Olivia
Online
یەکیەتیی خوێندکاران
@Xwendkaran_dk
یەکیەتیی خوێندکارانی دێموکراتی کوردستان
Kurdistan
Joined July 2023
13 Following
258 Followers
400 Posts
Pinned Tweet
پەیامی ناوەندی ڕێکخراوە مەدەنییەکانی ڕۆژهەڵاتی کوردستان بە بۆنەی ٨١ ساڵەی دامەزرانی حیزبی دێموکرات
خەڵکی خەباتگێڕی کوردستان!
سەرجەم چین و توێژەکانی کۆمەڵگەی کوردستان!
لە ٢٥ی گەلاوێژی هەموو ساڵێکدا، یادی دامەزرانی حیزبی دێموکراتی کوردستانی ئێران وەک بۆنەیەکی نەتەوەیی و ئازادیخوازی، بە جۆش و خرۆشەوە دەکرێتەوە.
٢٥ی گەلاوێژ، ڕۆژێکی دیاری مێژووی خەباتی ڕزگاریخوازیی گەلی کوردە، چونکە لەم ڕۆژەدا وەرچەرخانێکی گرینگ لە مێژووی هاوچەرخی گەلی کورددا پێک هات؛ ئەویش دامەزرانی حیزبی دێموکراتی کوردستان لە ساڵی ١٣٢٤ی هەتاوی (١٩٤٥ی زایینی) بوو. لەم ڕۆژەدا بوو کە حیزبی دێموکرات بە ڕێبەرایەتیی پێشەوا قازی محەممەد، لە شاری مەهاباد بە فەرمی دامەزرا. ئەمەش بڕیارێکی ستراتیژی بۆ کۆکردنەوەی تواناکانی گەلی کورد بوو لە ڕێکخراوەیەکی ڕامیاریی پێشکەوتوودا.
ئەم ڕووداوە گرینگە، بزووتنەوەی نەتەوەیی لە ڕۆژهەڵاتی کوردستان، لە شێوازی نەریتی و ڕاپەڕینی عەشایەرییەوە گواستەوە بۆ خەباتی ڕێکخراو و حیزبیی هاوچەرخ؛ بە جۆرێک کە بتوانێت نوێنەرایەتیی ویست و داخوازییەکانی چین و توێژە جۆراوجۆرەکانی کۆمەڵ بکات، بۆ گەیشتن بە ئامانجەکان تەنیا پشت بە ڕاپەڕینی چەکداری نەبەستێت و بە شێوەیەکی سیستماتیک و دامەزراوەیی، ڕەهەندەکانی سیاسی، فەرهەنگی و نەتەوەیی خەبات ئاوێتەی یەکتر بکات و بەرەو خەباتێکی گشتگیر و سەرانسەری بەرەوپێشی ببات.
دامەزرانی حیزبی دێموکراتی کوردستان، تەنیا پێکهاتنی ڕێکخراوێکی سیاسیی نوێ نەبوو، بەڵکوو گۆڕانێکی سیاسی و کولتووریی گەورەی لەگەڵ خۆیدا هێنا. حیزب تەنیا چەند مانگ دوای دامەزرانی، پێکهاتنی کۆماری کوردستانی ڕاگەیاند. نەتەوەی کورد لەم بەشە لە نیشتمانەکەی بوو بە خاوەنی سەرۆککۆمار و کابینەی وەزیران و سوپای میللی پێک هات، زمانی کوردی بوو بە زمانی فەرمی و پەروەردە بەو زمانە لە قوتابخانەکان دەستی پێکرد. ڕۆژنامەنووسیی کوردی بووژانەوەیەکی بێوێنەی لەم بەشەی کوردستان بەخۆیەوە دیت و ڕێز لە مافەکانی کەمینە نەتەوەیی، ئایینی و زمانییەکان گیرا.
یەکێک لە دەستکەوتەکانی کۆماری کوردستان لەو سەردەمدا، گرنگیدانی ڕێبەریی حیزبی دێموکرات و سەرۆکایەتیی کۆماری کوردستان بە توێژەکانی ژنان، خوێندکاران، لاوان و منداڵان بوو. ئەمە نیشانەی تێگەیشتنی بەرز و پێشکەوتوویی فیکریی ئەو ڕێبەرایەتییە بوو کە پێی وابوو پێشکەوتنی کۆمەڵ و بەدەستهێنانی مافە سیاسییەکان، بێ گەشەپێدانی کۆمەڵگەی مەدەنی سەرکەوتوو نابێت.
