طآ

be kind / Aries ♈️.

[طآ @Taqll5]

@Abdulah198900 @Turki_alalshikh اتمنى ما تاخذ كلامي على محمل هجومي وحاول تحط نفسك في مكاننا بس ليله وحده يكون وراك ٧ افراد انت ثامنهم كلهم غير موظفين واطفال و فواتير و ايجار و مصاريف دراسيه و مصاريف بيت و تطلع الشمس كليوم وانا ما نمت افكر كيف اوفر الاحتياجات تعبت والله لكن الحمدلله مابزيد كلام

[طآ @Taqll5]

@Abdulah198900 ما صار عندي مشكله مع انهم يأخذون الوظايف المرموقه انا عجزت وانا ادور وظيفه عندي خبره ٧ سنوات عمل في ارامكو و عندي شهادة ستيب بدرجة عاليه تعتبر من ضمن اعلى ٧٪ في السعودية و عندي اكثر من ٩٠ شهاده كورسات و اختبارات وكل مكان اقدم يطلبني شهادة جامعيه!! كيف اجيب شهاده جامعيه وعمري ٢٩!!

[طآ @Taqll5]

@Abdulah198900 @Turki_alalshikh معالي الوزير انت بلا شك افهم مني و تعرف المصلحه العامه لكن والله يا معالي الوزير المبالغ المدفوعه على الترفيه بس اخر سنتين كفيله انها تاسس حياة اكثر من نص الشباب اللي في دولتنا، اتمنى تحسون بشعورنا وشعور الخوف انك تنطرد من بيت ايجار و عندك ام مطلقه واخوان تعيلهم

[طآ @Taqll5]

@Abdulah198900 الترفيه يا معالي الوزير مهم ونتفق معك في اللي تسويه لكن ابناءكم اهم من الطبقه المخمليه المقتدره ماديا و غنيه و اللي الترفيه تصمم لها و تقدر انها تتحمل تكلفته يقدرون يصبرون سنه سنتين بدون مدل بيست ولا موسم رياض و بفلوس الفنانين اللي مفترض يجون اصنعوا مستقبل لابناء الوطن

[طآ @Taqll5]

@Abdulah198900 اذا كنا احنا في بلدنا مو قاعدين ننعم بخيره و اللي يديره أشخاص من جنسيات مختلفه و يتحكمون فينا خلاص شيلوا منع السفر اللي على جوازي بسبب الديون وانا بهاجر لاي دوله ثانيه تعطيني وظيفه و تعاملني احسن من الطريقه اللي قاعد اتعامل فيها في ديارنا و ديرتنا اللي نحبها قسم بالله شي يقهر

[طآ @Taqll5]

@Abdulah198900 @Turki_alalshikh وش الشي اللي ممكن اقدر أسويه علشان اتوظف رغم اني املك كل المقومات عندي خبره وعندي لغه وعندي عقليه فذه و امكانياتي مو موجوده عند اي اجنبي قاعد على كرسي في مكتب يستلم ٩٠ ولا ٧٠ الف كل شهر انا مابي ذا كله بس ابي وظيفه حتى فراش ما لقيت معطينها للجاليه الهنديه

[طآ @Taqll5]

@Abdulah198900 @Jadarat_sa @HRSD_SA @HADAF_KSA @Turki_alalshikh معالي وزير الترفيه استاذ تركي انت عضد لكل شاب طموح و مبدع و يواجه مصاعب تمنعه ما يتقدم وانت قدها و سيدي الامير محمد بن سلمان اختارك انت تكون عراب للجيل الشاب و مافيه اي شخص يطري على بالي غيرك يقدر يوظفني عمري ٣٠ ما تزوجت وعاطل

[طآ @Taqll5]

@ghayah_edu اعذرني على اللي بقوله لكن اللي يبي يساعد و يساهم ويبي يكون باب رزق بعد الله سبحانه يساهم بافعاله و اذا شاف شخص مؤهل يسعى في توظيفه مو يقعد يغرد ولا بعضهم ما يخدمك بس لانك ولد و لو جته بنت و عجز يدبر لها وظيفه احتمال يعطيها وظيفته ويقعد هو عاطل الله لا يبتلينا ويغنينا بحلاله عنكم

[عبدالله محمد الجدعاني @Abdullhaljedani]

فيديو تثقيفي .. ‼️

إذا كان عقلك لا يتوقف عن التفكير، فهذا المقطع لك..
جراح أعصاب يشرح طريقة التعامل مع القلق الشديد وكيفية استعادة الهدوء والسيطرة على الأفكار المتسارعة 🧠💭
↴✿ فيديو توضيحي 🎥 :

[TRND @NOWTRND]

ترند " مقطع متداول "

رجل ينصح:

لن تترك الصلاة على النبي ﷺ بعد هذا المقطع !

[د. زهرة المعبي @dr_zsm]

قصة للعظة والعبرة

أول راتب استلمته وعمري ٢٣، قال لي أبوي:

«كل شهر تحوّل لي ١٠٠».

قلت له:
«ليش يبه؟»
قال:
«حق التربية».

ضحكت، لكنه ما ضحك.
ومن يومها، كل يوم ٢٧ إذا نزل الراتب أحوّل له ١٠٠، وأكتب بالملاحظة:

«حق التربية».

ويرد علي كل مرة:

«وصل. الله يرزقك».

ولا يزيد كلمة.

حوّلتها وأنا عزوبي.
وحوّلتها شهر زواجي، والديون فوق راسي.

وحوّلتها الشهر اللي انولد فيه ولدي، وما بقي بحسابي إلا ١٤٠.

