Teeha Tarfaya

medical student 👨‍⚕️ Email: [email protected]

[Teeha Tarfaya @Teehatarfaya]

الحمد لله، انتقلت إلى المرحلة السريرية بنجاح، رغم ظروف الدراسة وقاعات الامتحانات غير المهيأة.

أما المؤسف، فهو أن تمنح الأولوية لجمع التبرعات وحفر بئر في إحدى الدول، بينما تُهمَل أبسط احتياجات الطلبة الليبيين المغتربين، من صيانة السكن الجامعي إلى توفير بيئة دراسية تليق بهم.

[Teeha Tarfaya @Teehatarfaya]

من يومين جيت للسكن الهضبة الشرقية جامعة طرابلس بعد العطلة ومازال السمستر ما بدأ وفي حتى طلبة مازالوا ما جوش بحكم ان السمستر كيف بيبدأ فأنا وكم طالب اصحابي حتى هم طلبة طب من الي قاعدين

بغض النظر عن العائلات النازحة من الحرب واخذين مكان معانا في الجامعة لهم اكثر من 5 سنين في طلبة تخرجوا وهم مازالوا قاعدين

المهم مكسدين نتعشوا ونحكوا على احوال الكلية والقراية شباب بسيطة ومتغربة ومجتهدين وفي منهم الي يخدم العشية بيش يطلع حق مصروفه الصبح في الجامعة وسط الظروف الي تمر بيها البلاد حاليًا من حروب وأزمات

وبين المواضيع الي قعدنا نحكوا فيهن هو الكورسات وان في طالب طب من فترة طلع في فيديو وان هو ساحب ملفه من الكلية مش عاجبه طريقة القراية وتعامل الادارة وقال ان في طلبة يدفعوا في مبالغ في الكورسات عليش ما الادارة اتعامل معاهم دكاترة الكورسات ويجيبوهم للكلية ويقعدن محاضرات الكلية مدفوعة منها تستفيد الادارة والدكتور والطالب على اساس القهوة بالبلاش في الجامعة هذا شيء الشيء الثاني توفير المنحة اللي الطالب يستفيد منها في مصروفه في الجامعة فطور وشيتات ومحاضرات اذا كان في حد ناوي ان يبي يحسن وينهض بالطريقة التعليمية الحالية الي تعاني منها اغلب جامعات ليبيا من مدرجات فاضية وعدم توفر أبسط الأدوات لتقديم الإضافة في الشرح

كلام هذا نقول فيه لمصلحة الطالب المتغرب المكافح ليس استنقاص للجامعة أو للكورسات وطلبة الكورسات

بالنسبة لحالتي قريت في كلية الطب البشري جامعة درنة
اعداد واولى وثانية بنجاح وتفوق بشهادة الطلبة والدكاترة والإدارة دراسيًا وإنسانيًا
والفشل مش عيب
بعد انتقالي من درنة لجامعة طرابلس عطلوني في التسجيل في ما يسمى "بالمنظومة" قريب 6 شهور خدمت فيهن عشان نوفر مصروف الاجار قبل التسجيل في الجامعة والسكن الطلابي اللي محتاج صيانة والكثير من حقوقي وحقوق الطلبة وبعدها كارثة دانيال في درنة وقلقي على هلي ومرضتي وقتها السبب الي أثر علي وعلى مستواي الدراسي فيما بعد للعلم ان السمستر اللي فات مصفي خمس مواد وتوا خاش للمرحلة ما قبل السريرية وبكل فخر بعد معاناتي في التأقلم خارج وداخل الجامعة في طرابلس
وتوا في افضل حال والحمدلله على ما مريت به وما أمر به وما سأمر به

ما في شيء بيني وبين اي شخص بذاته ونطالب بحق كل من له حق واللي يعرفني كويس عارف ان انا مش متاع كلام ولامظاهر وحالتي المادية والمعنوية فوق من كويسة ومش من حق اي حد على هذه المنصة تقييم أو تشخيص تغريداتي لكن حبيت نوضح عشان ما يصيرش سوء تفاهم وينفهم الكلام بالعكس
وربي يوفق الكل هذه رسالتي من طالب طموح وعنده غيرة على البالطو الأبيض.

[Teeha Tarfaya @Teehatarfaya]

@MousaQi 😁

[Teeha Tarfaya @Teehatarfaya]

@Psycholg 🙂

[LY! @lyiit7]

#GOATDAY

[Teeha Tarfaya @Teehatarfaya]

النوم

فهو ليس مجرد نهاية ليوم متعب،
بل بداية لتعافٍ داخلي عميق.

[Teeha Tarfaya @Teehatarfaya]

القلق والتوتر والاكتئاب… هل النهاية هي النوم؟

تتداخل مشاعر القلق والتوتر والاكتئاب في كثير من الأحيان، فنجد أنفسنا أمام:

•خوف من المستقبل
•حزن مستمر
•فقدان للاهتمام
•واستنزاف للطاقة

[Teeha Tarfaya @Teehatarfaya]

الخلاصة

كل الطرق الطبيعية التي نلجأ إليها لمواجهة القلق والتوتر
لا تعالجنا بشكل مباشر…

بل تقودنا إلى الحالة التي يحدث فيها الشفاء الحقيقي:

[Teeha Tarfaya @Teehatarfaya]

@CallHimGoat نحن لا نستسلم 😁

[Teeha Tarfaya @Teehatarfaya]

@iBrokovic مازال شوي 😄