لە دوای زیاتر لە هەشت دەیە خەبات و تێکۆشان، حیزبی دێموکرات لەگەڵ ئەوەی تووشی هەوراز و نشێوی جۆراوجۆر بووە، ڕێبەرانی گەورە و لێوەشاوەی وەک قازی محەمەد، د. قاسملوو و د. شەرەفکەندی و هەزاران تێکۆشەری لێهاتووی لە مەیدانی خەباتدا شەهید بوون. خەباتکارانی ئەو حیزبە تووشی ئاوارەیی لە زێد و نیشتمانی خۆیان بوون، بەڵام ئەم حیزبە هەمیشە سیمبولی بەردەوامی، خۆڕاگری و شێلگیری بووە لەسەر ئامانجەکانی. لە بەرامبەر ئاڵەنگارییەکاندا بەچۆکدا نەهاتووە و ڕۆڵی پێشەنگانەی خۆی لە کایە سیاسی، فەرهەنگی و مەدەنییەکانی ڕۆژهەڵاتی کوردستان و سەرجەم بزووتنەوەی ڕزگاریخوازیی کورددا پاراستووە.
یادکردنەوەی ٢٥ی گەلاوێژ دەکەینە دەرفەتێک بۆ گەڕانەوە بۆ بەها نیشتیمانییەکان، بەسەرکردنەوەی ئەزموونی ڕابردوو و داڕشتنی نەخشەڕێگەی نوێ بۆ داهاتووی کوردستان؛ بەتایبەتی ئێستا کە کۆمەڵگەی کوردستان لە قۆناغی سیاسی و کۆمەڵایەتیی نوێدا دەژی و هیوا بۆ گەیشتن بە ئازادی زۆر نزیک بووەتەوە و بەهێزبوونی ئەگەری ڕووخانی ڕێژیمی ئێران ئاسۆیەکی گەشی خستووەتە بەردەم بزووتنەوەی ڕزگاریخوازیی گەلی کورد.
لە کۆتاییدا، سەری ڕێز و کڕنۆش بۆ سەرجەم شەهیدانی ئەم ڕێگە و ڕێبازە دادەنەوێنین و سڵاو بۆ تێکۆشەرانی ماندوویینەناسی دێموکرات دەنێرین و پەیمان نوێ دەکەینەوە کە تا دواهەناسە ڕێبواری ڕێگەی ئامانج و ئازادیی گەلین.
پیرۆز بێت ٨١ ساڵەی دامەزرانی حیزبی دێموکراتی کوردستانی ئێران
ناوەندی ڕێکخراوە مەدەنییەکانی ڕۆژهەڵاتی کوردستان
گەلاوێژی ٢٧٢٦ی کوردی
#خوێندکاران
تداوم بازداشت و صدور احکام اخراج دانشجویان معترض
اخیرا ۴۴ استاد دانشگاە صنعتی شریف در نامهای سرگشاده به احکام اخراج و تعلیق دانشجویان این دانشگاه انتقاد کردند و خواستار بازبینی در فرایند صدور این احکام شدند.
محمود بهمنآبادی، معاون دانشجویی دانشگاە شریف در مصاحبهای مفصل با خبرگزاری فارس گفت: «در مجموع ۲۳۶ دانشجو به شورای انضباطی معرفی شدند که براساس مستندات برای ۱۱۵ نفر پرونده تشکیل شد.»
به گفتهی او حدود ۴۰ نفر با تخلفات جدیتر به شورای انضباطی دعوت شدند و برای سایر افراد، گفتوگو و دریافت تعهد کتبی بدون درج در پرونده در نظر گرفته شد.
او گفت که پروندهها عمدتا به «بلندکردن پرچم سلطنتطلبان، توهین به پرچم مقدس جمهوری اسلامی، حمل سلاح سرد، درگیری فیزیکی، ایجاد بلوا و آشوب، و سردادن شعارهای هنجارشکنانه» مرتبط میشود.
