الفارقة🪽

لي قلبٍ يحنّ لو جارت عليه الليالي
ولي نفسٍ لا هان قدرها، تغيب ولا تعاتب.

[الفارقة🪽 @T5arif0555]

ماخسرت بحياتي إلا الرديين ولا أنا؟ قحطانيه
عزوتي يركع لها المجد ويقوم.

[الفارقة🪽 @T5arif0555]

ياكثر ماشفت من دنيا وانا باقي صغيرة
وياكثر همً سكن بقلبي ولا احد درى به
اضحك مع العالم وداخلي الف حيرة
واكتم سوالف خاطري لين التعب هد حيلي
شفت الشقا قبل الفرح بسنين كثيرة
وصرت احسب حساب الوقت قبل اعيش ليلى
ياليت هالدنيا على بعض البشر تصير خيرة
ماكل قلب يبتسم يعني حياته سعيده

[الفارقة🪽 @T5arif0555]

تروح له خطاويك عجله
ولابغيته يجيك… جاك ريّض.

[الفارقة🪽 @T5arif0555]

عليك العوض يا قلب ما جيتني بقصور
تهقويت في شخص ماهو قد هقواتي !

[الفارقة🪽 @T5arif0555]

اللي خابرني يقول حيّها الشيخه
واللي يجهلنِي يقول علامها متشيخه.

[الفارقة🪽 @T5arif0555]

أنا مع الناس عارف وش مشكلتي
عطيت بعض الأوادم فوق تقديره..

[الفارقة🪽 @T5arif0555]

يمكن استغفلوني بعضهم وأنا لعبت الدور
أعرف علوم واجد وأتغافل وأتجنبها

الشتم والمدح عندي سوا واللي يبور يبور
واحد بداله ألف وللبشر ربّ يحاسبها.

[الفارقة🪽 @T5arif0555]

وتـلومـوني لـيه اهـجر النـاس واغـيـب
والله ماعاد أشوف ان الحبايب حبايب .

[الفارقة🪽 @T5arif0555]

من بغاك جاك لو إنك جمرةٍ تحرق كفوفه
ومن بغى فرقاك والله ما جاك لو إنك نور شوفه

[الفارقة🪽 @T5arif0555]

والله اني بحاجه للغياب الطويل
دام كل شي احبه فالحياة اخسره

[الفارقة🪽 @T5arif0555]

أنا دخيل على ربي وأنا في حجاه
من كسرة الخاطر اللي لا انكسر ما جِبر
ومن شر حزنٍ بطول الوقت طال مداه
وأثر الخواطر تبكّي لو قست بالمَرر
يا ربي ارحم ضعيفٍ مات حيله ورجاه
وما غيرك اللي بعافيته يفك الأسَر

[الفارقة🪽 @T5arif0555]

بعض السكون يبوح بأكثر من الصوت
وتبان قيمة كلّ شيٍّ بغيابه

ما كلّ ما فات يستاهل الحسوفات
بعض الغلا يطويه هدوء أصحابه

[الفارقة🪽 @T5arif0555]

«تدري وش أكبر خطاي اللّٰه يسامحني
إقفايتي عنك .. وأنت اللي تمنيته»

[الفارقة🪽 @T5arif0555]

عطيته مخطط لوحةِ ماتبي تشكيل
يرتب تناقضها من العج للغيمه.

[الفارقة🪽 @T5arif0555]

تستغرب إني أعدي لك ومتغاضي ؟
انا من الوقت قبل أعرفك متعلم
أشياء واجد تضايقني وأنا .. راضي
على رغم قوتي / أسكت ولا أتكلم
" ترى أكثر أنسان ما يحكي عن الماضي
هو أكثر .. أنسان من ماضيه متألم "

[الفارقة🪽 @T5arif0555]

أنا اللي قفّيت وقلبي ما جفاك
لكن تعبت أحتري منك مكاني

خلّك تقول إنّي نسيتك وخلاص
أهون من إني أشرح لك وش خلّاني.

[الفارقة🪽 @T5arif0555]

ترى الوفا والصد .. كلّه توافيق
ونفوسنا .. شافت كثيرٍ وعافت
ما ننتقد من هو نسانا عقب ضيق
الناس تنسى .. علاجها لا تشافت

[الفارقة🪽 @T5arif0555]

نواجه الدنيا بصملات و عزوم
ما هزنا هرج الرّدي و الهلامه ❣️".

[الفارقة🪽 @T5arif0555]

كنت أقول: الضيقة تمرّ، وبكرة الوقت يلين
مير هالمرّة كثر ما في خاطري وأكتمه

أمشي مع الناس، ووجهي ما يبيّن وش فيه
وإن جيت أبوح، يضيع صوتي قبل أفهمه

يا ربّ أنت أدرى بحكيٍ ما قدرت أقوله
وأدرى بخاطرٍ يحتري جبرك ويرتجيه

[الفارقة🪽 @T5arif0555]

يحسبون إنّي غشيمة يوم أسكت عن خطاياهم
وأنا شايفةٍ كلّ شي… بس من طاح من عيني ما أعاتبه

[الفارقة🪽 @T5arif0555]

أغليك، وأعذرك لو الدنيا عليك اشتدّت
بس لا تحسب سكوتي عن وجع قلبي رضا.