ابو فهد

[ابو فهد @WiifiiAm]

ياونتي ونة يتيمٍ يهزرونه
شاف الجفى عقب المحبين وجاعي
عقب الغلا امه وابيه يحبونه
ولّنّه العمّات شينات الاطباعي
ياطفل ريمٍ يتبع امه على هونه
سودٍ عيونه والهدب فيه فراعي
ياناصر انشد عن هلٍ لا يبيعونه
دقيق رمش العين قرنه يجي باعي

[ابو فهد @WiifiiAm]

عبادن على دبك المهابيل يابا الفيت
تسولف تبا الفاهات لكن ماتفهم
اهل سرد عوج الهرج بعلومهم دريت
اليا خاطبوني صرت بحلوقهم علقم
انا في حقوق اهل الوفاء بالوفاء هليت
ولاني وكيل الزمزمي ياملأ لازم

[ابو فهد @WiifiiAm]

انا كل ماعديت بالرجم ثم مديت
نظر عيني اللي لاعها البين قبل الهم
تبهذلني الافكار يامنيف لاعديت
طويل الرجوم اللي يسم الضماير سم
طويل الرجوم اللي حراويه لاطليت
اشوف الديار اللي معي فلمها يرسم
واشوف المنازل خاليه بعد حيً ميت
تقافت سنين العمر والنوخذه يفهم

[ابو فهد @WiifiiAm]

رموز الجمال اللي بها شفت مالقيت
مع البدو واهل المدن للوصف ماتعلم
حدوني على فرقاه وانا منه ماوحيت
كلامه يسر البال بالعكش لاسلهم
يسلهم بسودأ سحر هاروت فيها هيت
وثمانن سوات البرق مع مفلج المبسم
يقولون عذال المحبه تراك اخطيت
وانا اقول للعذال ما ذقتوا البلسم

[ابو فهد @WiifiiAm]

@_Y6iii دوم

[ابو فهد @WiifiiAm]

يتلي عراجيدَ مِن الصيدَ جفال
والخدَ براق سرى بالمخيلي
مزن تحدر برقه يشعل اشعال
بعض العرب لَو يلتزم فِي شَليلي
ما تقبله نفْسي وغثه على البال

[ابو فهد @WiifiiAm]

طالبك حبه يا جثيل الجديلي
لَو بس مِن ريح النسم تنعشَ الحال
يا صاحبي حبك بقلبي مطيلي
مغريني الله فيك مِن بدَ الازوال
هَذا وانا ما ادركت منكم حصيلي
لَو اني ادرك شَيء هرفلت هرفال
يا عنق ريم قادَ عقب المقيلي

[ابو فهد @WiifiiAm]

واليوم يومن الحبيب تنزح
لا قلت ريض قال عجلٍ بروحي
توي دريت انه بفرقاي يفرح
أثره يبي غيري وانا اتعبت روحي

[ابو فهد @WiifiiAm]

لو ان من قال اح يبري المجرح
كثرت من قول اح وابريت روحي
لكن قولات اح مالي بها صح
زودٍ على مابي تنقض جروحي
عليك ياللي لحني بالهوى لح
لحة خطاة العجل خطو اللحوحي
جيته نهار العيد يرقص ويلفح
العين خرسا والمبيسم ذبوحي
العام يومن الحبيب على صح
يفرح على الهرجه وقلبه نصوحي

[ابو فهد @WiifiiAm]

راعي القوام اللي من الزين يجري
ومن الهوى الراكد يداعب نسيمه
ياويل من تمضي حياته بسجري
الله يجيب العواقب سليمه

[ابو فهد @WiifiiAm]

يامن عليه مدامع العين تجري
صاحب عزيز و صحبتي له قديمه
عقب الموده لي تبدل بهجري
كني بحقه فاعل لي جريمه
ياخذ عليّه بخاطره كل فجري
وانا بري لكن ظلمني ظليمه
حتى كلامه لي كلام(ن) بزجري
وابطى يعاتبني بدال العزيمه
ياهل المحبه والصداقه والاجري
توسطوا بيني وبين الزعيمه

[ابو فهد @WiifiiAm]

ان كان عقلي شارد الذهن مفقود
تراه في جيد الجدايه قلاده
في عنق ملهوف الحشى ناعم العود
يزيد مع زايد سنينه وداده
الحب عند الناس له سلم وحدود
وحب مثل حبي عظيم جهاده
والحب قبلي ما سلا عنه داوود
اذنب وواصل بالغرام اجتهاده

[ابو فهد @WiifiiAm]

يا زين انا حبك ولا فيه منقود
ولا لي على فرقاك صبر وجلاده
انا لك المملوك قدني معك قود
وارحم مشقا القلب يلحق مراده
ويا زين خذ مني مواثيق وعهود
منساك لين العمر يكمل حصاده
محد يلوم اللي من الحب ملهود
فقده لمن يهواه غبن وزهاده
يالايمن قلبي رعى قلبك الدود
وعساك بالدنيا تشوف القراده

[ابو فهد @WiifiiAm]

يابو هلا في ساعة الضيق ابنخاك
ياللي تبيع الروح في معتركها
انخاك ياللي تسفك الدم يمناك
الى تنازت بالنشاما رمكها
افزع لمفجوع على البعد ناداك
والياس روحه بالضماير حشكها
ان ما فزعت لغالي الروح تفداك
اكبر خطر هجم علي ومسكها
الطيب والله من مقرك ومجناك
وخالك مصادير الجزيره حبكها

[ابو فهد @WiifiiAm]

يا زين والله ما نبي كود حسناك
ارحم لروح في مخاطر دركها
بجاه من صور جبينك وسواك
اللي رفع سبع ثقال وسمكها
ان ترحم اللي ما يبي كود لاماك
روحي تبيك وجور حبك ملكها
همه من الدنيا تزعلك ورضاك
وكم حاجة تلزم عليه وتركها
ان دك به هاجوس ذكرك تمناك
وراحة شماله في يمينه فركها

[ابو فهد @WiifiiAm]

انا دخيل ولاجيا داخل حماك
وابواب عفوك عرش رجلي سلكها
ارحم عسى يا زين يرحمك مولاك
وعقدة حبال الهجر عجل فككها
الروح لو أني بعيد تمناك
والهجر والحرمان فيهن هلكها
مدري متى الايام تسمح بلاماك
ومتى محابيلي تصيدك شركها
رميتني يا زين بحياض الادراك
وطبيت بغباب ظلام حلكها