YasuoMain

[YasuoMain @TypicalYasuo012]

يمكن ده من اسوأ الحاجات اللى ممكن تعملها فى نفسك
تفضل مأجل وتقول لما اوصل لكذا هاخد الخطوة وتلاقى العمر جرى بيك

يسطا تأقلم على وضعك الحالى خلاص مش لازم تبقى مليونير وعندك ڤيلا وعربية ألحق عيش واتجوز وشوف عيالك واخرج فى اماكن على قدك انت خلاص نص عمرك تقريبا راح وباقى النص التانى

[ليه...؟! @_yr_favperson]

هو ليه عُمر ما حد اتكلم عن احساس انك مستني تعيش؟
يعني انت قاعد مستني ان حياتك تبدأ ومقتنع انك لسه مبدأتش حياتك

[YasuoMain @TypicalYasuo012]

الجماعة اللى بيهاجموا تعدد الزوجات قصدهم عداء مع الإسلام نفسه لإن التعدد مش ظاهرة اصلا ونسبتها قليلة جدا من إجمالى حالات الزواج

[YasuoMain @TypicalYasuo012]

جماعة بالله عليكم قبل ما نقول نظام نبص على الناس اللى مطبقينه اخبارهم ايه الإحصائيات عندهم عاملة ازاى منبقاش زى عوام المصريين
النظام اللى بتتغنوا بيه محقق أقل معدلات زواج وجزء من السبب هو قوانينهم اللى عاوزين تطبقوها وعايشين مساكنة وعلاقات غير شرعية فهل انتم عاوزين ده عندنا؟

[خالد هشام 𓂆 🇪🇬🇩🇪 @Khaledhesham95]

احسن حل علشان خناقة القايمة دي تخلص نشيل خالص كل دا على جنب ونمشي بالنظام الاجنبي كل حاجة النص بالنص من تجهيز ومصاريف وشغل بيت وحياة وكله كله حتى وقت الطلاق لا قدر الله النص بالنص ولا حد يتخانق مع التاني وراجل وست وكل دا وهنرتاح كلنا والله

[YasuoMain @TypicalYasuo012]

اللى عاوز الست تقسم معاه يجي شمال واللى مش عاوز يجي يمين

طيب لو واحد عاوز مراته تقسم معاه واخته بتحب واحد مش عاوز مراته تقسم معاه وهيتجوزوا نقولها لا استنى عندك دورى على واحد زى اخوكى عشان نديكي ميراث بالتساوى مع اخوكى زى ما اللى هتتجوزيه هيتساوى فى الميراث مع اخته 😅

[Salma el Daly @salmaeldaly]

عايز الست تقسم معاك الايجار بالنص، وتدفع معاك اقساط الشقة، هتقبل المساواه في الميراث؟

[YasuoMain @TypicalYasuo012]

ممكن يبقى هو بيشتغل ريموتلى من البيت ولا صانع محتوى على اى منصة بيعمل ستريم وهى موظفة بتنزل تروح الشركة وتلحق البصمة فكده هو هيقعد فى البيت اكتر منها فمن حقه هو اللى يختار بقى
ولفى بينا يا دنيا 😅

[Sandy @gabra_sandy]

لو هو اختاره لوحده من غيرها يبقى حقها ترفض شكل البلاط لو مش عاجبها، هي جوازة مرة واحدة وهي بتقعد اكتر منه في البيت فلازم تبقى مرتاحة نفسيا لشكل البيت والكلام بتاع نبقى نغير بعد الجواز ده مش بيحصل

[YasuoMain @TypicalYasuo012]

بس كده ونقطة

[شيء لله يا فرحة @Rababoush]

الفصل في الموضوع ده جهز على قدك وخد اللي ترضى باللي على قدك

أنت مش داخل خناقة مع ناس تعرفهم قد إيه أنك معاك أو ممعكش لأن من حقهم يرفضوك ما دام مش هتريح بنتهم زي ما أنت رافض أنهم يريحوها ويضمنوا حقها اللي هما دافعينه

[YasuoMain @TypicalYasuo012]

اختارى جوزك

[آ. @AyaaArfat]

@AliSayed199 لو مش هختار البيت اللي هعيش فيه علي ذوقي اللي غالبا بيفضل طول العمر المفروض اختار في اي بقي؟؟!!