اساتید منتقد دانشگاه شریف در نامه سرگشاده خود ضمن انتقاد از عملکرد معاونت دانشجویی و شورای انضباطی، با اشاره به «اخراج و محرومیت ۴ ساله از تحصیل» برای یکی از دانشجویان دانشگاه نوشتند: «شاید اگر چنین حکمی از سوی نهادی خارج از دانشگاه صادر میشد این اندازه دردآور نبود؛ اما اینبار حکم از درون خانواده صادر شد.»
استادان دانشگاه شریف در این نامه با عنوان «برای شریف»، روند رسیدگی به پروندههای انضباطی دانشجویان را «مخدوش» خوانده و مدیریت دانشگاه را به ایجاد فضای بیاعتمادی متهم کردهاند.
شمار دانشجویان دانشگاه شریف که حکم بدوی اخراج دریافت کردهاند، به ۱۰ نفر رسیده اما تاکنون تنها حکم اخراج «رضا دالمن»، دانشجوی کارشناسی ارشد مهندسی کامپیوتر، در شورای مرکزی انضباطی وزارت علوم تایید نهایی شده است.
در میان دانشجویانی که بهتازگی حکم اخراج گرفتهاند، نامهای «آریانا کوچکی»، «علی علیرضایی» و «آرش حاتمی» دیده میشود. حکم کوچکی و حاتمی، علاوهبر اخراج از دانشگاه شریف، شامل یک سال محرومیت از تحصیل در همه دانشگاههای ایران است. علیرضایی نیز به پنج سال محرومیت از تحصیل در دانشگاههای کشور محکوم شده است.
این گونە برخوردهای قهری از جانب نظام جمهوری اسلامی ایران در تاریخ جنبشهای سیاسی و اجتماعی ایران در پیوند با دانشجویان هموارە اتفاق افتادە و جمهوری اسلامی در راستای سرکوب و قلعوقمع فعالین دانشجویی هموارە بە برخوردهای قهری و سرکوبگرانە متوسل شدە، اما هیچگاە نتوانستە صدای برحق دانشجویان دغدغەمند و معترض را خفە کند،؛ اتحادیەی دانشجویان دمکرات کوردستان این شیوه برخورد را محکوم میکند و حمایت خود را از دانشجویان معترض و زیاندیدە اعلام میدارد.
#خوێندکاران
#کوردستان
ئەمڕۆ، ۸ ساڵ بەسەر ئەو گیانفیدایییە قارەمانانەی ژینگەپارێزانی مەریواندا تێدەپەڕێ کە لە ڕێگەی خاک و نیشتمان و بۆ پاراستنی کوردستان و پێشگیری لە کاولکاریی زیاتر کە داگیرکەر بە ئامانجەوە دەیکات، شەهید بوون.
ڕۆژی ٣٣ـ خهرمانانی ۲۷۱۸ی کوردی، شەهیدان "شەریف باجوەر"، "ئومید کۆنەپۆشی"، "محەممەد پەژووهی" و "ڕەحمەت حەکیمینیا" لە کاتی کوژاندنەوەی ئاگری دارستانەکانی مەریوان کە بەهۆی تۆپبارانی سپای پاسدارانەوە ڕووی دا، لەپێناو پاراستنی ژینگەی نیشتماندا گیانی خۆیان بەخت کرد.
ئەم شەهیدانە ئەندامی نیشتمانپەروەری ئەنجومەنی سەوزی چیای مەریوان بوون و ڕۆڵێکی گرینگیان لە پاراستنی ژینگەی ڕۆژهەڵاتی کوردستان و کولتووری ژینگەپارێزیدا هەبوو.
هەر بەم بۆنەوە ٣ـی خەرمانان وەک ڕۆژی شەهیدانی ژینگە لەلایەن ئەنجومەنی سەوزی چیای مەریوانەوە ناودێر کرا و لەم ڕۆژەدا یاد و ناوی ئەو شەهیدانە و سەرجەم شەهیدانی ژینگەپارێزی نیشتمان بەرز و پیرۆز ڕادەگیرێت.
وەک یەکیەتیی خوێندکارانی دێموکراتی کوردستان جەخت لەسەر ئەوە دەکەینەوە پاراستنی ژینگە ئەرکێکی نیشتمانییە و ڕێزگرتن لە پارێزەرانی ژینگەش بەشێکە لە هەمان ئەرکی نیشتمانی.
