راكان بن فهيد

[راكان بن فهيد @WRZK]

منشوراتي لا أقصد بها أحد لا من قريب ولا من بعيد.
إنما كلمات راقت لي لا أكتر ولا اقل .

تغريداتي لا تعبر عن حالتي الشخصية..
لاكن هي اوقات مزاجيه وبعض الكلمات راقت لي فقط.

[راكان بن فهيد @WRZK]

كل ماجيت أصدر من بحور الخليل
عاودت لي هنوفاً ، عزوة اخوانها

يالغزال المذيّر لاتحط وتشيل
ماتقوم البيوت الا بعمدانها

العبي في ذرانا يام طرفاً كحيل
وافخري مثل من تفخر ب جدانها

في حمانا تباهي والفحي بالجديل
كلّ صعبه لعينك نكسب رهانها.

[راكان بن فهيد @WRZK]

حاولت نسيانه وعييت لا انساه
طيفه معي في كل لحظه قبالي

عرفت غيره ؟ قلت يمكن القاه
ولا حصل مثله حبيب مثالي

تعبت ما حصلت لي شخص شرواه
وانا ادري ان ماهو محصل بدالي

[راكان بن فهيد @WRZK]

يصبر على الضو من يلحق مشاهيبه
والناس لولا التعب ضاعت مراجلها

الطيب اللي تطيب الناس من طيبه
والا الردي لو خدم ربعه يفشلها

[راكان بن فهيد @WRZK]

تبعدني البل عن محطات الارسال
و الزين يزعل يحسبني نسيته .

[راكان بن فهيد @WRZK]

يقول ضف القميص خلاف وغطاك
الشعر ورمي بروحك في ايدين عاريه

انا اقول عن وصف العتيبي ابد مالك عذر
نعتبرها من الحب حالة طارئة شفاف ملبوسك

معلمك القهر ما بين خمس اشهر وحالي باريه
مغير انا وانت وثالث القمر تخجل طلع منجوم

[راكان بن فهيد @WRZK]

العمر يفنى والحياة احلام والدنيا متاع
يا كم نفس روحت ما حققت مطلوبها

يا منخدع في ضحكة الدنيا ترى الضحكة خداع
لا تأمن الدنيا ولو تضحك لك مع جنوبها

إن ماتغانمت المراجل قبل ساعات الوداع
بعد وفاتك ماهي بصوبك ولا انت بصوبها

[راكان بن فهيد @WRZK]

يقول سعد بن جدلان
"أي والله أحبك وصايبني على حبك غلو
أشد من غلو إلتزام الدين بعد الهستره "

__إما مساعد الرشيدي يقول
"أحبك لو يموت الحب وتصير القلوب قبور
أشوف الجرح يكبر وأنت تكبر وسط تفكيري "

[راكان بن فهيد @WRZK]

لا لمحت الصّبح في وجهك اقول
هذا الصّبـاح اللـي يجيب العافية

[راكان بن فهيد @WRZK]

و أنا : يا " فاتنة نجد العذيه " ما علي خلاف
لا قفيتي على فال الغلا و أنا على فالي !

بداية كل ثورة كبرياء ... من نظرة استعطاف
وش أسوي ؟ و أنا راسي عزيز و قلبي موالي

دفعنا بالمشاعر كلها في " حرب الاستنزاف "
ما باقي غير يفصل في الأمور ويلحق التالي

[راكان بن فهيد @WRZK]

العزّ للنفس واجب والحيا سُنة
وأنا يديني من الثنتين مليانه

أبدي شعور السعادة وأخفي الونّة
حتى ولو الدهَر بي مال ميزانه

رزقي على اللي إذا عطى شي مامَنّه
وإلا يدين العرب تعطي ومنَانة

لا شحّوا الناس ربّك يعطي الجنة
ما يغني إلا كريم الوجه سبحانه

[راكان بن فهيد @WRZK]

ابحث عن القمة ترى القاع مزحوم
ولا تنزل لبعض العرب وانت عالي

لو كل مخلوق قدر في السماء يحوم
ما عاش زحمة الارض والجو خالي.

[راكان بن فهيد @WRZK]

كن مقدم الصدام لاقمت أراعيه
صدر على نجوى كرم يوم تنخاه

وصدام خلفي ماش شي يحاكيه
يمكن خذا من ورك ليلى شطاياه

[راكان بن فهيد @WRZK]

اكيد مانزعل من الباب لطاقه
لاصار بعض الهقاوي سهمها يشّر

والله يابعض الهقاوي كنها الناقه
اللي تفيخ بعد ماكانت معشّر .

[راكان بن فهيد @WRZK]

العتيبي منزله عالي القمه
مايخون العهد في ذمتي ذمه

من رضى يرضى ومن ضاق (….)
والعلم مرفوع والروس مرفعوه

[راكان بن فهيد @WRZK]

يا فارقه بين ربات الحسن و الجمـال
مبسمك طوق النجاه و عينك التهلكـه
.
من أبسط حقوقك تشوفين نفسك لحال
ماحولك الا ملامح ناس مستهلكـه

[راكان بن فهيد @WRZK]

انا من عتيبه وانت ياصاحبي من يام
وقلب العنا وش ولعه بالاجانيبي

ويا لح قلبي لح هجنن تحت خدام
ليا عاقبوها بالخطوط المناديبي

[راكان بن فهيد @WRZK]

يا ام العيون الوساع اليا تبينتي
تمهلي في مسارك لا تعجليني

خلي مسارك شوي شوي لاهنتي
وردي علي السلام اليا قربتيني

وان كان يمي بعين اللطف عاينتي
عزلله اني من الناس الحظيظيني

من عقب يابنت في قلبي تمكنتي
يالله بسكناك في قلبي يهنييني

[راكان بن فهيد @WRZK]

قل للردي ياعبيد مانيب زعلان
والا الردي ياعبيد ما ينشكيله

لو إن ذكر الطيب يوجد بالأثمان
طبيت سوق الطيبين اشتري له