Coach . Ali aldaihan 🇰🇼

رجل اعمال _ مؤسس شركه ثـندرز || نادي - رحلات - مطعم ||

[Coach . Ali aldaihan 🇰🇼 @Thunderskw]

"ومن يَنظُر بِعَين القلب يُبْصِر
جَمَالاً لَيْسَ تُبْصِرُهُ العُيُوْنُ" ✨🤍

[Coach . Ali aldaihan 🇰🇼 @Thunderskw]

عـيدكم مـبارك
- وجبه بخاطركم فرضياً ( صفر سعرات )
- بعدها سويت يطيب الخاطر ( ايضا صفر سعرات )
.
شنو راح تكون الوجبه وشنو السويت !!

[Coach . Ali aldaihan 🇰🇼 @Thunderskw]

اوكي .خلصنا اول ٦ شهور من ٢٠٢٦ تقريبا
.
تعالوا الي سويتوا زحمه براس السنه
( اهداف جديده - وخلصتوا المقاسات من محلات الملابس - واشتركوا بالنوادي بعروض - وذبحتونا ستوري تصورون بالنادي مع المق والجوتي اليديد )
وبعدها بجم اسبوع ترددون (( لا عاد مصخت من الاحد نبلش ))
وبعدين معاكم .!

[Coach . Ali aldaihan 🇰🇼 @Thunderskw]

صباح الخير اما بعد ..
راجعني قبل يومين شخص زايد ١٩ كيلو من ١٠-٢٠٢٥ /؟
قلتله شصاااير بالدنيا .؟
قال ركضت الايام وما استوعبت لين دخل الصيف /!
..
شسالفه دايم نتحجج بالايام تركض .!!
ودي مره احنا نركض معاها 🙂

[Coach . Ali aldaihan 🇰🇼 @Thunderskw]

من ناس متينه - ماكو هدف
لغايه ما صاروا الي حولكم يعتبرونكم المرجع مالهم
( اقولك شنو اختار اي وجبه )
( اقولج هذا النادي ولا هذا )
( اقولك شرايك بهالتمرين )
( اقولج شلون انزل ٥ كيلو نفسج )
.
تعبوا عشان تحسون بلذة هاللحظات 🧘🏽

[Coach . Ali aldaihan 🇰🇼 @Thunderskw]

كل عام وانتم بخير
عيد فرحه وسعاده مع من تحبون
للتذكير : السعرات الحراريه ليوم العيد = صــفر
بس بالمعقول بارك الله فيكم
يلا نشتغل على هدف ٦٠ يوم لغايه عيد الاضحى
ونطلع بنتايج احلى واقوى 🙏🏼

[Coach . Ali aldaihan 🇰🇼 @Thunderskw]

دار السبائك مو ناوي تفتح الشراء 🙂.؟
مااانبي نبيييع .. نبي نشتري

[Coach . Ali aldaihan 🇰🇼 @Thunderskw]

والله من صج .!!
بتدش رمضان مقاسك اكس لارج ؟!
..
تبقى ١٦ يوم . الوقت ينفذ ⏳

[Coach . Ali aldaihan 🇰🇼 @Thunderskw]

جد جد سؤال .!!
سنويا رمضان صيفي والنفسيه من الحر ألف
والناس تخلص رمضان زايدين ٣-٤-٦ كيلو .!!
..
رمضان ٢٠٢٦ الجو خيال .! وبراد هاا .؟
جم متوقع الزياده .!
شبتسوووون .!!

[Coach . Ali aldaihan 🇰🇼 @Thunderskw]

٢٠٢٦ سنه جديده
فعليا لا جديد
نفسياً تحطون اهداف جديده وراح نبدي الخ الخ ..
تبقى على رمضان اقل من ٥٠ يوم
تبقى على الصيف اقل من ١٠٠ يوم
..
اذا هدفك ٥٠ يوم تقدر تشتغل على ٤-٧ كيلو
اذا هدفك ١٠٠ يوم تقدر تشتغل على ٨-١٤ كيلو
..
بس تكفا لا يكون هدفك (( اقسم بالله راح ارجع ألبس ميديم )) 😭

[Coach . Ali aldaihan 🇰🇼 @Thunderskw]

صارلي فتره
كل ما اصادف احد يقولي والله اشتراكي شغال بالنادي ومالي خلق اروح .!
هابين بشنو من ورانا .!
صچ المونجارو صارت دئه اديمه ..!
شالجديد .!
..
مول - نادي - بكل مكان الاغلب راس عود وجسم قلم .!

