AYUSH

[AYUSH @TSEND_D]

Монгол Улсын ардчилсан Үндсэн хуулийн эхийг баригч Бяраагийн Б.Чимид:
Ямар ч нөхцөлд
төрийг намаар,
хуулийг үзэл суртлаар,
шинжлэх ухааныг дур зоргоор,
хүн чанарыг албан тушаалаар сольж чадахгүйг эрхэмлэн Монгол төрийн төлөө чадах ядахаараа эрмэлзэх болно.

[Chimid Foundation @Chimidsan]

Монгол Улсын ардчилсан Үндсэн хуулийн эхийг баригч Бяраагийн Чимид:
Ямар ч нөхцөлд
төрийг намаар,
хуулийг үзэл суртлаар,
шинжлэх ухааныг дур зоргоор,
хүн чанарыг албан тушаалаар сольж чадахгүйг эрхэмлэн Монгол төрийн төлөө чадах ядахаараа эрмэлзэх болно.

[News Room @Newsroommongol]

Д.Энхтүвшин: Нийслэлийн төсвийн зарцуулалтаар Ерөнхий хяналтын сонсгол болно. Баялгийн хараал гэж ярьдаг. Баялаг нь хараал биш, институт нь чадамжгүй учраас тэр их мөнгийг яаж зарцуулах вэ гэдгээ зохицуулж чадахгүй байгаа юм.

[AYUSH @TSEND_D]

Шүүхийн индекс 2025, 57.33 гарчээ. 2021 онд 51.94, 2023 онд 53.22 байв. Шүүхийн дэд бүтэц, хүний нөөцийн асуудал хамгийн доогуур үнэлэгдэжээ...

#шүүхийниндекс

[Нээлттэй Нийгэм Форум @ForumOSF]

Энэхүү шинжилгээгээр улсын төсөвт хамгийн өндөр орлого төвлөрүүлдэг “Эрдэнэс Монгол” ХХК, “Эрдэнэс Тавантолгой” ХК, “Эрдэнэт үйлдвэр” ТӨҮГ-ыг сонгон авч, 2020-2024 онд хийгдсэн удирдах албан тушаалтны томилгоон дахь хууль тогтоомжийн хэрэгжилтэд дүн шинжилгээ хийлээ. Энэ хугацаанд дээрх 3 компанид ТУЗ-ийн гишүүний томилгоо 10, гүйцэтгэх удирдлагын 7, Засгийн газрын БЭТ-ийн 1, чанар, бүтээмжийн менежерийн 9 томилгоо тус тус хийгдсэн байна. Ингэхдээ ТУЗ-ийн хараат бус гишүүдийн томилгоонд сонгон шалгаруулалтыг хэлбэр төдий зохион байгуулсан бол бусад нь огт сонгон шалгаруулалтгүй явагджээ.

ТӨК-ийн удирдах албан тушаалтны томилгоонд хийсэн шинжилгээний тайлантай танилцана уу. https://t.co/1pqmDVjNZW

@Davandai
#Шинэсудалгаа
#БодлогынАсуудал
#Судалгаа

[Muuji😷 @Muujiravdan]

@anaraa_sh Хөрөнгөөс олсон орлогоос татвараа шаталж авахыг бол зөв л гэж боддог

[iSee.mn @iSee_MN]

ШУУРХАЙ: Улсын Дээд шүүхийн Ерөнхий шүүгч өнөөдөр тодрох бөгөөд Ц.Цогт, Б.Батцэрэн, Ч.Хосбаяр нар нэр дэвшиж магадгүй байна https://t.co/RdMUURHX3W

[GoGo.mn @newsGoGomn]

Төрсөн охиныхоо нэр дээр ₮291 саяар орон сууц худалдан авч, мөнгөний эх үүсвэрийг 2018-2020 оны хөрөнгө орлогын мэдүүлэгтээ мэдүүлээгүй, орлого нь их хэмжээгээр нэмэгдсэнийг үндэслэлтэй тайлбарлаж чадаагүй буюу үндэслэлгүй хөрөнгөжжээ. https://t.co/iwIckSlXMv

