الشيبانيّ .

ما بين ناري وشاهيي ودخاني
اعمر وادمر ويادنيا من انتي له ؟

[الشيبانيّ . @V23Xg]

أن كان تقرا قصيدي دون توصلني
فالله يسامح غلاك و يلعن أشواقي

[الشيبانيّ . @V23Xg]

شايخٍ فالقلب بلحالك وانا شفي رضاك
ولا عشقت من الدروب الكايدات إلا دروبك

والله انه ما شغلني بالهوى هذا وذاك
ماشغلني إلا أنت ياترفٍ تتل القلب صوبك

[الشيبانيّ . @V23Xg]

فتّانة العنق ما يزهاك غير الدلال
مثل ما يزهى قلادة عنقك ألماسها

عيونك المعتقل وأنا رهن الاعتقال
وايديك تملك سعادة نفس واتعاسها

يا شوق روحي لروحي عند كل ارتحال
وحديث نفسي لنفسي بين جلّاسها

لا يزعلك شي في الدنيا وأنا أخو العيال
لو تزعلين أقلب الدنيا على راسها

[الشيبانيّ . @V23Xg]

صاحبي صبّح علي و لاتفكر تبطي
انت بك يبدا صباحي و يتزّين حالي

غيرك يحاول يحلّ و في محلك يبطي
غالي : و تبقى من بد الأوادم غالي

[الشيبانيّ . @V23Xg]

وإنّ تطرّقت القصايد .. ولا وفّت غلاك ؟
يكرم البيت المسكّت من البيت الركيك

أنت لو تطلب ما ضمّت ضلوعي قلت جاك
أسهج الضلع الموالي .. و أخذ ممّا يليك .

[الشيبانيّ . @V23Xg]

صبّحك بأشواقي اللي ودّها تسْرح بك
لين ترسي بك على بحر الغلا من حدرى

يا حبيبي كل ليل و كل يوم افرح بك
غير لا تنشد عن أسباب الغلا و أنت ادرى

[الشيبانيّ . @V23Xg]

جلّ من سواك فـ عيون البشر فتنه صريحه
كيف أقاوم عودك اللّين بـ صبري و إعتزازي

طحت في حبك و أنا ممنون لك في كل طيحه
لو أطيح الطيحه اللي بعدها يوم التعازي

[الشيبانيّ . @V23Xg]

صباح الخير أما بعد /

مرحبا والصبح لو له شبية من البشر
كان وش الفرق بينك وبين إشراقته ؟

[الشيبانيّ . @V23Xg]

#اليوم_العالمي_للعتبان

5/11

وشلون ما أفخر و أنا واحد من عتيبه
ياحظ من ربعــه العتبــان يا حظـه

[الشيبانيّ . @V23Xg]

كنّ الرياض من البطى ناسيتني
وأنا قضيت أيامي البيض فيها

لو دورتني في سماها لقتني
أغني بيوت القصايد عليها

[الشيبانيّ . @V23Xg]

تقول لي قد الجفا ؟ قد الغياب؟
المره هاذي والله اني قدها

لو جدها راسه مثل شلفا ذياب
الله يلعنها و يلعن جدها

فهد قطنان

[الشيبانيّ . @V23Xg]

صباح الخير ، اما بعد :

شفت الفجر مع طلعة النور ضاحك
قلت الأكيد إنه لمح بسمتك لمح

مدري صباح الخير وإلا صباحك
بالحالتين الخير في وجهك السمح

[الشيبانيّ . @V23Xg]

بعدك أنا المشهد اللي صعب تصويره
تمرّ الأيام .. و أوضاعي هي أوضاعي

مشتاق لـ الليل و الشرهات و الغيره
و مشتاق لـ اسألتك اللي مالها داعي

[الشيبانيّ . @V23Xg]

حفظت اسمك بقلبي واسولف عليه
ومن الحذر أحس اسمك ، أمانه

ويوم عرفوا أسمك توهقت فيه
كل ما بغوا حاجه قالوا عشانه

[الشيبانيّ . @V23Xg]

تراك قصدي بالقصايد والابيات
لا تحسبني اقصد انسان ثاني

والي خلق عينك وميّزك بالذات
انك دواء قلبي وهجرك كواني

ساعه بدونك تعتبر عشر ساعات
ولحظه بقربك تنحسب عمر ثاني

[الشيبانيّ . @V23Xg]

لا تحسب إن الظروف تحدّني من دونك
كل ظرف أنطحه وجهي وأخيب ظنه

مستعد أبيع عمري لأجل أشوف عيونك
ويش أبي فالعمر وأنت عيونك أحلى منه؟

—علي آل صبيح

[الشيبانيّ . @V23Xg]

وآلا يا عين العديم الاشقر الجارح
هو اشقر(ن) عاتقه وانتي بعد شقرا

طرحتك عيّت لا تستر رمشك الطارح
وش عاد في وجنتك وشفاهك الحمرا

نحرك شمسٍ عليها يسرح السارح
والخد يفضح ظلام الليله الغدرا

ما كنك الا السحاب اللي من البارح
يصبح على ساجر ويمسي على شقرا

— عبدالله السيحاني

[الشيبانيّ . @V23Xg]

ياللي عيونك وساع و خدك يشع نور
قلبي يحبك لو إنك لا نشدته جحد
ㅤㅤ
دورت فيك التواضع بس شفت الغرور
اللي مخليك ما ترخي عيونك لـ أحد
ㅤㅤ
لا تستثير العواطف عند بعض الأمور
و نهاية الآدمي حفره و طين و لحد
ㅤㅤ
ليتك على عيونك اللي كنها عيون حور
ثلاث مرات تقرأ .. قل هو الله أحد !

[الشيبانيّ . @V23Xg]

اِطلالة الصبح وجه الفارع الشقرا
بالذات لا فرّعت و أرخت ذوايبها

قطعه من الشمس جات بليلةٍ غدرا
كن المساء من صباح الغد جايبها

وريثة المجد يوم المجد ما يشرا
لا هبّ طاري الفخر هبّت هبايبها

[الشيبانيّ . @V23Xg]

مرحبا يا أغلى من الشوف لعيون الضرير
المشاعر في حضورك تبدي لْك إعجابها
ㅤ
ما أنت عادي والذي حط لك رمشٍ غفير
أنت فرصة عمر يا سِعْد من يحظى بها❣️

[الشيبانيّ . @V23Xg]

— مساء الخير :
" على بساط الفوضوية أنا وأنت
ألذ عندي من صدور المجالس "