⁷

كل تفاصيلك لها بعيوني مكان

[⁷ @Ul7XA]

اللهم لا تقبض روحي الا وانت راضٍ عني يارب ، اللهم ارحمني حين ترفع روحي إليك وسخر لي من يدعو لي بعد موتي .

[⁷ @Ul7XA]

لا قدرت أتلذذ بالهوى واستفيد ولا
قدرت أتخلص واضرب الجندلي

[⁷ @Ul7XA]

وتوّ العمر وأنا دروبي معاك بعاد
الى من نشف ريقي فـ جب ثغرك وبلّه

جعل كل يومٍ قد مضى لي معاك يعاد
وأنا مايكفيني معك . . مامضى كلّه "

[⁷ @Ul7XA]

تغشاك قلبي تحت جنح المسا وإنقاد
كفيفٍ . . ولقى كفٍ يداريه ويدلّه

نزع من تراب أرضه خيام وعمد وأوتاد
لقى في ثراك أرضٍ وفي حلتك حلّه

على أني أباعد وأتمرجح . . رضى وعناد
أدور رضى الاحلام . . ما أدور الزلّه

لازال القديم من الليالي معك ينعاد
إذا شفت ظنك شك في محبتي قلّه

[⁷ @Ul7XA]

تمر السنين وكل حاجه على المعتاد
هذا دربك أدله وذا بيتك أدله

ولازال صدرك عن حنين الغريب بلاد
تبعدّني ظروف العمر وأرجع لـ ظلّه

توقف ملذات العمر بين شرب وزاد
ولا ألذ من صوتك الى جاء في حلّه

[⁷ @Ul7XA]

تذكرت العيون الناعسات وسلهمة الأهداب
تقول إن في حورها واحد يسولف عن الهيبه

جعل يسقى علي ليلٍ جمع في ضفتك الأحباب
هذاك الليل مِن بدت . . ليال العمر يا طيبه

عسى ربً " جمعني " به وحنا مِن بعضنا أغراب
يسججني غـلاه الذربّ . . ولا زيد يأتي به .

_ شفيع القصير ، رحمه الله

[⁷ @Ul7XA]

فمان الله : ودموع الشجاع مجرّي الهياب
تراها ما تهون إلا على اللي موته مصيبه !

على فقدٍ مايرفاه الرجاء في رجعة الغياب
فراق ؟ إللي تناوشها الفنا و الغيبه الغيبه

لو إنك ياحبيبي غالي ودمعك له ألف حساب
وغيرك في البنات البيض ما أعجبني ولا لي به

[⁷ @Ul7XA]

أنا ؟ مثل الكسير اللي يشوف إن كسر رجله طاب
ولا يدري إنّ عاد الكسر . . باقي لين تمشي به

يا ليت : اللي يروح يروح ويسكر وراه الباب
ما يترك باب ذكرى تخطف العاشق وتدوي به

يابحر الكوت لك مني سلام و مقتفيه عتاب
على شاطيك كن الحزن يطنحني بـ ترحيبه

[⁷ @Ul7XA]

الهوى جاب الغلا والهوى ودا
وأنت وجروح الزمن بالحشا خشره

يابعد من مابعد جا ومن هدا
ويابعد من ساج روض الحشا نشره

يوم صار الحب جزيه ولك تدا
والقصيد اسهل من كتابته نشره

خذ قصيدي يا شذا الورد لاندا
وأنتبه لي واستمع موجز النشره

والله أنك بالغلا فارق جدا
مثل فرق الابتسامه عن الكشره

[⁷ @Ul7XA]

انعست عين الغلا و [ الهوى ]هدا
خانت الايام والمْلح والعشره

وابتديت تشوف [ نفسك] وتتحدا
وأنت ماكنت تتغلى ولا تشره

كنت مجروحي وصْرت الدوا والدا
كنت آآه صرت[ آآهات ]منتشره

غلطة اللي بالمحبه أخذ وأدا
واعترف لك [بالغلا ] وابصمت عشره

[⁷ @Ul7XA]

أنزّه محبتْك الشريفة من التشويه
وأنا العاشق اللي رغبة النفس مرهقته

ما طلت العنب لكن واللّٰه ما أعذرب فيه
أشوفه وأعرف إنه حلو ما بعد ذقته

- علي ال صبيح | @A_9bi7

[⁷ @Ul7XA]

مع إن كل فرض لا أذن المذن أصلِّيه
معي ضيقة اللي مايصليه في وقته

من أول أضحِّك واحدٍ عند قبر اخيه
وذا الحين لا واجهني الطرب ضايقته

لاشفت الجماد اسمع وش يقول وأحاكيه
والإنسان ما أفهم وش كلامه لا ناطقته

أعيش الحزن مع كل من يفتقد غاليه
لو أشوف غصن جف ساقيه عانقته

[⁷ @Ul7XA]

شعوري ورا حلمي وأنا أصايده وأخطيه
أخاف إنه أحلى من شعوري لا حققته

حبيبي يا ليت العمر منا إلين أنهيه م
ثل ضحكتك لا قلت شيءٍ ما صدقته

ما تقدر تقول إن فاقد الشيء ما يعطيه
وأنا أعطيك ضحك لي سنة يوم فارقته

لقاك أسرع من الحلم مع فارق التشبيه
لو تسابقه الأحلام ماهيب سابقت

[⁷ @Ul7XA]

في حطام الوقت والحسره على مرّ الليالي
بين تقليب المواجع والمحطات الأليمه

كنت أزيل الذكريات اللي تمرّ بدون والي
لين ماوقّف حنيني في مشاهده القديمه

عند صورة وجهك اللي ماتزعزع من خيالي
كل مايطري فـ بالي تلحقه بسمه .. يتيمه

[⁷ @Ul7XA]

من كثر ماهوب عن زود الزلل متغابي
حسبة الفرقا ما كانت يوم في حسبانه

رغم مفهومي للارض وديرتي وترابي
الوطن يمكن يكون انسان ولا انسانه

في محطات القطار اخر فصول كتابي
ماحسبت حساب عمري لين فات اوانه

وينه ؟ اللي كل ما ضاقت علي رحابي
أترك الدنيا واهلها .. وارتمي فأحضانه

[⁷ @Ul7XA]

الشعور الليلة اكبر من مدا استيعابي
معتقل في ظِل سقفه وأربعة جدرانه

كل ما فيني من التقصير غير ثيابي
يشتكي لي من كثر خوفه وقل آمانه

أدعي إنّ اللّٰه يهيّي للرشاد اسبابي
ما يذرني للهوى ولوسوسة شيطانه

لا نويت احثّ في درب الرحيل ركابي
ردّني صوتٍ .. لا زالت نبرته رنانة

[⁷ @Ul7XA]

جرحك الآخير ينعَم في كنَف ترحابي
ما تقول الا آخر العنقود بين أخوانه

صرت ادوّر في جروحك مايثير اعجابي
الخطا في عيني أهون من فراغ الخانه

يوم حبّيتك شَعَرت ان الجميع احبابي
كنت اشوف بعين قلبي واعترف بلسانه

لم يكن بامكان قلب الشاعر المتصابي
إنه يحاول يكون اكثر من اللي كانه