[BatpurevA @batpureva]

#Онцлох_баримт: ХУВЬ ХҮНИЙ ОРЛОГЫН ТАТВАРЫГ ХӨДӨЛМӨР ЭРХЛЭГЧ ДУНДАЖ ДАВХАРГА НУРУУНДАА ҮҮРДЭГ
🇲🇳 Монгол Улс өргөн суурьтай ХХОАТ-тай мэт боловч бодит байдал дээрээ зөвхөн “цалингийн татварын систем”. Өнөөдөр албан секторын ажилчид:
• ХХОАТ
• НДШ
• Өндөр инфляц
• Өсөн нэмэгдэж буй орон сууц, амьжиргааны зардлыг зэрэг үүрч байна.
↘️ Уул уурхайгаас хэт хамааралтай, хувийн хэвшлийн бүтээмж сул эдийн засагт хөдөлмөрийг өндөр татварлах нь өсөлтийн эсрэг бодлого;
• Албан ёсны ажлын байрыг бууруулдаг
• Далд эдийн засгийг тэлдэг
• Ур чадвар, бүтээмж өсгөх урамшууллыг сулруулдаг
• Дундаж давхаргыг нимгэлдэг
• Чадварлаг боловсон хүчнийг гадагш түлхдэг
Үүн дээр нэмээд шатлан нэмэгддэг хувь хэмжээ нь өндөр ур чадвартай мэргэжилтэн, менежер, хувийн хэвшлийн бүтээмжтэй ажилтнуудыг “илүү цалин авсан” гэдгээр нь илүү дарамталж, капитал, ур чадвар, бүтээмжийг шийтгэж байна.
🎯 Хэрэв бид хүчтэй дундаж давхарга, бүтээмжтэй эдийн засаг, өрсөлдөх чадвартай хувийн хэвшилтэй болохыг хүсэж байвал хөдөлмөрийн орлогод ногдох ХХОАТ-ыг бууруулах шаардлагатай гэж АН үзэж бодлого дэвшүүлдэг. Цалингийн татварыг бууруулах нь зүгээр нэг “татварын хөнгөлөлтийн популизм” биш. Энэ бол:
• Иргэдийн гар дээр үлдэх орлогыг нэмэгдүүлэх
• Хөдөлмөр эрхлэлтийг дэмжих
• ЖДҮ-үүдэд чадварлаг ажилтан татах боломж өгөх
• Албан ёсны эдийн засгийг тэлэх
• Ажиллах, хөдөлмөрлөх, хөрөнгө оруулах урамшууллыг нэмэгдүүлэх өсөлтийн бодлого.
Төр илүү их татвар авахад биш, харин:
Үр ашиггүй зардлаа бууруулах
ТӨК-үүдээ шинэчлэх
Татварын баазаа тэлэх
Хувийн хэвшлийн өсөлтөө дэмжихэд төвлөрөх ёстой.
 #4_11 Ардчилсан намын мэдээллийн цаг #18

[Enkhbat Dangaasuren @enkhbat]

Чингис хааны хөшөөнд мөргөөд бид түүний залгамжлагчид гэж ярих нь хэлбэрдэлт. Түүний төрийг залгамжлагчид юм бол түүний төрийн зарчмуудын хагасыг нь ч гэсэн өнөө цаг үедаа тааруулж хэрэгжүүлж, дээдэлж явах ёстой биш үү?

Авлига, хулгай, урвалт, албан тушаалыг мөнгөөр үнэлэх, мэдлэг, чадваргүй ч хуйвалдаанаар төрийн албан тушаалд очих ... энэ бүгд Чингис хааны шинэ цагийн төрийн мөн чанар гэж үү?

Чингис хааны хэлбэр хөшөө биш, харин Монголын төрийн хүний мөрдөж явах (ёс суртахууны) 10 алтан зарчмыг бичсэн хөшөө байгуулаасай гэж санагддаг юм. Тэгээд тэдгээрийг төрийн албанд очиж буй хүн бүр дагаж явахаа андгайлдаг.

