Shamsulhadi Muslimyar

که مونږ ژوند ته پرېدئ نو د پوهنې دروازې مه راتړئ.

[Shamsulhadi Muslimyar @UlMuslimyar]

ګرانو هېوادوالو! د افغانستان د خپلواکۍ ۱۰۷مه کالیزه مو مبارک شه🇦🇫

[Shamsulhadi Muslimyar @UlMuslimyar]

Happy 107th Independence Day

[Fazal Hadi Muslimyar @Famuslimyar]

درنو او ویاړلیو هېوادوالو!
د خپلواکۍ ۱۰۷ مه کلیزه مو مبارک شه

شاه غازي امان الله خان په ۱۲۹۸ لمریز کال کې د انګریزانو د ښکېلاک له پاېته رسولو سره سم دغه ورځ د افغانستان د خپلواکۍ اخیستو په نوم ونوموله چې دغه ورځ هر کال په هېواد کې د غیورو او مجاهدو افغانانو له لوري په ډېر ویاړ سره نمانځل کیږي.

د ستر غازي امان الله خان اروا دې ښاده وي، چې د یو مترقي، خپلواک او له نړۍ سره د سیال افغانستان ارمانجن او پالونکی و.

اروا یې ښاده پر ګور یې انوار

[Fazal Hadi Muslimyar @Famuslimyar]

د تسلیت او خواشینۍ پیغام!

د نورستان مرکز پارون کې د سختو او درنو سیلابونو له امله ځايي خلکو ته درانه ځاني او مالي زیانونه اوښتي دي

په دغه ستر ناورین کې یو شمېر هېوادوال سیلاب وړي دي، چې د موندلو هڅې یې روانې دي، زه د ټولو قربانیانو له غمجنو کورنیو سره په دې درانه غم کې ځان شریک بولم او کورنیو ته یې د تسلیت مراتب وړاندې کوم.

په نړیوالو او داخلي خیریه بنسټونو غږ کوم چې په دغه ستر ناورین کې نورستان ته مرستندویه ځواک او سیلاب ځپلو ته لومړنۍ مرستې ورسوي.

[Shamsulhadi Muslimyar @UlMuslimyar]

@Famuslimyar إِنَّـا لِـلَّـهِ وَ إِنَّـا إِلَـیْـهِ رَاجِـعُـون

[Shamsulhadi Muslimyar @UlMuslimyar]

إِنَّـا لِـلَّـهِ وَ إِنَّـا إِلَـیْـهِ رَاجِـعُـون

[Fazal Hadi Muslimyar @Famuslimyar]

د تسلیت پیغام!

د افغانستان ملي لوبډلې د پخواني تکړه لوبغاړي شاه پور ځدراڼ په مړینه ډېر خواشینی شوم
انالله واناالیه راجعون

زه د ارواښاد شاه پور ځدراڼ له غمجنې کورنۍ سره په دې درانه غم کې ځان شریک بولم، خواخوږو، خپلوانو او د افغانستان کرکټ کورنۍ ټولو مینه والو ته د تسلیت مراتب وړاندې کوم.

ارواښاد شاه پور ځدراڼ د خپل وخت یو باتجربه، غښتلی، تکړه او ویاړلی لوبغاړی و، تشه به یې تر ډېره ډکه نه شي.

اروا یې ښاده ګور یې له نوره ډک

[Fazal Hadi Muslimyar @Famuslimyar]

پاکستاني جیټ الوتکو بېګا یو ځل بیا په پکتیا، پکتیکا او کونړ ولایتونو کې پر ملکي خلکو بمبار کړی

د پاکستان پوځي رژیم د ټولو نړیوالو اصولو، قوانینو او مقرراتو خلاف د پکتیا په څمکنیو ولسوالۍ کې د ملکي وګړو په کورونه هوایي بریدونه کړي چې د مېرمنو، ماشومانو، سپین ږیرو او ځوانانو په شمول پکې زموږ ګڼ شمېر بېګناه هېوادوال شهیدان او ټپیان شوي دي.

زه د شهیدانو له ویرژلیو کورنیو سره په دې درانه غم کې ځان شریک بولم، د پکتیا او څمکنیو شریفو او غیورو ولسونو ته د تسلیت مراتب وړاندې کوم او ټپیانو ته د بېړنۍ روغتیا لپاره دعا کوم.

نړیواله ټولنه او د ملګرو ملتونو امنیت شورا دې په رسنیو کې ددغو بریدونو د قربانیانو انځورونه وویني چې ایا دوی ماشومان، مېرمنې او سپین ږیري په نښه کړي که بل څوک، دومره ستر وحشت او دومره لویه فاجعه باندې نړیواله ټولنه او ملګري ملتونه څنګه خاموشه دي.