بژیی کورد و کوردستان!
یەکیەتیی خوێندکارانی دێموکراتی کوردستان، ۳ـی خەرمانانی ۲۷۲۶ـی کوردی
#خوێندکاران
بەڕێوەچوونی سمیناری "مەرجدارکردنی ئێرانیبوون" لەلایەن د. ئازاد محەممەدیانییەوە
ڕۆژی هەینی ٢٣ـی گەلاوێژی ٢٧٢٦ـی کوردی یەکیەتیی خوێندکارانی دێموکراتی کوردستان، لە پلەتفۆرمی زووم سمینارێکی بۆ بەڕێز د. ئازاد محەممەدیانی چالاکی سیاسی و مامۆستای زانکۆ پێک هێنا.
د. ئازاد محەممەدیانی لەم سمینارەدا کە لەژێر ناوی "مەرجدارکردنی ئێرانیبوون"دا بەڕێوە چوو، پەرژایە سەر بابەتێکی گرینگ لە پێوەندی لەگەڵ بزووتنەوەی ڕزگاریخوازیی نەتەوەی کورد لە ڕۆژهەڵاتی کوردستان، ئەویش بریتی بوو لەوەی کە کورد چی دەوێ و چی بوێ باشترە بۆی و هەر لە بنەڕەتڕا لە ئێستادا چ ویست و داخوازییەکی ئەم نەتەوەیە ئەگەری سەرکەوتنی زیاتری هەیە.
بەڕێزیان بە ئاماژەدان بە ڕوانگەی لایەنگرانی فیدرالیزم و دەستەبەندیی ئەو بۆچوونە لەژێر چوار هۆکاری گشتیدا و هەروەها بە ئاماژەدان بە بیرۆکەی سەربەخۆییخوازی لە کوردستان، پاش پێکگرتن و بەراوردی ئەم دوو ڕوانگەیە و هەڵسەنگاندنی دەرفەت و هەڕەشەکانی هەرکام لەوانە، ڕێگەی سێهەمێکی لە ڕوانگەی خۆیەوە خستە بەر باس، کە زیاتر لەو چوارچێوەیەدا خۆی دەبینیەوە کە شێلگیرانەتر و بوێرانەتر پرسی کورد لە چوارچێوەی ئێراندا بێتە بەر باس.
لە بەشێکی تر لە قسەکانیدا و بۆ ڕوونکردنەوەی زیاتری مەبەستەکانی، هەندێک پێشنیاری کرداریتری خستە بەر دەست کە بریتی بوون لە: پێویستە لایەنی ئێرانی وڵامدەر بکرێت، سیاسەتی کورد ببێتە سیاسەتێکی کردارتەوەر هەتا دژکردەوەیی، نەتەوەی کورد نابێ بە شەرمەوە لەگەڵ ئێرانییەکاندا سیاسەت بکات و دەبێ سیاسەتێکی مافتەوەرانەتری هەبێت و سیاسەتەکانی پێویستە کرداریتر و مومکینتر بن.
لە کۆتا بەشیشدا بەڕێزیان ئاماژەیان بەوە دا پێویستە نەتەوەی کورد و لایەنە سیاسییەکانی بەوشیارییەکی زیاترەوە هەنگاو بنێن و کۆمەڵێک مەرج و پێشمەرج بۆ ئێرانییەکان دابنرێت و گرنگترینی ئەو مەرجانەش بریتین لەوەی: پرسی کورد پرسێکی یاسایییە، کورد نەتەوەیە، هاووڵاتیبوون نابێ ناچاری بێت و دەبێ ئارەزوومەندانە بێت.
لەم سمینارەدا ژمارەیەک لە ئەندامانی ڕێکخراو و هەروەها چالاکانی سیاسیی کورد بەشدارییان کرد و بڕگەی کۆتاییی سمینارەکە بۆ پێشنیار و پرسیار و تێبینییەکانی ئەو بەشدارانە تەرخان کرا.