Залгамжлагч байна гэдэг нь хөшөөнд нь мөргөхийг хэлдэггүй, харин тогтоосон тулгуур зарчмуудыг нь ("сүнсийг нь") цааш амьдруулж, авч явахыг хэлдэг байх.

Нэг инээдтэй бодол байдаг нь, хэрвээ үнэхээр Чингис хаан "эргэж ирвэл", хэчнээн түшмэдийн толгойг авах байсан бол?

[TenGer TV @TenGerTV]

Хуульд зааснаар НИТХ-ын төлөөлөгч хотын өмчит компанийн захирлаар ажиллахыг шууд хориглоогүй боловч ашиг сонирхлын маш том зөрчил үүсгэдэг гэж үздэг. Шалтгаан нь Төрийн болон орон нутгийн өмчийн тухай хуулиар Орон нутгийн өмчит үйлдвэрийн газар болон хувьцаат компаниудын удирдлагыг Нийслэлийн Засаг дарга томилдогт байгаа юм. НИТХ бол Хотын захиргаа болон хотын өмчит компаниудын үйл ажиллагаа, төсвийг хянаж, шалгаж, ард түмнийг төлөөлөх ёстой байгууллага. Гэтэл хяналт тавих ёстой НИТХ-ын төлөөлөгч нь өөрөө Хотын даргаас ажил аваад, нэг үгээр хотын даргын халаасанд орох явдлыг эсэргүүцэх хандлага ихэссэн. Хэдий Үндсэн хуулийн өөрчлөлтөөр УИХ-ын гишүүд сайд хийхийг зөвшөөрсөн ч хотын түвшинд НИТХ-ын төлөөлөгч хотын өмчит компанийн захирал хийх нь өнөөдөр авлига, ашиг сонирхлын хамгийн том асуудал болоод байна. Тэгвэл энэ асуудалд НИТХ-ээс дэмжигдсэн шинэ хотын дарга болон НИТХ-ын төлөөлөгчид байр сууриа ингэж илэрхийллээ.

#TenGerTV #ДолооАрав #Мэдээ

[Myadagbadam Jarantai @mydagbadam]

Анн Латтимор: Өвөөгийн туулсан амьдрал, түүний орон зай бол миний хүрч чадах тэр хэмжүүрээс тэс өөр https://t.co/hmDOtBDmoG

Дилав хутагт Жамсранжавын үргэлж гартаа барьж явсан ховор нандин хөөрөг Хятад, Өвөр Монгол, Төвөд, Энэтхэг, Тайвань, Америк хэмээн улс тивийг дамнан явсаар Анн Латтимор Монголын Үндэсний музейн сан хөмрөгт бэлэглэв. Юмс анх хөдөлсөн байрандаа эргэн ирж буй энэ бэлгэдэлт үйл явдлын ард Дилав хутагт Башлуугийн Жамсранжавын анд нөхөр болох Монгол судлаач, эрдэмтэн Оуэн Латтиморын ач охин Анн Латтмиор Прайс түүхийн тодорхой он цагийг гэрчлэн, эх оронд минь ирсэн явдал байв. 2022 онд Дилав Хутагт Жамсранжавд холбогдох 1039 хуудас хавтаст хэргийг нууцын зэрэглэлээс Засгийн газрын тогтоолоор гаргасан юм. Улмаар эл үйл явдал Дилав хутагтыг Монголын төлөөх үйл хэрэгт гар бие оролцож, тэр ч бүү хэл хэлмэгдэн эх орноосоо гарч Хятадын ерөнхийлөгчид зөвлөж байхдаа ч Монголын тусгаар тогтнолыг зөвшөөрүүлэхэд нэн чухал үүргийг гүйцэтгэснийг нотлох олон зуун бичиг баримт ийн монголчуудын хувьд хэзээд мэдэхэд нээлттэй, онцгой үйл явдал болж байв. Монгол Улсыг НҮБ-ын гишүүн орон болгохын төлөө зүйл бүрээр хичээн зүтгэснийхээ үр дүнг 1961 онд Дилав хутагт даруухнаар хүлээн авч, Америкт байхдаа НҮБ-ын төв байрны гадна Монголын далбаа мандсаныг үзээд чимээгүйхэн, сүслэж залбираад явсан гэдэг. Түүний их үйл хэрэгт анд нөхөр Оуэн Латтимор татагдан орж, тэдний нөхөрлөл 1930 оноос эхэлсэн түүхтэй. Төв Азийн нутгаар олонтаа аялаж, Монголын талаар илүү ихээр таних тусам Оуэн Латтиморын Монголын Америкт таниулах, эрдэмтний үйл хэрэг нь ч гүнзгийрч байв. Тэр Дилав хутагтаар өөрийн хүү Дэвид Латтиморыг адислуулж, Батбилэг гэх монгол нэрээр дуудах эрхэм хүндэтгэлийг ч мөн өгч байжээ. Тэд хэр ойр дотно байсныг өгүүлэх олон жишээ бий ч Дилав хутагт амьдралынхаа сүүлийн жилүүдэд Дэвид буюу Батбилэг хүүгийнхээ гэрт амьдарч байсныг дурдвал юмсын цаад мөн чанар илүү тодрох биз ээ. Ийм нөхөрлөл, үүх түүхийг гэрчлэн, Оуэн Латтиморын ач охин Анн Латтимор Монголд ирсэн нь бидэнд их олон түүхийг сэргээв. Түүнийг Дилав хутагтын төрсөн нутаг Завхан аймгийн Түдэвтэй сумаас ирээд удаагүй халуун сэтгэгдэл дээр нь бид уулзаж ярилцсаныг уншигч танд хүргэж байна.