[Coach . Ali aldaihan 🇰🇼 @Thunderskw]

وزنـي صايـر مثل الذهب
يتراجع قليلاً ثم يرتفع بقوة 🦦

[Coach . Ali aldaihan 🇰🇼 @Thunderskw]

مساء الخير
😭😭 خلااااص بس .. مسجاات بكل مكاااااان
اقسم بالله مو انا سبب هبوط الذهب

[Coach . Ali aldaihan 🇰🇼 @Thunderskw]

صباح الخير اما بعد …
مستعد اقرأ كل التعليقات مثل :
من الاحد راح ابلش — حلفت هذه اخر وجبه اكلها — من باجر انا انسان جديد — لازم اطلعلي وقت حق النادي خلاص مصخت ..
.
الا جماعه (( يكتبون اهداف ١-١ من كل سنه وللحين ما بلشوا ))
ترا باقي ٨٠ يوم على ٢٠٢٦
بـاي

[Coach . Ali aldaihan 🇰🇼 @Thunderskw]

لا جد جد !
..
الحين الفكره الاساسيه من قصه الوزن الزايد شنو .!
ان نوصل حق جسم ما نقول فتنس لا يبه راضين بجسم زين صح .!
اياً كانت حلولكم ( تكميم - ابر - دايت قاسي - شوربه تمر الخ الخ )
خلصتوا نزلتوا .! ١٠-٢٠-٣٠ كيلو .!
شنو مشكلتكم بأنكم تتمرنون بعدها ويصير نمط حياة ‼️

[Coach . Ali aldaihan 🇰🇼 @Thunderskw]

محيطك لازم ولازم ولاااازم يكون فخور فيك. وليس غيور منك
لذلك ..نظفوا محيطكم
وصلت ولا نعيد .!

استغرب من الناس الي دايم تشتكي من ناس قريبه انها دايم محبطه وتجادل وتشكك بعملكم - انجازكم - فرحتكم .!
الشكوى مره ومره تاخذ من بالكم المرتاح
اقطعوا رأس الأفعى وانتهى
وصلت ولا نعيد .!

[Coach . Ali aldaihan 🇰🇼 @Thunderskw]

بوسط الطبيعه وفي عز التمارين اليوميه :
تأملت وصفنت شوي .. الانسان سبحان الله مايعز عليه الشي الا اذا فقده
.
بصحتنا وعافيتنا ( ساعه حركه ) اهي عباره عن تأمين وتعزيز لصحتكم وصلابه الذهن بعد الله سبحانه
لا ما نبي
.
وبعد ما نفقدهم نروح نفرفر بهالمستشفيات والعيادات وندفع كل مانملك عشان نرجع ربع الصحه والعافيه وراضين بعد .!
.
الحركه يالغالين لا بارك الله في الكسل ♥️

[Coach . Ali aldaihan 🇰🇼 @Thunderskw]

اجازتي السنويه بلشت
- راح اكل بدون حرمان
- راح اتمرن بالكثير ٢-٣ ايام بالاسبوع
- بالسفر مراح اقول شنو اكل واعيش بضغط نفسي مع الوزن
- بالسفر راح تتغير اوقات الاكل والنوم
••
راح تخلص الاجازه راح اكمل على نفس الوضع الي كان قبل الاجازه
لـيـش .!
بكل بساطه لاني اتمرن واكل صحي حالياً عشان اعيش مو عشان هدف زمني ( عرس - وظيفه - سفره - دوام جديد )

[Coach . Ali aldaihan 🇰🇼 @Thunderskw]

ثـنـدرز صار مو بس نادي
..
ثـندرز صار نادي تتمرنون فيه + وتشتركون فيه بوجباتكم الشهريه + يوفرلكم سناكاتكم الصحيه بكل انواعها وتاخذون فيه موعد تضبطون فيه تغذيتكم وتمارينكم حتى لو كنتوا بآخر نقطه بالكوكب 🌍
ويسفركم رحلات رياضيه - سياحيه
..
ثـندرز يعني مكان متكامل تتمرن فيه انت وولدك بنادي الرجال وانتي وبنتج بنادي النساء بوقت واحد
ثندرز اسم انتوا كبرتوه وسويتوه لين صار بيتكم الثاني 🙏🏼

[Coach . Ali aldaihan 🇰🇼 @Thunderskw]

رياضياً :
احنا منتصف الثلاثين لي منتصف الاربعين
لحقنا على نوادي السراديب ♥️تأسسنا صح
استانس اشوف بالنوادي كل واحد داش جسمه مرتب ومعاه ولده يدربه بالنادي 🥹
..
تحيه لكل أب حافظ على شبابه وتعب على نفسه
واليوم ولده يسولف مع ربعه يقوله رايح مع ابوي النادي

[Coach . Ali aldaihan 🇰🇼 @Thunderskw]

مساء الخير اما بعد ،،
بالأسفل خرافات سببت لنا تأخير كبير بالاستيعاب لين طاح الفاس بالراس .. 🧘🏽
- لا تلعب ولدك حديد لين يكمل ١٨ راح يوقف طوله
- البنت مره تلعب علوي كافي عشان ما تعضل
- البروتين شيك مو زين حق الي اقل من ١٨ سنه
- المدرب قالي اضعف بعدين اشيل حديد
.
.
وأخيرا اذا ما خلصت صحنك راح تدش النار 😭