#خوێندکاران
یەکیەتیی خوێندکارانی دێموکراتی کوردستان سمینارێک بۆ د. ئازاد محەممەدیانی، چالاکی سیاسی و مامۆستای زانکۆ بە ناونیشانی “مەرجدارکردنی ئێرانیبوون” ڕێک دەخات.
ڕۆژی هەینی، ڕێکەوتی 24ـی گەلاوێژی 2725ـی کوردی
کاتژمێر 7:00 بە کاتی هەولێر و 8:00 بە کاتی ئورووپای ناوەندی
سمینارەکە لە ڕێگەی بەرنامەی زوومەوە بەڕێوە دەچێ و کاتژمێرێک پێش دەسپێک، لینکی سمینارەکە لە پلاتفۆرمە فەرمییەکانی یەکیەتیی خوێندکاراندا بڵاو دەبێتەوە.
#خوێندکاران
#کوردستان
زانکۆی کوردستان لەژێر گوشاری هێزە ئەمنییەکاندا؛ گرتە ڤیدیۆی ئاهەنگی دەرچوونی خوێندکارانی بەشی وەرزشیی سڕییەوە
دوای بڵابوونەوەی گرتە ڤیدیۆیەک لە هەژماری فەرمیی زانکۆی کوردستان لە تۆڕی کۆمەڵایەتیی ئینستاگرام، بەتۆمەتی ڕەچاونەکردنی حیجاب و هەڵپەڕکێی کوردی، بە گوشاری هێزە ئەمنییەکان گرتە ڤیدیۆکە ڕەشکرایەوە.
چەند رۆژی رابردوو ڤیدیۆیەکی خوێندکارانی بەشی زانستی وەزشی لە زانکۆی کوردستان لە شاری سنە بڵاوبووەوە، کە خویندکارانی ئەو بەشە لە ئاهەنگی دەرچوونیان هەڵدەپەڕن و چالاکیی وەرزشی بەڕێوە دەبەن. هێزە ئەمنییەکانی کۆماری ئیسلامی، بەڕێوەبەرانی زانکۆکەیان ناچارکردووە کە گرتە ڤیدیۆکە لە تۆڕە کۆمەڵایەتییەکان بسڕنەوە.
بە گوتەی خوێندکارانی زانکۆکە، تەنیا گرتە ڤیدیۆی ئەوانیان سڕیوەتەوە و هۆکارەکەی دیاربوونی قژی کچەکان و هەڵپەڕکێی کوردی بووە.
#خوێندکاران
#کوردستان
خراپیی دۆخی خواردن لە زانکۆی زانستە پزیشکییەکانی زانستگەی سنە (کوردستان)
بەپێی ئەو هەواڵانەی بۆ یەکیەتیی خوێندکارانی دێموکراتی کوردستان هاتووە دۆخی خۆراکی خوێندکاران لە زانکۆی زانستە پزیشکییەکانی سنە زۆر نالەبارە. شایەدحاڵان باس لەوە دەکەن کوالێتی و چەندچۆنیی خواردنی ئەو زانکۆیە زۆر زیاتر لە ڕابردوو دابەزیوە.
کۆمەڵێک لە خوێندکاران ناڕەزایەتیی بەردەوامیان بە نسبەتی ئەو کەمتەرخەمییەی بەرپرسانی زانکۆوە دەربڕیوە، بەڵام تا ئێستاش هەوڵێک بۆ چارەسەرکردنی ئەو کێشە و کەموکووڕییانە نەدراوە.
شایانی باسە لە پێوەندی لەگەڵ ئەو ناڕەزایەتییانەدا لە ماوەی ڕابردوودا بەرپرسانی زانکۆ دوو بۆ سێ کەسیان لە کارەکانیان لاداوە، بەڵام دوای بەدواداچوونەکان ڕوون بووەتەوە ئەو کەسانەی لەو بەشە لادراون لە شوێنی باشتر کاریان پێ سپاردوون و جگە لەوەش ئەو کەسانەی وا هێنراونەتە جێی کەسانی پێشوو، زۆر خراپتر لەوان کارەکان بەڕێوە دەبەن.