[AYUSH @TSEND_D]

Авлигатай тэмцэх газрын ажлын хэсгээс хүүхдийн “Соёл”, ”Өлзийт” зуслангийн #хувьчлалыг хүчингүй болгуулж, хууль тогтоомжид нийцүүлэхээр холбогдох эрх бүхий албан тушаалтнуудад хандаад байна. https://t.co/HuFdyeUatn

[AYUSH @TSEND_D]

?

[Eguur News @Eguur_mn]

Менежментийн төлбөрийг 9 хувиас 50 хувь бууруулсан гэж байгаа ч гэрээнд 6 хувь л гэж бий https://t.co/yyryz9zCP7

[AYUSH @TSEND_D]

...Манай хүүхэд одоо дөрвөн настай. Миний хүүхдийн амьдрах ирээдүйн нийгэмд #авлигын гэмт хэрэг гэж байхгүй байх болно гэдэг зорилгоор би энд шударгаар ажиллаж байгаа...

https://t.co/e7L7qfEdNo

[iSee.mn @iSee_MN]

“Монголын төмөр зам”-ын удирдлагууд нэр бүхий компанид давуу байдал олгож, 40 гаруй тэрбум төгрөг завшсан байж болзошгүй байна https://t.co/FsPUTQEjnl

[r. davaadorj @rdavaadorj]

Хамгийн гутамшиг нь доромжлолдоо дассан Нийслэлчүүд юм.

“Номхон тэмээг ноолоход амар” гэдэг үнэн ажээ.
Төр нь ард түмнээ хүндэлдэггүй улс оронд эрх мэдэлтнүүд татвар төлөгчдийн мөнгийг өөрсдийнхөө түрийвч шиг л үздэг. Хүссэндээ цацна, хэрэггүй зүйлд үрнэ, алдагдлаа ард түмнээр төлүүлнэ. Учир нь иргэд нь эсэргүүцэхгүй, хариуцлага нэхэхгүй, тэмцэхгүй гэдгийг тэд хамгийн сайн мэддэг.
Тиймээс нийслэлийн удирдлага “Юу ч хийсэн яадаг юм, маргааш нь мартаад өнгөрнө” гэж тооцож байна.

