،،،

[،،، @TmimT_]

ودّعيني دام قلبك نوا ( درب الوداع )
عقبها روحي بحفظ الله و في رعايته

واتركيني بين زيِف .. المشاعر و الضياع
ودّي اخذ ثاري من " السنين الفايته "

خابت الهقوات والحزن في عيون الشجاع
و في ميادين المحبين نـكس . . . رايته

[،،، @TmimT_]

مالله كتب لي على اللي صار صبرً جميل
ولاكتب لك عذر .. واللي مايكتب عسر

ماودي ارحل لاكنك اجبرتني بالرحيل
سوالفك ماتسر / وخاطرك مايسر

ضايقتني يوم جيتك بالكلام القليل
وخسرتني نفسك وكنك بعد بتخسر

غديت ضيفً حشاده في ضيافة بخيل
كلامه يقول اسر / وعيونه تقول اسر

[،،، @TmimT_]

يارب هالمره هي أخر مره
و لاهوب شايفني و لا لامحني

أدري حلفت إن شارعه ما أمرّه
لكن أنا مشتاق له .. سامحني !

[،،، @TmimT_]

ماتمنعني حدود المسافه عن التعبير
انا توني مسولف معك وانت ماتدري

كلمت طيفك لين حسبته يناديني
وامد كفي واظنه يلمس يديني

من زود شوقي صرت اعيشك في عيني
واحضن خيالك واحسبه يحتويني

واضحك مع وهمك واصدق حنيني
وابكي اذا غاب طيفك عن عيني

[،،، @TmimT_]

1
تمر طيوفك العذبه وتحيي ضحكة محياي عسى شوقك يجيبك لين يوقف بك عند بابي
حبيبي كان ما جابك بعد طول الغياب
غناي لا يمكن غيرك من الناس يكسب إعجابي
على شان الغلا والحب جيتك تاركِ مشهاي
عن الزلات وجروح المحبه صرت متغابي
سعيت ولا لقيت إلا التعب والحزن في مسعاي

[،،، @TmimT_]

ما حسبت حسابنا صد وتجافي
لين صرت اول قتيل بمملكتها
ماوفت لي مير انا مبداي وافي
قالو اقفت قلت الايام جبرتها

شاءت الأقدار والدنيا .. منافي
أبحرت بقلوب اهلها واغرقتها
المعافا لو فقد طعم العوافي
عاف لذات الحياه ومعرفتها
والعويق تضيقيه جرد الفيافي
لو يمد الشوف رجله مامشتها
(1)

[،،، @TmimT_]

فيه نوع من أنواع الزعل يخليك ساكت ولا تعاتب ولا تلوم وتكتفي ب إنك ترحل.

وقيل على سياق ذلك:

لا انتهى عمر الفلا وأقفت عن ديارك
لك يمين بالله إني ما أتنازل بـ إلتفاته.

[،،، @TmimT_]

على عيد انكساري في غرامك قبل تسع
سنين تذكرتك وقلت اكلمك والنيه النيه

الو لبيه يا اغلا من ذبحني قبل عام الفين
ومت ولا حيّيت الى على ذكره وطاريه

احبّك وين ماسجّت عيوني فـ الزمان الزين
وسججني الزمان اللي متاهاته خيالية...

[،،، @TmimT_]

النفس لا طابت ترا مابها طبّ
أصعب علاج ، علاج نفسٍ عزيزة

[،،، @TmimT_]

فمان الله يا حب وقف ما كمل المشوار
عرفنا مفرق الدربين ما يحتاج تكميله

بقت بس المعزه بيننا ما كن شيٍ صار
و صرنا اغراب عقب الود يا دنيا من انتي له

فمان الله يا قصة غرام و اصبحت تذكار
صنعها الحب في لحظه و لا كمل تفاصيله .

[،،، @TmimT_]

"من لا يحسّ بقيمتك وأنت موجود
ما هو بناشد عنك .. لا صرت غايب"

[،،، @TmimT_]

"اللي يرخص قدرنا كيف نغليه؟
واللي خذلنا ما نثمِّن وقوفه

لا ضاعت الهقوة وخاب الرجا فيه
لو هو بجنب اكتافنا .. ما نشوفه"

[،،، @TmimT_]

"عزلة الإنسان تغنيه عن بعض الامور
عندها يرتاح عقله .. ويرتاح بدنه"

[،،، @TmimT_]

ولهان اشوفك صدق ولهان
وافز لا جابو لك الناس سيره
اقوم واقعد والتفت واسهر احزان
وجروح قلبي من غيابك اسيره .....

[،،، @TmimT_]

ودعتك وأنا في خاطري مانويت الرحيل
من كثر حبي لك تمنيت موتي ولا فرقاك

مرّت شهور وباقي الدمع على خدي يسيل
والزمن واقف على اليوم مني خذاك

اتسائل ليه توعدني وثم عن وعدك تميل
واتسائل الشعور اللي يجيني تالي الليل جاك؟

أشتاق لـ الليالي بقربك وذاك الجو العليل
وأشتاق لصوتك وضحكتك وشوفك

[،،، @TmimT_]

تطري علي وأشتاق لك وأتمناك
والقاك حلم من بعض ذكرياتي

أنا ادري إني صرت ماني بوياك
لكنك أحلى حلم مر بحياتي

من عاشرك ماظنتي بيوم بينساك
مهما تغيب تكون لي مثل ذاتي

وأصعب مواقف دنيتي يوم فرقاك
فيها عرفت انك تساوي حياتي.

[،،، @TmimT_]

استباح الشوق . . نسناس الهوى واحتله
والجروح اللي بقت بعدك من يداويها

و الغياب اللي خذا زولك . . وخلى ظله
ليه يحرمني من عيونك ونفسي فيها ؟

[،،، @TmimT_]

ما معي غير السهر والوحده وبيتين
لا عصا موسى ولا حتى سفينة نوح

سافري بي ماني بناشدك رايح وين
معك في كل الدروب انسى التعب واروح

وسولفي عن كل شي وطالبك ثنتين
ما ينبش بالجروح ، وما يعل الروح

وابشري باللي يسر القلب قبل العين
يا عيون امي وابوي وسالم ومسروح

[،،، @TmimT_]

لو توالت عليك من الزمان الهزايم
لا يموت الطموح .. ولا تكلّ العزيمة"

[،،، @TmimT_]

ايّام تحت عنوان:"مرّةٍ أسلى .. ومرّه يعاودني بلاي"