جێی ئاماژەیە یەکێک لەو خاڵانەی خوێندکارانی ناڕازیی ئەم زانکۆیە ئاماژەی پێ دەکەن، ئەوەیە کە بودجەی زانکۆ پزیشکییەکان لەو بارەوە یەکسان و دیاریکراوە، بەڵام ئەوەی جێی سەرنجە ئەوەیە زانکۆی پزیشکیی کوردستان بەئەنقەست و بە بەراورد لەگەڵ زانکۆکانی تر زۆرتر دەچەوسێنرێتەوە.
وەک یەکیەتیی خوێندکارانی دێموکراتی کوردستان پاڵپشتیی خۆمان لە ناڕەزایەتیی بەهەقی ئەو خوێندکارانە دەردەبڕین و کار و کردەوەی بەرپرسانی ئەو زانکۆیە مەحکووم دەکەین.
#خوێندکاران
#دانشجو
پەیامی یەکیەتیی خوێندکارانی دێموکراتی کوردستان بە بۆنەی ۲۲ی پووشپەڕەوە
کوردستانیانی هێژا!
خوێندکارانی دێموکراتی کوردستان!
ئەمڕۆ ۳۷ ساڵ بەسەر کارەساتی تێرۆری شەهیدانی ڤییەن تێ دەپەڕێت. ئەو ڕۆژەی کە دوکتور عەبدوڕڕەحمان قاسملوو لەگەڵ هاوڕێی تێکۆشەر کاک عەبدوڵڵای قادریئازەر بەرپرسی حیزبی دێموکراتی کوردستانی ئێران لە ئورووپا بە دەستی بەکرێگراوانی ڕێژیمی پەت و سێدارە شەهید کران.
شەهید دوکتور عەبدوڕڕەحمان قاسملوو سکرتێری گشتیی حیزبی دێموکراتی کوردستانی ئێران جگە لە کەسایەتییەکی خەباتکار کەسایەتییەکی ئاکادیمی بوو و بە شێوەی ئاکادیمی کێشەی کوردی بۆ هەموو جیهان پڕۆبلێماتیزە کرد و پێناسەیەکی نێونەتەوەییی بۆ نەتەوەی کورد و کێشەکانی ئەم نەتەوەیە کرد.
دوکتور قاسملوو بە هۆی شارەزاییی لە بواری ئابووری و سیاسیدا دۆخی کورد و کوردستانی پێناسە کرد و گەڵاڵەی سیاسەتی خۆی بۆ قۆناغی خەبات و داهاتووی کوردستان داڕشت.
بۆ ئێمەی خوێندکاری کورد کاک دوکتور نموونەی بەرزی کەسایەتیی ئاکادیمیی نەتەوەیییە.
وەک یەکیەتیی خوێندکارانی دێموکراتی کوردستان دوای تێپەڕبوونی ۳۷ ساڵ لە شەهیدبوونی ڕێبەری مەزنمان دیسانەوە پەیمانی خۆمان وەفاداریمان نوێ دەکەینەوە و خۆمان بە درێژەدەری ڕێگا و ڕێبازی ئەو شەهیدە مەزنە دەزانین.
نەمان بۆ داگیرکەری نیشتمان!
سەر بکەوێ خەباتی نەتەوەییمان!
بژی کورد و کوردستان!
یەکیەتیی خوێندکارانی دێموکراتی کوردستان
۲۲ی پووشپەڕی ۲۷۲۶ـی کوردی
#خوێندکاران
#قاسملوو
سیوحەوت ساڵ بەسەر تێرۆری یەکێک لە ڕێبەرە مەزن و کەسایەتییە ئاکادێمیکەکانی نەتەوەی کورددا تێپەڕ دەبێت.
یاد و هزری دوکتور قاسملووی مەزن هەمیشە بۆ ئێمە ڕێنیشاندەر و چرای ڕێمان بووە.
نەمری بۆ ناو و ڕێبازی دوکتور قاسملووی شەهید و ڕووڕەشیی مێژووش بۆ تێرۆریستانی کۆماری ئیسلامیی ئێران.
#خوێندکاران
#قاسملوو
بەشداریی ئەندامانی یەکیەتیی خوێندکارانی دێموکراتی کوردستان لە کۆڕی "دۆخی ڕۆژهەڵاتی ناوەڕاست" لە وڵاتی ئاڵمان
ڕۆژی یەکشەممە ڕێکەوتی ٠٥/٠٧/٢٠٢٦ لە شاری ئێسێن-ئاڵمان کۆڕێک بۆ بەڕێز مەلا بەختیار لەژێر ناوی «دۆخی ڕۆژهەڵاتی ناوەڕاست» بەڕێوە چوو.