[Нээлттэй Нийгэм Форум @ForumOSF]

Нээлттэй Нийгэм Форумаас Санал худалдан авахын эсрэг хуулийн төслийн хэрэгцээ шаардлага, зохицуулалт болон гадаад орнуудын туршлагын талаар иргэний нийгмийн төлөөлөл, судлаачдын дунд хэлэлцүүлэг зохион байгууллаа.

https://t.co/4vJ5MA6C2t

[Нээлттэй Нийгэм Форум @ForumOSF]

Нээлттэй Нийгэм Форум болон Монголын Эдийн засгийн сэтгүүлчдийн клуб хамтран “Уул уурхайн төрийн өмчит компаниудад тавих иргэний хяналтыг мэргэжлийн сэтгүүл зүйгээр идэвхжүүлэх нь” төслийг албан ёсоор эхлүүллээ. Төслийн хүрээнд  ТӨК-иудын засаглал, төсвийн зарцуулалтад тулгарч буй асуудлуудыг өгөгдлийн шинжилгээ, эрэн сурвалжлах бүтээлээр дамжуулан олон нийтэд хүргэх, энэхүү асуудалд бодлого боловсруулагчдын анхаарлыг хандуулж, шийдэл эрэлхийлсэн хэлэлцүүлэг өрнүүлэхийг зорьж байна. https://t.co/VD77rTk38V

[Eguur News @Eguur_mn]

Э.Баясгалан тайланг нь шүүмжилсний араас “Оюу Толгой” ХХК залруулга гаргалаа https://t.co/0WslWUHXkT

[Г.Лхагвадорж UBN.MN @GanboldLkhagva1]

📌Хулгайтай хийх ТЭМЦЭЛ ХУЛГАЙЛАГДСАН НЬ II: Н.Учралын хөөж чаддаггүй 4 гишүүн ба ТУУЛЫН ХУРДНЫ ЗАМ

Яг жилийн өмнө @Zandanshatar ЕС болоод л "авлига хулгайтай тэмцээд, авлигачдыг нэг нүдээрээ ч үзэхгүй" гэж попорсон. Нүүрсний хулгай, Үндсэн хуулийн хулгай гээд баахан иргэдийг огшоож, камерын өмнө хий тэмцсэн. Эцэст нь авлига, хулгайн тэмцэл ч үгүй, Занданшатар ч үгүй болсон. Одоо @NyamUchral Ерөнхий сайд яг түүнийг давтаж байна.

Хаана байна нөгөө авлига, хулгайд холбогдсон гишүүдийг намаасаа хөөнө гэсэн нь. Даргынхаа үгийг Хяналтын ерөнхий хороо нь биелүүлэхгүй байна уу. Эсвэл дарга нь нам дотроо эрх мэдэлгүй нэг тамга, өрөөтэй сууж байна уу. Сүүлд "Туулын хурдны зам, мега хулгайг шалгана шүүнэ" л гэсэн. Орлогчоос нь эхлээд бөөн асуудал өрнөөд хуулийнхан шалгаад байхад өнөөдрийг хүртэл таг.

Авлига хулгайтайгаа нэг гараараа тэмцээд, нөгөө гараараа найзыгаа НИТХ-ын даргаар тавьж гар барих жишээтэй.

Үнэхээр тэмцмээр байгаа бол ажлаа хийе. Үгүй бол зүгээр байгаа хүмүүсийг авлигачин, хулгайч мэтээр дэмий ярихаа болиод зүгээр ажлаа хийцгээе хэдүүлээ

[UBn.mn ЮУ БАЙНА @UBn_mn]

Улаанбаатар зам, засвар арчлалтын газрын дарга асан Б.Галхүү, Санхүүгийн албаны дарга асан н.Лхагвасүрэн нар хууль зөрчиж, 4 компани руу 8.7 тэрбум төгрөг шилжүүлэн, өөрсдийн хамаарал бүхий иргэдийн дансаар авчээ

https://t.co/cUbDyU3kyw

Хэргийг Эрүүгийн хуулийн тусгай ангийн 18.6 дугаар зүйлийн 1, 22.1 дүгээр зүйлийн 1 дэх хэсэгт зааснаар үргэлжлүүлэн шалгаж байна.