فك الزرار عن الثنين المساجين
خل الهوى يطرق عليهن مهبّه
انا دخيل الجيد والعنق والعين
واللبّه اللي غير عن كل لبّه
وان كان م اطلقت الثنين ا��مساجين
طالبك تسجني سنه دون سبّه .
ما يخلف الفارس المقدام غير الهنوف
اليا مشت يختلف من صوت خلخالها
اتقول هاجرت من الارض ورقيت القنوف
اليا اشبكت غترتي فـ اطراف سلسالها
والله ما يطري علي من طاري الخوف خوف
خصً لا منها ازهمتتي واحذفت شالها
شافتني بـ عينها الموطن واعز الشفوف
واستوطنت في صميم القلب بـ لحالها
عليه جسم غير عن كل الاجسام
مهما لبس من لبس قلت متعري
وعلى كثر ما شاف من خير وانعام
جميع ماياكل بجسمه يمري
على المفاصل كني اربط له حزام
والجلد كنه داهنه سمن بري .
يفرق بـ عينٍ مثل عين النداوي
وعليه من شيهانةً الشط اشارات
سودً عيونه يخلفن الهقاوي
ويثر بـ صدر مولع القلب دقات
ماااله حلّيٍ بـ الحضر والبوادي
ولا بـ القرى يوجد ولا بـ الجزيرات.
الله على اللي مقطّعةٍ كبود الحريم
و ميقات كل القلوب الخضر في نِجلها
مْترفه في كنف عودٍ نظامه قديم
من حِبها كل ما خِطبت تحجج لها
ولاهي من اللي تميل مْع الغني و الوسيم
اللي ما خارج لـ أبوها ما يخارج لها
عودٍ رفع رجلها عن أوبر و عن كريم
من يوم ساقت و موترها تحت رجلها