ذهب ✨

احياناً شاعره

[المتحدث الرسمي باسم قوات التحالف @CJFCSpox]

تدعّي إسقاطها ..

ستدخل الميدان قريباً..
تذكر شكلها فلا تنسى

[ذهب ✨ @Thahb77]

جلست اعيد الشريط اللي يسليني
اليا ذكرته تجيني يالغلا نوبه ..

اروح في عالم يمك .. يوديني
وسج عن عالم ماهي بمرغوبه

اشوف زولك وصوتك يوم تدعيني
وسوالف من شذى الازهار مجلوبه

اضحك اليا شفت طيفك ثم يبكيني
الواقع المر ياخذني مع دروبه

يا اجمل ليال العمر يابهجة سنيني
ياصدفة غيرت فكري ومسحوبه

قربك سعادة وشوفك يانظر عيني
علاج روحي وماكوله ومشروبه

سجين والفكر ياخذني ويديني
العاقل اللي تخبره صار لعبوبه

تعال شف حالتي والهم كاسيني
اضفى علي الحزن ي صاحبي ثوبه

ان كان قلبك على خبري وتغليني
لا تترك اللي حياته منك مسلوبه

تعال واشبك ايدينك حيل فيديني
وقل للمفارق خلاص و نعلن التوبه

#THA ✍🏻✨

[فهد بن فيصل @KSA_F_A_H_A_D]

قيل قديمًا…

برقٍ تعدّاك لا تستخيّله
لو زان لك عشبه ومرعاه

[ذهب ✨ @Thahb77]

لا حول ولا قوة الا بالله العلي العظيم لله ما اخذ وله ما اعطى وكل شيء عنده بمقدار انا لله وانا اليه راجعون
اللهم اغفر له وارحمه وعافه واعف عنه ..

#ابومرداع

[ذهب ✨ @Thahb77]

وقت مضى على الاجاويد لا عاد
شيء يزيد الروح هم وكأبه ..

قصص تروى من قديم للاحفاد
عن ماحصل لاجدادهم من صلابه

خوف وفقر والجوع بالناس يزداد
جار الزمن وكشر عليهم بنابه

متشتتين ودايم احزاب واضداد
وهذا قُتل وذولا خذوهم نهابه

والحمد للمعبود يوم الامن ساد
وفتح لنا رب المخاليق بابه

على يد اللي اسس الملك ماحاد
عن الشريعه اسسه في كتابه

حمى ركون الدار عن كل حساد
اهل الفتن واهل البدع والخطابه

جمع شتات الشمل وصغى لمن عاد
حتى جمع قلوبهم في جنابه

يوم استقر الامن والخير يزداد
اضفى على كل الجزيره ثيابه

عبدالعزيز عساه بالخلد خلاد
وعساه بجوار النبي والصحابه

وتسلسلوا بعده عريبين الاجداد
وصارت بلدنا له شموخ ومهابه

الله يعز المملكه دار الامجاد
اموت وحيا ياعرب في ترابه 🇸🇦

#اليوم_الوطني_السعودي_95 #عزنا_بطبعنا 💚🇸🇦

[ذهب ✨ @Thahb77]

فز الخفوق لصوت حي ينادي
قمت اتلفت صاحب الصوت وينه؟

فزيت له هو كذب وكادي
وينه ابي اشوف شيء بعينه

يشوف خدي بان فيه السوادي
من السهر والدمع بيح كنينه

اسهر على رجواه والفكر غادي
مثل اليتيم اللي فقد والدينه

يفز لاسمع المنادي ينادي
على سمي امه عسى الله يعينه

وانا تجرعت العنا والنكادي
بأسباب من روحي لروحه رهينه

اصبر على جمر الهجر والبعادي
والصبر طال وضيعة العمر شينه

#THA #iglt ✍🏻✨

[ذهب ✨ @Thahb77]

عسى الساعة اللي جمعتني انا وياه
في ليلة قمرى هواها حكي ثاني

تضم القلوب بحبها والعدو تجفاه
وتنام العيون اللي عليها السهر باني

ياحلم عرض لي كم سنه ماقدرت انساه
اشوفه بنومي وان تكلمت بلساني

تمر السنين وصادق الحب من مبناه
لو طال بعده دايم حاضر وداني

على العهد الاول باقي وعهدنا نرعاه
نحرص على الكلمه لو يكون من كاني

عطيته من روحي وشاح لاجل يحماه
من لفح المواجع والكدر كيف ينساني

#THA ✍🏻✨

[ذهب ✨ @Thahb77]

