مهم

⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀ ⠀⠀⠀⠀⠀⠀

[مهم @X2299]

🛑🛑📩✨🔴🔴:
تحت هذي التغريده أكتبو أكبر عدد من الأذكار والأدعيه،
.
لعلها تشفع لي ولكم في يوم لا ظل إلا ظله.

[مهم @X2299]

@SNBCares لم يتم الرد علي من قبلكم

[مهم @X2299]

@SNBCares
ممكن التواصل ؟

[مقرن @oeio_]

"تبي ترتاح؟ تبي تستمتع؟ تبي تعيش حياة جميلة وتبعد عن القلق؟" هذا المقطع لك..
#عبدالله_السميري

[مالك @Mlook11199]

كل الدروب اللي على الكون العريض
ضاقت وانا احتاج الرحابه والفضى

يا الله تكفيني غثاء القلب المريض
يارب انا صبري على الدنيا قضى

كل شي أبيه يصير ويصير النقيض
ما عدت ابي من هالحياة إلا الرضا .

[Golden Dose @GoldenDose]

سجا العتيبي:

"الأجيال القادمة أجيال أقزام وتذكروا كلامي. طولها مايتعدى 150 وإذا مره 160، ولحد يقول جينات هذي الأسباب!" https://t.co/Zt111VR3as

[خالد الحربي @Khalidalharbi56]

شكراً لمن أهدى لي هذا التصميم.

أجمل ثلاث أبيات
إن كان هناك بيت ترى أنه مثل هذه الأبيات اكتبه

[فالح الغنامي @falehgnnami]

#اليوم_العالمي_للشعر

الجديد 🌹

يا لباب الروح ماعاب الغلا غير التغلّي
لا تظنين بجفا والآدمي موكل بظنه

الغلا عقيدةٍ فالقلب ما عنها تخلّي
والقلوب اللي ما فيها ايمان ما فيها محنّه

يكفي اني جيت في بالك عشان اجيك كلي
شايلٍ روحي على راحة يدي من غير منّه

وان تكرمتي واخذتيني صدر هذا محلّي
مثل صدر المجلس اللي فايحٍ هيله وبنّه

شاعرٍ ما ارضى غروره فالقصيد الا التجلي
ما تعوضه في محياك المهار المستعنه

من كثر ما ارحب ليا مرني طيفك واهلي
عذري ان اهل الهوى العذري نصيفتهم مجنّه

بين حبي لك وحبي للشموخ وللتعلّي
ما ورا عيني كلام اخفيه عن عينك واكنّه

حاضنك فبها مثل ماهو يحضن الليل ظلي
جنةٍ تستر خبايا الحب يوم الليل جُنّه

لو تركتك ما تركتك غير بالصبر متحلي
والصبر محمود ، والتسليم للمقسوم سنّه

بدويِ مشقي الروح وشقاها جايزلّي
كل عقل له ميول وكل قلبً له مضنه

من صدى الماضي معي فالذهن صوتٍ باقيً لي
لا يكون البل هجدها شي جا للحشو حنّه

االشقا وظروفه اللي ما يحليّهاا المحلّي
والصخب مع قوم خلوها وغن القاف غنّه

يستجم الفكر عنها في طرف ذودٍ مفلّي
نقوةٍ في وسطها العلياني اللي من مغنّه

اوضحٍ ينقل وصوف سلالته ملي بملّي
خل عنك مدورين الزين من نقل الاجنّه

يوم اشوف حوارته تدرج ورا البكر المتلّي
جعلني ما اشوف ابوها شايلينه فوق دنّه

الشقا يُعتاد لين يصير نوع من التسلي
في سبيل الهمه تهون الهموم المستكنّه

الكفاح لمن يقدر قيمته قبلة مصلّي
والرغيف اللي يسد الحاجه عن الناس جنّه

الحسوفه ما ترجّع زهرة العمر المولّي
العمر يمضي ولا يقفى ربيعه غير كنّه

والله ان اكثر ما يحزنّي لا شفت الشايب اللي
يشتغل فالشغله اللي ما تليق بكبر سنّه

[ابراهيم المرزوقي @broo8788]

اللي يقول الحلا ماغير في السكر
هذا خطا يوم ذاق السكر الحاله

[حشان بن مصلح @HSHAN85]

: -

كل شاعر يودّع عام ٢٠٢٣ ببيت شعر ؟

انا اودعه واقول :

انا كنت متوقع يصير " الفراق " وصار
ورجعت اتوقع رجعتك بس ماصارت

[محسن بن مترك @aprvip]

بيت واحد فقط تمنيته لك ،

بالنسبه لي 👇🏻

صوتك عليه الذاكره تعتكف عمر
واسمك عليه حبال صوتي تلوى )؛

[شعر @mg_3u]

ما اقسى من الليل غير مسامر الذكرى .

[أحمد بن فهد @AhmadBnF4hd]

مسامر الليل يكسر خاطر السالي ،،،
وكسر الخواطر ماحد يقدر على جبره

وانا ليا من سهرته طال غربالي ،،،
وعنيت قلبٍ من جروحه نفذ صبره

اما ذكرت الغرام ومره الحالي !!!
ومواعده واللقاء والعين والعبره

ولا تذكرت ضحكة واحدٍ غالي ،،
العام معنا وصار اليوم في قبره ،،

[بندر الدويش @bdweesh]

ياجميله من ديارك تهب الهبايب
كنها ماتهب الا على ذكرياتي

فيه جرحٍ مع الايام ماهو بطايب
كان ماداوته يمناك سبب وفاتي

تبت عن كل ذنب وعنك ماني بتايب
لو بتوبك من بيقدر يجمّع شتاتي؟

بين الاثنين ولا في دماث الترايب
دوري لي مكانٍ فيه اكمل حياتي

[د. مشعل الزعبي @alzuaby]

كانك تدوّر لقلبي طريق وفشلت ..
لا تلومه بعد جمر الغرام أحرقه

ما هو بقابلٍ قلبي لو انّي قبلت ..
بسّ أبا أصدّ عنه شوي وأنت اِسرقه

وكانك تدوّر الشعر الحقيقي وصلت ..
بسّ عطني دفا حُبّ وقلم وورقة

[عبدالله السراهيد @Alsraheed]

نديمة دروبي .. ما بقى في رحابك فيّ
خذتك الظروف ولا اختفيتي ، ولا بنتي

لو إن الزمن .. قادر يرجّعك ، بين يديّ
من يرجّعِك في نظرتي .. مثل ما كنتي

من المستحيل يحول عن ذكرياتك شي
لو يحول من دون اللقا حاجز إسمنتي

يروحون كل الناس !.. مني شوي شوي
ولا فيه أحد يبقى على البال ، غير أنتي

[مهم @X2299]

@733Ana2 رحمة الله عليهم جميع

[محمد @maqq129]

انا ف الرياض العاصمه لي ثمان ايام
ولا ادري وش الله قاسم لي من الخيره

تضيق الرياض بكبرها والطريق العام
يضيق وتضيق صدورنا من مشاويره

وجودي لو اني تابعٍ لوحة الدمام
ومفرق رماح وديرة دونها ديره

سلامي عليها كل ماهبت الانسام
وماميلت غصن تغني عصافيره