[YasuoMain @TypicalYasuo012]

السفينة اللى ليها قبطانين تغرق

[🌤 @Solariaboelfdl]

الحقيقة ان حل المشكلة دي في ايد الرجالة بس مش انهم يجهزوا لوحدهم لا الحل انه يقبل المشاركة حتى مشاركة الست في مصاريف البيت بس لازم ضروري الرجالة تبطل تبص للست على انها تابع ويتعاملوا مع الست انها شريك مساوي ليه ساعتها بس الستات هتشارك عن طيب خاطر

[YasuoMain @TypicalYasuo012]

فيه فرق بين ترضاها لنفسك وفرق بين إن هو ده المتاح اللى تقدر عليه
الفقراء فى العالم هم الأغلبية
والعمر مش هيستناك تشتغل وتحوش صحتك مش هتفضل معاك عشان تستخدمها مع ابنك تجرى معاه وتلاعبه يقال إن الزواج فى سن متأخر نسبة التشوه فى الجنين بتبقى أعلى فمظنش إن حد يحب الأمور توصل لكده

[DITSH @M7MAD_7DITSH]

هو السؤال ليه اصلا عيشة زي دي ترضاها لنفسك انت شخصيا مش هقولك لواحدة كمان معاك؟ يعني عيشة سكن الجامعات دي شوفت مين بيشكر فيها ولا مستحملها علشان تبقي عايز تستنسخها في جوازك و بتضرب بيها المثل

مش باخد صف حد والله بس انت غالبا لو عندك اخت مش هتحب ليها دا

[YasuoMain @TypicalYasuo012]

حصل مع بعض المعارف بعد الزواج اشتغل وحوش وضغط نفسه شغل لحد ما حوش فلوس القايمة والمؤخر وسلمهم لمراته ومضت انها استلمت المؤخر والقايمة اللى كانوا دين عليه لازم يسدده وهى جابت بالفلوس دهب ليها تلبسه
كده لو مات يبقى مرتاح مفيش عليه ديون

[Ahmed Mansy @mansy2]

هو مش ممكن نخلي القايمة يحصلها تحديث بيانات كل ٥ أو ١٠ سنين مثلا؟
يعني مثلا يتم معاينة المكتوب فيها على الطبيعة وتحديث حالته، التالف والقديم والمفقود وكدة.

وكمان جوازات كتير مشيت كويس وكانوا كاتبين قايمة فممكن الزوجة بعد ما اتطمنت لزوجها يتم تبديل القايمة بعقد تملك أو مهر مؤخر

[YasuoMain @TypicalYasuo012]

وهيدفعلها مؤخر ليه مش فاهم التعدد مش من الاسباب المادية لطلب الطلاق يعنى ترفع خلع ومش هتاخد مؤخر
هى هتاخد قايمة المنقولات بتاعتها وبتوع زمان فى دايرتى كانوا بيمضوا القايمة على بياض يعنى حط فيها الرقم اللى انت عاوزة
وكده كده ولادها الرجالة أولى بيها لو عاوزة تطلق

[ميرنا @mernna_]

طيب الست اللي اتجوزت عشرين تلاتين سنة
وجوزها قالها انا مش عايزك تتبهدلي ف شغل اقعدي ف البيت مملكتك يا ملكة
وبعدين جدو حب يجدد شبابه وراح اتجوز عليها بت صغيرة والست لا تطيق التعدد وعايزة تطلق
بعد ما فنت عمرها بقى خدمة وتربية
هيتقالها حقوقك يست الكل الف جنيه مؤخر ميغلوش عليكي

[YasuoMain @TypicalYasuo012]

افتكرت قصة كوميديا سوداء كده

واحد تعرض لنفس الموقف وخطيبته طلبت يغير فى التوضيب ويهديكي يرضيكي مفيش لازم يغير فوافق وغيرلها السيراميك والبياض للى اختارتهم
بعدها فسخت الخطوبة وقالتله مش عاوزة اكمل
بعدها خطب واحدة تانية قالتله مش هعيش على زوق واحدة غيرى وعاوزاك تغيرلى التوضيب 😅

[Maher @Maher_ibrahim9]

حاجة غريبة واحد صاحبي لسه ناهي خطوبته لسبب عجيب من الطرفين والملحوظة انهم فعلا بيحبوا بعض وبقالهم فترة فبتشوف الشقة وهو عامل بلاط بتاع سيراميكا ده والمفروض انه مكلف
المهم قالتله كسر البلاط وهات بلاط تاني لان شكله ستايل قديم وصلها وروح كلم باباها وفسخ الخطوبة

[YasuoMain @TypicalYasuo012]

ليه تاعب نفسك وتدور المهر كاملا مقدم ومؤخر لو جرام دهب واحد هل الزواج صحيح ولا غير صحيح ؟

الزواج صحيح عادى مفيش مشكلة ولا ينقص منك شئ ولا ينقص من الزوجة اللى توافق بالمهر ده شئ

[Mohamed Hamdy @3abooood93]

تصحيح بعد ما دورت كويس لقيت ان مهر السيده فاطمه كان 400 درهم
يعني تقريبا بالظبط 1190 جرام فضه بما يعادل حاليا 109 الف جنيه تقريبا