زوجتي كانت تقول:
«أبوك متقاعد وعنده بيته، وش يبي بالـ١٠٠؟»

وخوياي يقولون:
«أبوك حاط عليك ضريبة؟»

وأقول لهم:
«أبوي كذا، له طبايعه».
مرة تأخرت عليه يوم واحد.

الساعة ٧ الصبح اتصل وقال:
«عسى ما شر؟»

حوّلت له وأنا أضحك وقلت في نفسي: والله إنه دقيق بالفلوس.
ومرّت ١٢ سنة على هالحال.
قبل ٣ شهور، الشركة استغنت عني.
ما قلت لأحد، حتى زوجتي.
كل يوم ألبس ثوبي وأطلع الساعة ٧، وأقعد بالسيارة عند كوفي لين الظهر، ثم أرجع البيت كأني راجع من الدوام.

وجا يوم ٢٧… وما نزل راتب.

لأول مرة من ١٢ سنة، ما حوّلت لأبوي شيء.
بعد العشاء دق جوالي.
قال:
«ما وصلني شيء».

قلت:
«نسيت يبه، بكرة إن شاء الله».
سكت شوي، ثم قال:

«تعال الحين، بروحك».

دخلت المجلس ولقيته جالس، وقدامه دفتر قديم وظرف.
دفّ الدفتر لي وقال:
افتحه».
كل سطر فيه تاريخ، و١٠٠، واسمي.
وجنب كل سطر مكتوب وين راحت:
«برادة موية»… «كفالة يتيم»… «سلة رمضان»… «سقيا عمال».

١٤٤ سطر.

قال:
«ولا ريال من فلوسك دخل جيبي».

وعطاني جواله، وفيه صورة برادة موية عند مسجد، عليها لوحة صغيرة مكتوب فيها:
«صدقة عن ولدي، الله يحفظه».
عرفتها على طول.
هي نفس البرادة اللي عند المسجد جنب دوامي، اللي كنت أشرب منها كل يوم بعد الظهر.
سنين وأنا أشرب من صدقة أبوي عني وأنا ما أدري.

بعدها دفّ الظرف لي وقال:
«وهذا مني أنا».

فتحته، ولقيت فيه ٧٢ ألف.

قال:
«من أول راتب لك وأنا أحط هنا ٥٠٠ كل شهر».
«قلت بيجي يوم ما يوصلني منك شيء… وذاك اليوم بتكون محتاجني».
قلت:
«يبه، كيف عرفت؟»

قال:
«١٢ سنة ما تأخرت إلا يوم واحد، واليوم ما وصل شيء. ما يحتاج أحد يقول لي».
ما قدرت أتكلم.

قال:
«الـ١٠٠ عمري ما كنت أبيها. كنت أبي أعرف كل شهر إنك بخير، بدون ما أسألك وتقول لي: تمام، وأنت مو تمام».

بعد شهرين لقيت وظيفة.
أول يوم ٢٧، حوّلت له ١٠٠ وكتبت:
«حق التربية».

رد:
«وصل. الله يرزقك».

وبعدها بدقيقة، لأول مرة، جتني منه رسالة ثانية:

«ولا عاد تخبّي علي».

[طآ @Taqll5]

@dr_zsm بدون سبب وبدون ما يحسب حساب لل٧ أطفال اللي بينهم و لا حتى للعشره اللي اكثر من ٣٥ سنه. ما اكتفى بهالشي، و قرر يطلعنا من بيتنا الملك يقول دبروا نفسكم في اي بيت وكل اخواني صغار وانا عاطل ومديون واخوي الكبير مثل وضعي، اخر شي على اساس انه رحمه منه اعطانا بيت في الشرقيه كان يأجره سنوي

[طآ @Taqll5]

@n_h_dh @QQ_ZXK قسم بالله مستحيل يتطور هالمجتمع وفيه ناس يفكرون نفسك بهالطريقه😂😂 وش اللي يسيطر عليها و تعرف حجمه الحقيقي؟؟ اختي ترا الزواج مب كذا لكن الله يعلم ممكن انتي مريتي ب موقف او شخص قريب منك حصل له موقف خلاكم تفكرون بهالطريقه. الزوجين اذا احترموا بعضهم بيستمر زواجهم، اجل يسيطر عليها 😂

[طآ @Taqll5]

@Faisal_Careers من كثر مو متشفق على اي وظيفه كنت فعلا راح اكتب تخصصي و المدينه لكن تذكرت علطول كل اللي يكتبون كذا و كلهم يكونون نفس الاحتياج ونفس الشواغر و سبحان الله محد توظف و نقعد في هالدائره شركات تعرض شواغر و مواطنين يصدقون و على الله تي تي مثل ما رحتي مثل ما جيتي بس تعطون العاطل امل زئف👎🏻

[TRND @NOWTRND]

ترند " مقطع متداول "

ابراهيم الحربي:

5 سنوات بدون وظيفة قريت هذه السورة والتزمت بهذا الذكر فكان هذا العوض تبارك الله 🤍😢!

[طآ @Taqll5]

طلع العن منهم.

[طآ @Taqll5]

اشتقت لك، اعرف انك صرت لشخص غيري وهذا واقع بس فيه واقع ثاني مرير وهو ان قلبي باقي للحين لك 🚶🏻‍♂️.

[طآ @Taqll5]

@Lorx_1 @fip_edu @tvtcweb @NCSP_KSA ليتهم يردون على الأقل بالرفض يقهرون يخلونك معلق

[TRND @NOWTRND]

ترند " مقطع متداول "

ابراهيم الحربي:

5 سنوات بدون وظيفة قريت هذه السورة والتزمت بهذا الذكر فكان هذا العوض تبارك الله 🤍😢