الحمد لله دائماً وابداً ✨

[ذهب ✨ @Thahb77]

إنجاز على أرض الواقع من سلسلة إنجازات عراب الرؤية وسابق الزمن وباني النهضة السعودية وزعيم الشغف سيدي محمد بن سلمان💚!
ماكان حُلماً أصبح واقعاً 🏆🇸🇦
ومن فخر إلى فخر ونجاح مُستمر ..
مبروك للعالَم ..
#كأس_العالم_2034
#معًا_ننمو 
#ترشيح_السعودية2034

[ذهب ✨ @Thahb77]

وينك طواني عقب فرقاك طاوي
اثر على نفسيتي .. واتعبتني

يا مشغلٍ فكري بعيد الهقاوي
حبك سلب قلبي وعينك كوتني

وينك سألت الليل والليل داوي
والذكريات اللي معك هيضتني

شوفك دواي ومن كبار المناوي
حدثت روحي عنك ثم سبقتني

الشوق واصل حد وش انت ناوي !
لو ما منعت النفس كان احرجتني

يا روح روحي اقبل الليل ضاوي
تعال نوّر عتمته ضايقتني ..

افتح لبيبان السعاده فضاوي
طول غيابه والجروح اوجعتني

#THA ✍🏻✨

[ذهب ✨ @Thahb77]

وين انت يامشعل الذكرى ويالجافي
ما هزتك عاصفة ذكاري و اشجانه !

تعال جدد سوالف .. مابها خلافي
خل المسامع تعيش اليوم طربانه

جانا الشتاء والمحبه حضنها دافي
واحلامنا والاماني .. تسرج عنانه

يسري بي الوجد ليل البرد ياكافي
ليل الشتاء يجعل الازهار ذبلانه

تعال نسهر مع ليل الشتاء الوافي
وعيون اهل الفتن هالوقت نعسانه

احساس وشعور قمرا جوها صافي
ماغير انا وانت وناي الشعر والحانه

#THA ✍🏻✨

[ذهب ✨ @Thahb77]

ما والله انشد من تركني على وين
دربك سهل وان طاب خاطرك قلي

قبلك خذت سود الليالي حمر عين
اقفى .. لا جافي ولا هو تغلي

ولا انت لو تاخذ مع الشهر شهرين
خذ راحتك وبعدك ترا جايزٍ لي

خذها صريحه واحفظه بين قوسين
من صد من كيفه عنا يولي

لا توهمك نفسك على فعلك الشين
انك كسبت الطيب والطيب باللي

يحفظ عهود الحب ومعامله زين
وجهه بشوش وخاطره مسفهلي

#THA ✍🏻✨

[ذهب ✨ @Thahb77]

من اثار التعريه ترتسم صوره
كنها عودٍ تعنز بمعكازه ..

الجبل ثابت والانظار مبهوره
من جمال الشكل من مر ما اجتازه

#THA ✍🏻✨

[ذهب ✨ @Thahb77]

تخنقني العبره على غيبة انسان
واقول يا عيني من الدمع هاتي

هاتي دموعك حب و اشواق و اشجان
على وليف الروح زين الصفاتي

يصعب علي انساه لو كان ما كان
وشلون ابنسى من يساوي حياتي

العام بين ايديه لولو ومرجان
واليوم اشوفه بس في ذكرياتي

اعيش مع طيفه واليا اختفى بان
و افز له وانسى مع الوقت ذاتي

ليت الظروف تروف في بعض الاحيان
ولا تحرم المشتاق حلو المباتي

او ليت به قانون حاسم على شان
ينصف قلوب ضاع حلمه شتاتي

#THA ✍🏻✨

[ذهب ✨ @Thahb77]

@whynot22_ كل عام وانتي بخير وصحه يارب 🤍🤍🤍

[ذهب ✨ @Thahb77]

على هيئة بشر هاتوا علاجي
مغذي الروح وعلاج التهابه

هذاك اللي مشعل لي سراجي
بليل ضوه .. نوره ينسرا به

كسر قلبي مثل كسر الزجاجي
كثر ما غاب واسرف في غيابه

انا وشلون ابلقى لي خراجي ؟
وانا منصاب ومتمكن صوابه

احسب ان الغلا شيء مزاجي
متى ماشوم عنه اصك بابه

واثاري ان الغلا بالقلب لاجي
حمته ضلوع صدري والتجى به

#THA ✍🏻✨