د پاکستان پوځي رژیم پرلپسې د خپلسرې بمباري کوي، نړیوال جنګي او نظامي قوانین تر پښو لاندې کوي، ماشومان او مېرمنې په نښه کوي چې دا د ټولو نړیوالو اصولو او قوانینو خلاف ورزی ده او باید ملګري ملتونه یې په اړه جدي ګامونه واخلي او د خپلسریو بمباریو پوښتنه ترې وکړي.

[Fazal Hadi Muslimyar @Famuslimyar]

د تسلیت او خواشینۍ پیغام!

د حزب اسلامي د مخکښو مشرانو انجینر قطب الدین هلال او ډاکتر عبدالبصیر انور په مړینه ډېر خواشینی شوم
انالله واناالیه راجعون

د دواړو درنو مشرانو له ویرژلیو کورنیو سره په دې درانه غم کې ځان شریک بولم، رب دې په بهترین جنتونو ونازوي.

دواړه خدای بښلي مشران ډېر باعزته، تکړه او د پراخه سیاسي بصیرت خاوندان وو، دوستانو او عقیدتمندانو ته یې هم د تسلیت مراتب وړاندې کوم.

[Fazal Hadi Muslimyar @Famuslimyar]

د پاکستان پوځي رژیم تېره شپه د خوست، کونړ او پکتیکا ولایتونو پر یو شمېر سیمو کې د ملکي وګړو پر کورونو ړندې بمبارۍ کړي دي

د ملکي او بېګناه وګړو کورونه او مېرمنې ماشومان په نښه کول یو ستر جنایت او نه بښونکی عمل دی.

د پاکستان پوځ بار بار ملکي وګړي او عامه ځایونه په نښه کوي، نړیواله ټولنه او ملګري ملتونه باید د پاکستان پوځي رژیم څخه ددغه ډول خپلسریو وحشیانه هوایي بریدونو پوښتنه وکړي، دا د افغانستان پر ملي حاکمیت برید دی.

دغه ډول بریدونه نه پخوا بې ځوابه پاتې شوي دي او نه به بیا پاتې شي، افغانان د مېړانې، شجاعت او زړورتیا اوږد تاریخ لري او د نړۍ ستر زبرځواکونه یې دلته مات کړي دي.

[Fazal Hadi Muslimyar @Famuslimyar]

د تسلیت او خواشینۍ پیغام!

په لغمان ولایت کې د کډوالو یو ټریلر موټر د چپه کېدو له امله زموږ یو شمېر هېوادوال شهیدان او ټپیان شوي دي
انالله واناالیه راجعون

زه د ټولو قربانیانو له ویرژلیو کورنیو سره په دې درانه غم کې ځان شریک بولم، شهیدانو ته فردوس جنت، ټپیانو ته عاجله شفا او غمجنو کورنیو ته یې د تسلیت او ډاډګېرنې مراتب وړاندې کوم.

[Fazal Hadi Muslimyar @Famuslimyar]

درنو او ویاړلیو هېوادوالو!
د قربانۍ اختر مو بختور شه

د نړۍ ټولو مسلمانانو او په ځانګړي ډول د افغانستان غیورو او مېړنیو ولسونو ته د لوی اختر ډېره ډېره مبارکي وایم.

ستر څښتن تعالی مو قرباني، طاعات، عبادات او ټول نیک اعمال پخپل در کې قبول کړه، د ټولو حجاجو کرامو حج او په حرمینو شریفینو کې ترسره کړي ټول عبادات دې رب قبول او منظور وګرځوي.

د قربانۍ اختر دی، خپل شاوخوا بې وزله او غریب ګاونډیان او هېوادوال درسره خامخا پکې وپالئ او په قربانۍ کې یې برخه وکړئ.

هره ورځ مو اختر
اختر مو بختور

[Fazal Hadi Muslimyar @Famuslimyar]

د تسلیت پیغام!

په ډېرې خواشینۍ سره خبر شوم چې دروند قومي مشر حاجي الله نظر نن د خپل کور مخې ته نامعلومه وسله والو په شهادت رسولی
انالله واناالیه راجعون

ارواښاد حاجي صاحب الله نظر د جرګو مرکو، خبرو اترو او روغې جوړې سړی و، یو ولسي خدمتګار او خیرخوا انسان و.

زه یې درنې او ویرژلې کورنۍ ته د تسلیت او ډاډګېرنې مراتب وړاندې کوم، ارواښاد ته فردوس جنت او کورنۍ ته یې جمیل صبر غواړم.

