونو څنګه خپل دولتونه د خپلو محدودو منابعو، خو پوځي صنعت له لارې د نړۍ د لویو قدرتونو په قطار کې درولي دي.

دویم مهم بحث نړۍ ته د اسلام د پیغام لیږد او حمل دی. تاریخ ثابته کړې چې یو پیغام هغه وخت په نړیواله کچه اغیزمن کیدی شي، چې تر شا یې یو مقتدر او باثباته دولت ولاړ وي. موږ لوستي، چې اسلام په مکه کې یوازې یو فکر یا عقیده وه، خو کله یې چې په مدینه کې د انصارو مادي زور تر شا ودرید، نو په هغه دولت بدل شو، چې له برکته یې دا دې زه او ته هم کلیمه وایو او د رسول الله ص په امت کې راځو.

نننۍ نړۍ چې په کې جیوپولیټیک نظم په چټکۍ سره د بدلون په حال کې دی، یوازې هغه غږ اوریدل کیږي چې د «پولادو منطق» یې تر شا ولاړ وي. پولاد یوازې یو جنګي وسیله نه ده، بلکې د خپلې عقیدې او تمدن د ساتنې او خپرولو لپاره ستراتیژیک لاسرسی رامنځته کوي.

له پوځي قوت پرته، د اسلام د پیغام رسول یوازې د ببولالو غږول دي، چې هېڅوک نه پرې غوږ ګروي او نه پرې بریک نیسي.

دریمه ستنه خپلواکي ده. په اوسنۍ نړۍ کې ریښتینې خپلواکي یوازې هغه وخت شونې ده چې ستاسو د دفاع کیلي ستاسو په خپل لاس کې وي. که یو دولت د خپلو پولو د ساتلو لپاره پر وارداتي وسلو او د نورو پر ټیکنالوژۍ تکیه کوي او یا یې هېڅ نه لري، هغه هیڅکله خپلواک نشي پاتې کیدی.

څلورم بحث دا دی، چې دا پوځي صنعت چیرته جوړیږي؟
دا خورا مهم هغه ټکی دی. د عصري میزایلو، بې پیلوټه الوتکو او الکترونیکي دفاعي سیسټمونو جوړول د لابراتوارونو، پوهنتونونو او د عصري علومو د مرکزونو کار دی. د پوځي وسلو لپاره د لارښود او کنټرول سیسټمونه، الکترونیکي سب سیسټمونه او د انجنونو پیچلې انجنیري په کار ده.

دا هغه علوم دي چې په مدرسو کې نه تدریس کیږي. دا د ریاضي، فزیک، کمپیوټر ساینس او فضايي انجنیرۍ بحث دی. که دولت غواړي په ریښتیني مانا اعداد ترسره کړي، باید عصري علومو ته په خپله بودیجه او نظام کې لومړیتوب ورکړي.

که چیرې په دې برخه کې بې پروایي وشي، نو پایله به یې د دولت د عزت او خپلواکۍ له لاسه ورکول وي. په داسې حال کې چې رقیبه نړۍ نه ودریږي او په پوځي صنعت کې هره ورځ نوې ازموینې لري.

په دې برخه کې کیدونکي بې پروایي به موږ د تاریخ په تیارو کې ډوب کړي او موږ به یوازې د هغو بدلیدونکو نظمونو نندارچیان یو، چې نور یې زموږ لپاره جوړوي.

که ما مسؤلیت درلودای!
د اوږد مهال لپاره مې عصري علوم په نر او ښځه جبري کول، حتی هغوی مې بندي کول، چې خپل اولادونه یې نه لیږلای.
په دویم قدم کې مې عصري علوم هدفمند کول، داسې چې ماشومان باید له یوې ارزونې تیر شي او په ارزونه کې یې ذاتي ظرفیت ته په کتو تخصصي رشته مالومه شي او بیا پرې پانګونه وشي، څو متخصصین وروزل شي، نه تش سوډر.

د لنډ مهال لپاره مې له هر ډول تفکیک پرته خپل او د امت له منځه مخلص متخصیصین راټولول. تحقیقاتي مرکزونه او د پوځي صنعت د پیل کارخانې مې جوړولې او د افغانستان د دولتي کانونو ټوله بودیجه مې ورته ځانګړې کوله.

لویه برخه دولتي توجو مې همدې کار ته جلب کوله. خپله مې هم پر ټوک ډوډۍ ګزاره کوله او کارکونکو او عامو خلکو ته مې هم قناعت ورکاوه، چې باید د یوې مودې لپاره سختي وګالي.

داسې مې شته جهادي عقیدې او پوځي فولادو ته پیوند ورکاوه، تاسو به بیا کتلو و، چې د اسلام لمر زموږ په لاسونو د دنیا تر کومو تیارو رسیده او د اسلام بیا اظهار د اسمان په څنډو کې څنګه تجلا کوله!

نوټ: پر وټساپ مو دلته څارلی شئ!
Follow the سياسي څراغ - چراغ سياسی| Cheragh Syasi channel on WhatsApp: https://t.co/L7BvwOl1bc

3

46

8

6

2K

Syasi Cheragh-سیاسي چراغ

@Syasi_Cheragh

Who to follow

Last Seen Users on Sotwe

Trends for you

Most Popular Users