لەم کۆڕەدا بەشێک لە ئەندامانی یەکیەتیی خوێندکارانی دێموکراتی کوردستان لە وڵاتی ئاڵمان، لەسەر بانگهێشتی فەرمیی ڕێکخەرانی ئەم کۆڕە لەوێ ئامادە بوون و بە پێشکەشکردنی چەپکە گوڵ، ڕێزیان لە هەوڵ و تێکۆشانی بەڕێز مەلا بەختیار لە بواری نووسین و ڕووناکبیریدا گرت.
بەڕێزیان سەرەتا بە هێنانە بەر باسی ڕووداوە مێژوویییەکان لە ناوچە و هەروەها ئاماژە بە ڕۆڵی کۆماری کوردستان لەسەر گەشەی بیری نەتەوەیی لە هەر چوار پارچەی کوردستان، جەختی لەسەر ئاڵوگۆڕ و پێشهاتە سیاسییەکانی ناوچەکە کردەوە.
ناوبراو هەر لەم چوارچێوەیەدا و لە نێوئاخنی وتەکانیدا ئاماژەی بە گرینگیی شۆڕشی ژینا لە ڕۆژهەڵاتی کوردستان کرد و هەروەها کاریگەریی حیزبی دێموکراتی کوردستانی ئێران و کۆمەڵەی بەرز نرخاند.
لە بڕگەیەکی دیکەی کۆڕەکەدا بەشداربووان بە پرسیار و دەربڕینی بیروڕای خۆیان لە باسەکاندا بەشدارییان کرد، کە لەم بەشەدا هاوڕێ "سینا بێهنام" وەک ئەندامی یەکیەتیی خوێندکارانی دێموکراتی کوردستان پرسیاری لە سەر بارودۆخی حیزبەکانی ڕۆژهەڵاتی هێنا بەر باس.
کۆڕەکە بە پێشکەشکردنی کتێبەکانی بەڕێزیان کۆتاییی پێهات، کە لەم بەشەدا بەڕێزیان کتێبی «کۆمەڵە، چەپ، چەپی نوێی دیموکراسی»ـی پێشکەش بە یەکیەتیی خوێندکارانی دێموکراتی کوردستان کرد.
#خوێندکاران
#کوردستان
ڕاگەیەندراوی یەکیەتیی خوێندکارانی دێموکراتی کوردستان لەسەر پێشهاتەکانی ئەم دوایییەی زانکۆی کوردستان
بە ئاگاداریی خەڵکی ئازادیخواز و بەتایبەت خوێندکارانی تێکۆشەر دەگەیەنین لە درێژەی بەدواداچوون و چاودێریی بەردەواممان بۆ دۆخی زانکۆکانی ڕۆژهەڵاتی کوردستان، ئاگادار بووین لە حاڵەتێک کە تێیدا مامۆستایەک لە زانکۆی کوردستان کردەوەیەکی نائەخلاقیی بەرامبەر بە خوێندکارێکی بەشی کۆمەڵناسیی کۆلێژی زانستە مرۆیی و کۆمەڵایەتییەکان کردووە. بە پێی زانیارییە بەردەستەکان، بەناو دادگای ڕێژیم بڕیارێکی داوە کە تێیدا هیچ تاوانێک بۆ ئەو کەسە لەبەرچاو نەگیراوە.
ئێمە وەک یەکیەتیی خوێندکارانی دێموکراتی کوردستان، بە نیگەرانییەوە سەیری ئەم بڕیارە دەکەین و پێمان وایە کە ئەم جۆرە بڕیارانە سەرچاوە لە نادادپەروەریی سیستماتیکی دەسەڵاتەوە دەگرن. ئێمە کردەوەی ئەم بەناو مامۆستایە و بڕیارەکەی دادگا شەرمەزار دەکەین و پاڵپشتیی تەواوی خۆمان لە داواکاریی خوێندکاران دەردەبڕین بۆ پاراستنی کەرامەت و ئاسایشی دەروونییان لە ناوەندەکانی خوێندندا.