الرسول مزادش عنه ابدا لكن كان فيه اقل لكن دا اكبر رقم جوز بيه الرسول في حياته

[YasuoMain @TypicalYasuo012]

حسب الاتفاق
لازم تتفقوا هل هى مهر كامل يعنى مفيش مؤخر ولا جزء من مهر والباقى مؤخر او هى هدية والمهر موضوع تانى

[Tomodachi @Youssef3ady]

بمناسبة المهر فالدهب مهر
Bye

[YasuoMain @TypicalYasuo012]

حلو الكلام ده
طيب لما هى بتطلب طلاق دون وقوع ضرر مادى او بترفع قضية خلع هل بتسترد حاجتها فقط وتسيب اللى هو جايبه بديل المهر ؟

الإجابة لا قانونا بتاخد القايمة كاملة لما تطلبها بما فيها الحاجات اللى الزوج جايبها وديه صورة من صور أكل المال الحرام المنتشرة فى المجتمع فى قضايا الخلع

[همممبففف @3atshy]

والله موضوع القايمة ده ابسط من بسيط بتاع سبونج بوب، القايمة اللي فيها الحاجات اللي سيادتك جبتها والحاجات اللي البنت جابتها سوا وبتمضي عليهم، ليه مكتوب الحاجات اللي انت جبتها عشان حضرتك مدفعتش مهر وهما ارتضوا بالمهر يكون حاجات جبتها البيت ف بتتأيد ف ورقة لحفظ حقها، عايز انت تجهز

[YasuoMain @TypicalYasuo012]

@banoshoppahan يا فندم ده قانون الأحوال الشخصية المصرى بيقول الكلام ده مش أنا
الزوجة حقها تطالب بالقايمة وهى على ذمة زوجها
أفعال الزوجة الأخلاقية زى الخيانة وارتكاب جرائم جنائية وصدور حكم قضائي ضدها لا تؤثر على حقها فى القايمة تأثير ده ممكن يبقى فى الحضانة
وفى الخلع القايمة مش من ضمن تنازلاتها

[YasuoMain @TypicalYasuo012]

بعض الشباب فاكرين إن الست بتاخد القايمة وقت الطلاق
جماعة القايمة الست تقدر تطالب بيها فى اى وقت تحت اى ظرف حتى لو بتخون جوزها ونامت مع 100 راجل لو خلعته لو قتلته لو قتلها لو ماتت طبيعي اهلها هيطالبوك بقايمتها عشان بيورثوا فيها عادى

[احمد @AhmedAb67295146]

شرح لماهية القايمة من ام فاهمة بعيدا عن مراهقات تويتر ....

[YasuoMain @TypicalYasuo012]

هو ياريت يتكتب الحاجات اللى الاتنين جابوها بس 😅
الموضوع اكبر من كده بعض المناطق فى مصر بيكتبوا حاجات مجاتش اصلا وفيه ناس بتحسبها كفلوس يعنى حاجات الزوج + الزوجة على بعض 600 الف فعليا بس هنكتب في القايمة إنهم بمليون والدهب فعليا بيجي 15 جرام وبيتكتب إنهم 70 ولا 80 جرام

[Null❄️𓆸 @Abell_loulou]

مش فاهمة هو احنا ليه بنكتب الحجات اللي هو جابها
و دهبي انا
هو مش المفروض يتكتب اللي جبناه احنا بس ؟

[YasuoMain @TypicalYasuo012]

غالبا مش هيوافقوا كنت بتناقش مع اتنين كبار سنا وعندهم بنات متجوزين وأحفاد
وردهم إنه لا لإن بنتهم لو زهقت او جوزها ضايقها وعاوزة تخلعه هتطلع من الجوازة فاقدة عذريتها ومفيش فلوس لإن فى الخلع بترد المهر وتتنازل عن المؤخر ونفقة المتعة والعدة وكله
لكن القايمة بتاخدها فى كل الحالات

[ديجـاڤـو @lowkeyvoid1]

بسأل سؤال بجد و الله
لو البنت جالها راجل قادر يجهز بيته من مجاميعه و دهب معقول و مهر في المعقول بس مفيش قايمة مفيش غير عقد زواج بس و تجي بشنطة هدومك بس و يكون هو اللي شاريهم برضو.
هتوافقوا ؟ اهاليكم المصريين هيوافقوا ؟

[YasuoMain @TypicalYasuo012]

هو لو الشيخ اللى بيخطب قال كلمة لازم فأظن اخطأ فى الحكم لإنه جائز لكن مش لازم
وفيه فرق كبير بين الكلمتين

[The winner takes it all @midnightsera20]

يخربيت الضحك يعني ليه خطبة الجمعة تبقى عن الراجل اللي يسمح لمراته بالشغل لازم ياخد من فلوسها فعلا دي أكبر همومنا هتفضلو شعب متخلف فلاح فعلا ومش هترتقو أبدا