اروا یې ښاده ګور یې له نوره ډک

[Hamasa Media @MediaHamasa]

د مشرانو جرګې پخواني مشر فضل هادي مسلمیار د ډیورنډ فرضي کرښې په اړه ویلي، چې دا کرښه «فرضي» ده او د افغانستان ملت یې هېڅکله په رسمیت نه پېژني.

مسلمیار ویلي، د ډیورنډ کرښې په اړه هر ډول پرېکړه یوازې د افغانستان د ټول ملت صلاحیت دی او د ځینو اشخاصو فردي څرګندونې نه شي کولای دې حساسې ملي موضوع ته قانوني بڼه ورکړي.

د هغه په وینا، «دا ډول څرګندونې نه رسمي ارزښت لري او نه د ملت اراده تمثیلوي.»

هغه زیاته کړې چې ډیورنډ کرښه د یوه واحد ملت پر بدن مصنوعي وېش تحمیل کړی او د لر او بر افغانانو ترمنځ یې تاریخي، کلتوري او ټولنیزې اړیکې زیانمنې کړې دي.

مسلمیار ټینګار کړی: «دا کرښه موږ ته د منلو نه ده او نه به یې ومنو.»

نوموړي همداراز هغه کسان چې د ډیورنډ کرښې په اړه شخصي دریځونه وړاندې کوي، له تاریخي واقعیتونو ناخبره بللي او ویلي یې دي چې دغه ډول «غیرمسوولانه څرګندونې» یوازې شخصي نظرونه دي او د ملت له عمومي دریځ سره هېڅ تړاو نه لري.

تر دې وړاندې محمد محقق ویلي وو چې د ډیورنډ کرښه په رسمیت پیژني او پاکستان سره یې سرحد ګڼي.

[Shamsulhadi Muslimyar @UlMuslimyar]

🇦🇫❤️

[Fazal Hadi Muslimyar @Famuslimyar]

ډیورنډ یوه فرضي کرښه ده او زموږ ټول ملت یې هېڅکله په رسمیت نه پېژني

د ډیورنډ کرغېړنې کرښې په اړه پرېکړه د افغانستان د ټول ملت پورې اړه لري، دا د ځینو افرادو په شخصي خبرو نه رسمي کېږي او نه یې زموږ ملت د یوې رسمي کرښې په توګه پېژني.

ډیورنډ کرښې دوه ویاړلي لر او بر ملتونه سره جلا کړي، دا کرښه موږ او ټول لر بر وطن ته د منلو نه ده او نه به یې ومنو.

کوم خلک یا کوم فرد چې ددې کرغېړنې کرښې په اړه شخصي او فردي څرګندونې کوي، له تاریخ ناخبره او داسې نامنل شوې او غیرمسوولانه څرګندونې یې شخصي نظر دی.

[Shamsulhadi Muslimyar @UlMuslimyar]

إِنَّا لِلَّٰهِ وَإِنَّا إِلَيْهِ رَاجِعُونَ

[Fazal Hadi Muslimyar @Famuslimyar]

د خواشینۍ پیغام!

د هرات په انجیل ولسوالۍ کې د یو نامعلوم وسله وال برید په ترڅ کې عام ملکیان شهیدان او ټپیان شوي دي
انالله واناالیه راجعون

زه دغه وسله وال برید په سختو ټکو غندم، شهیدانو ته فردوس جنت، کورنیو ته یې ډېر ډېر تسلیت وایم او ټپیانو ته بېړنۍ شفا غواړم.

په بېګناه ملکي وګړو دغه ډول وحشیانه او غیرانساني برید یو ستر جنایت او نه جبرانېدونکی عمل دی، باید عاملین یې پیدا او سخت مجازات شي.

[Fazal Hadi Muslimyar @Famuslimyar]

د خواشینۍ پیغام!

د هرات په انجیل ولسوالۍ کې د یو نامعلوم وسله وال برید په ترڅ کې عام ملکیان شهیدان او ټپیان شوي دي
انالله واناالیه راجعون

زه دغه وسله وال برید په سختو ټکو غندم، شهیدانو ته فردوس جنت، کورنیو ته یې ډېر ډېر تسلیت وایم او ټپیانو ته بېړنۍ شفا غواړم.

په بېګناه ملکي وګړو دغه ډول وحشیانه او غیرانساني برید یو ستر جنایت او نه جبرانېدونکی عمل دی، باید عاملین یې پیدا او سخت مجازات شي.

[Fazal Hadi Muslimyar @Famuslimyar]

د تسلیت او خواشینۍ پیغام!

