!

اخر الايام حتى نفسي ما عاد اعرفها .

[! @WorldQeu]

كل الأبيات هُنا من بنات افكاري .

[! @WorldQeu]

الي يعامل حبيبه كنه من عياله
والي يعامل حبيبه كنه موطنه

كل ماجيت انام يراودني خياله
مره ارحب فيه ومره ألعنه

اي والله احبه لو ماني على باله
رحل عن حياتي وصارت مُحزنه

حصل له بدالي ولا ادور عـ بداله
كيف خان والخيانه ماهي معدنه .

[! @WorldQeu]

تركت الشامتين يسألوني بـ الملامح
كن الوجيه العابره تسأل شلون خلاك ؟

ماخليت لي فرصة اتغاضى واسامح
كل الجروح الموجعه كانت من يداك .

[! @WorldQeu]

بالله لحد يلوم العقل ، لا قفى وغاب
الغياب اهوّن من الوجه الي اجي به

هاذا غير النفس الي شانت بلا اسباب
والواحد دون الاخلاق افضل له مغيبه

ياحظ الانسان الي ليّا اذنب عَقَل وتاب
وآه ياوجود من ذنبه اشتياقه لـ حبيبه

يتوجد على محبوب ظن به ظن وخاب
لين الناس قالت ، من خلاك وش تبيبه .

[! @WorldQeu]

حتى لو ان الكلام من بينا مات
بيبقى شعور المحبه بينا حي

الدنيا على مانبي عمرها ماجات
رحيلك عن حياتي مكتوبٍ علي

والله بعد فرقاك هانت خسارات
ماعاد تفرق معاي دنياي ذي

لا طرا طاريك في داخلي حسرات
جرح صدك بـ قلبي كواني كي

شلون اجي انصاك انت بـ الذات
وتتركني لسيف الصمت يقطع في .

[! @WorldQeu]

ياما تغاضيت عن جروح غاليين
واغلبها من ناسٍ حيل اقدرها

حافظت عالعشره خمسة سنين
حتى كبار زلاتهم كنت اصغرها

اسوي الطيّب فيهم وعيّا لا يبين
تتوسخ العلاقة مهما اطهرها

اغليهم حتى وهم عني بعيدين
اشواقي لهم مدري كيف اصبرها

عقب الموده كيف صرنا غريبين
وصلنا مرحلة عجزت لا افسرها .

[! @WorldQeu]

من المال ماهمني مهما خسرت
مير اخاف ، من خساره متعايده

ياكم طيحة عقبها بـ القوه وقفت
ماكنت هيّن ، مير الطيحه كايده .

[! @WorldQeu]

ماتت طموحاتي وانا عادني حي
يالله عسى ، في باقي الايام خير

من باقي العمر ، مابغيت اي شي
متساويه عندي ويصير الي يصير

حتى تساوى الليل والشمس والفي
ولا يفرق معي ، مايفرق معَ الغير

صاير كذا من قسى ماحصل في
الهم لاحقني من عادني ، صغير .

[! @WorldQeu]

ماعاد يكفيني الوقت بـ الليل الطويل
قمت اتسلف من الصبح ، ساعات

حتى عيوني لـ السهر تاركها سبيل
لين صار النوم عندي ، احتياجات .

[! @WorldQeu]

حتى لو تباهينا بـ حقنا حنا انتباهى
يوم غيرنا يتباهى في حقوق غيره

ماعلينا من المخاليق ،، ووش معاها
المهم عندنا حسن الاخلاق والسيره

ياما ناس راحت وخلت كل ماوراها
عيش ساعاتك كنها الليله الأخيره

واترك جروح دنياك لا تدور دواها
لا يروح العمر منك والدنيا قصيره .

[! @WorldQeu]

ليتني عقب فرقاك عرفت اجافيك
زود الغلا عقب الفراق خلاك تدلع

مدام انك تدري اني احبك وشاريك
ليه الهجر وليه الصد وليه تتمنع

خابرك منته كذا حتى اواخر لياليك
خابرك الحبيب الي بـ حبيبه مولع

من اول تبرق عيونك يوم اناظر فيك
واليوم اناظرك وعيونك ماعاد تلمع .

[! @WorldQeu]

لو ان الخلاف يخلف قلوب المحبين
ماشفنا معاويه يبكي يوم موتة علي

ماصارت بيننا حرب كفار ومسلمين
ولا صندوق الزعل بـ صدورنا ممتلي

اذا كان السؤال وش السواه الحين
جوابي يقول تعال وخل الباقي علي

يكفي من البعد قد لنا خمسة سنين
اشغلت نفسي فيك وناسيٍ مستقبلي .

[! @WorldQeu]

حاربتني مثل الليالي والسنين السود
كنّي عدوّ وانا مايوم ضريتها بـ حاجه

ذوقتني مرً فرقاها بـ الهجر والصدود
اربع اعوام واقدامي على بابها دواجه .

[! @WorldQeu]

احافظ على باقي طموحاتي المستحيله
واردد بكره تبا تزين وتتحقق احلامي

الا ياوجودي وجود الي سبق جيله
بان الكبر في وجهي وبطريقة كلامي

من ظروف الايام شاعرك انهد حيله
ومن الوجع محروم من راحة منامي

عاشق طَعم طعم الفراق ياويل ويله
اعرف المفارق بمجرد يمر قدامي .

[! @WorldQeu]

والله ماقد تحسفت على غلاك عندي
ماخذيت مني غلا الا وانت تستاهله

وكل مايسألوني عنك مايختلف ردي
اقول للحين احبه لو كنت اتجاهله .

[! @WorldQeu]

كثرة التفكير فيك شيٍ لا ارادي
يازينة حياتي وياملح القصيد

لو كنت بوادي وانت في وادي
بقولك كل عام وعيدك سعيد

والله ان الفراق قد قطع فوادي
ليه اربع سنين وانت عني بعيد .

[! @WorldQeu]

عيدي بدونك والله ماهوب عيد
وش بتضرك الرساله لو ارسلتها

ماطلبت منك سوا عيدك سعيد
اما باقي الامور صابر ان اخرتها

لـ اجل الي يحبك تكفى لا تكيد
تكفيني منك جروح انا تكبدتها

طلّي علي بـ العيد يا باشة الغيد
بـ عيونك الي بسم ربي حصنتها .

[! @WorldQeu]

ياوجودي وجود الي لا قرب العيد
يحس بـ وجع فرقى حدا احبابه

في حزة الافراح تلقاه يبعد بعيد
مغترب بين اهله وتارك اصحابه .

[! @WorldQeu]

والله لا بغى ياخذ من سنين عمري
بس يمد يدينه وياخذ كل مايبيه

سبحان من حط هالمحبه بصدري
من زود الغلا والله اعجز احصيه

يقولون ليه تحبه كذا واقول مدري
غلاه جاني من الله وانا راضيٍ فيه

ولا هو شيٍ جديد حبنا من بدري
من كان يستحيني وكنت استحيه .

[! @WorldQeu]

@Cristiano @AlNassrFC @AlNassrFC_EN احبك

[! @WorldQeu]

صبرت فـ الدنيا ، وانا ماني صبور
ياكم خليت حاجه وانا محتاجها

ماهمني لو تزين ولا تشين الامور
مبتعد عن الناس ، وعن ازعاجها

من تعود يعيش بـ وسط البحور
ماخاف جور دنياه ، او امواجها

دايم يقولون الحياه ، تلف وتدور
وانا باقي ماعيّنت صفوة مزاجها .