د هېواد په مختلفو ولایاتو کې د اورښتونو او سیلابونو له امله یو شمېر هېوادوال شهیدان او ټپیان شوي دي
همدا راز په کابل کې د تېرې شپې د زلزلې له امله هم یو شمېر هېوادوال شهیدان شوي دي

زه د شهیدانو له ویرژلیو کورنیو سره په دې درانه غم کې ځان شریک بولم، ټپیانو ته عاجله شفا او د شهیدانو کورنیو ته د ډاډګېرنې او تسلیت مراتب وړاندې کوم.

د حکومتي ادارو له مسوولینو او نړیوالو مرستندویه ادارو څخه هیله لرو چې د سیلاب او زلزله ځپلیو کورنیو سره هر ډول مرستې وکړي.

[Fazal Hadi Muslimyar @Famuslimyar]

د تسلیت او ډاډګېرنې پیغام!

په مزار شریف کې د دولت زیو قومي مشر او جهادي شخصیت حضرت محمد دولتزي په مړینه خواشینی شوم
انالله واناالیه راجعون

ارواښاد د جرګو مرکو او خبرو اترو سړی و، تل یې د خپل قام او ولس خدمت ته لومړیتوب ورکاوه رب دې دا سخت سفر ورته اسانه کړي.

زه یې له قدرمنې کورنۍ سره په دې درانه غم کې ځان برابر شریک ګڼم او ټولو خپلوانو او عقیدتمندانو ته یې د تسلیت مراتب وړاندې کوم.

اروا یې ښاده، ګور یې له نوره ډک

[Hamasa Media @MediaHamasa]

د مشرانو جرګې پخواني رییس فضل الهادي مسلمیار د نوي ۱۴۰۵ لمریز کال او د نوروز د رارسېدو په مناسبت افغانانو ته مبارکي ویلې ده.

هغه په خپل پیغام کې ویلي، چې د افغانستان ویاړلي او قهرمان ملت ته د نوي کال او د نوروز د لرغوني جشن مبارکي وایي او هیله لري چې دا کال د ټولو افغانانو لپاره د ښه ژوند او خوشحاله راتلونکي پیل شي.

مسلمیار د طالبانو له حکومت غوښتنه کړې، چې د نوي تعلیمي کال له پیلېدو سره سم د نجونو پر مخ د ښوونځیو او پوهنتونونو دروازې پرانیزي، څو خویندې او مېرمنې د زده کړو له ستر نعمت څخه بې برخې پاتې نه شي.

هغه ویلي:«د اسلام مبارک دین او اسلامي شریعت له مخې نارینه او ښځینه د زده کړو برابر حق لري او پر دواړو دیني او عصري زده کړې فرض دي، د یوه سیال او مېړني ملت په توګه باید خپلو لوڼو او خویندو ته د زده کړو زمینه چمتو کړو ترڅو په هره مسلکي برخه کې تعلیمیافته، مستعدې او تکړه خویندې ولرو او د خپلو وطنوالو خدمت وکړي.»

[افغانستان انټرنشنل - پښتو @afintlpashto]

د افغانستان د مشرانو جرګې پخواني مشر، فضل هادي مسلمیار، د نوي کال او نوروز د رارسېدو په مناسبت پیغام کې له طالبانو غوښتي چې د نوي تعلیمي کال له پیل سره سم د نجونو پر مخ د ښوونځیو او پوهنتونونو دروازې پرانیزي.
https://t.co/QPaMbrattI

[Fazal Hadi Muslimyar @Famuslimyar]

نوی ۱۴۰۵ لمریز کال او نوروز مو بختور شه

د افغانستان ویاړلي او قهرمان ملت ته د نوي کال او د نوروز لرغوني جشن ډېره زیاته مبارکي وایم

د اوسنیو مسوولینو هیله لرو چې د نوي تعلیمي کال له پیلېدا سره سم د خویندو پر مخ د ښوونځیو او پوهنتونونو دروازې پرانیزي او د وطن دغه مستورې او محجوبې خویندې او مېرمنې د زده کړو له ستر نعمت څخه بې برخې پاتې نه شي.

د اسلام مبارک دین او اسلامي شریعت له مخې نارینه او ښځینه د زده کړو برابر حق لري او پر دواړو دیني او عصري زده کړې فرض دي، د یوه سیال او مېړني ملت په توګه باید خپلو لوڼو او خویندو ته د زده کړو زمینه چمتو کړو ترڅو په هره مسلکي برخه کې تعلیمیافته، مستعدې او تکړه خویندې ولرو او د خپلو وطنوالو خدمت وکړي.

د نوروز خوښۍ مو یو ځل بیا هم بختورې شه
د ښه ژوند او خوشحاله راتلونکي برخې مو ډېرې شه