گەڕانەوەی مامۆستایێکی زانکۆ بەو ڕابردووەوە تەنیا پێشێلکردنی بنەما ئەخلاقییەکانی زانکۆ نییە، بەڵکوو سووکایەتییەکی ڕوونە بە کەرامەتی بەرزی زانست و کەرامەتی مرۆڤایەتی. زانکۆ پێویستە پەناگەیەکی ئارام و ئەمن بێت بۆ بیرکردنەوە، نەک فەزایەک بۆ غەریزەکانی مامۆستا و لە ڕێی ئەکادیمیەوە بتوانن پشت بە کورسیی وانەوتنەوە ببەستن و بە پشتبەستن بە پێگەی ساختەی خۆیان، ئاسایشی دەروونی و کەرامەتی خوێندکاران بکەنە ئامانج.
لە ڕاستیدا مامۆستای ڕاستەقینە، پێش ئەوەی لە بڕوانامە و قۆناغەکانی زانست سەرکەوتوو بێت، دەبێت پابەند بێت بە بنەما مرۆیییەکان و بنەمایێکی ئەخلاقی و بەرپرسیاربوون بەرامبەر بە خوێندکاران؛ نەبوونی ئەم تایبەمەندییانەی کە لە ڕستەی پێشوو باس کرا لە مامۆستای ناوبراو بە ئاشکرا دەرکەوتووە، بۆیە ئێمە لەسەر ئەو باوەڕەین کەسێکی لەو جۆرە تەحەددای شەرعیەتی دامەزراوەی خوێندن دەکات و هەڕەشەیێکە بۆ سڵامەتیی دەروونی و خوێندنی خوێندکاران. خوێندکاران وەک سەرمایەی فیکریی کۆمەڵگە شایەنی ئەو مامۆستایانەن کە بەها ئەخلاقییە بەرزەکان و مۆدێلی ڕەفتاری دوور لە گەندەڵی بەرجەستە دەکەن. کاتێک مامۆستایەک تەنانەت بچووکترین بنەمای ئەخلاقییشی تێدا نییە و لەگەڵ نۆرمە باوە و پەسندکراوەکانی کۆمەڵگەماندا ناتەبایە و بە چەندین حاڵەتیشی دووپات کردبێتەوە، بوونی لە زانکۆدا نائەمنیی لێ دەکەوێتەوە و لە هەمان کاتیشدا سەرەتا بێڕێزییەکە بە توێژی خوێندکار و پاشانیش کۆی گشتیی کۆمەڵگە.
کەرامەتی خوێندکار زۆر لەوە بەرزترە کە بیهەوێت بێدەنگی هەڵبژێرێت و سووکایەتی بە کەرامەتی بکرێت.
ئێمە وەک یەکیەتیی خوێندکارانی دێموکراتی کوردستان گەڕاندنەوەی کەسێکی لەم چەشنە بۆ زانکۆ و شوێنی زانست و تێگەیشتن لە بەرگی مامۆستایەتیدا، نەک هەر بە هەڵەی بەڕێوەبردن دەزانین، بەڵکوو بە بڕیاڕێکی ئەنقەستی بەڕێوەبەرانی زانکۆ بۆ سەر کەرامەتی خوێندکار دەزانین. لە دەرەوەی فێربوونی چەمکە زانستییەکان، فێرخواز پێویستی بە ژینگەیەک هەیە کە هەمیشە ڕێز لە کەرامەت و کەسایەتییەکەی بگیرێت. داواکاریی خوێندکاران ئەوەیە کە دەستبەجێ کەسێکی لەو جۆرە لە کورسیی وانەوتنەوە دوور بخرێتەوە و زانکۆ شوێنێک بێت بۆ پەروەردەکردنی لاوانی شارەزا و ئاکادیمیک و بوونی ئەو جۆرە تاکانەش بۆ دامەزراوەی پەروەردە مەترسیدارە.
یەکیەتیی خوێندکارانی دێموکراتی کوردستان
پووشپەڕی ١٤٠٥ـی هەتاوی
#خوێنداکاران
#کوردستان
بەشداریی شاندێکی یەکیەتیی خوێندکارانی دێموکراتی کوردستان لە کۆبوونەوەی چالاکانی مافی مرۆڤی ئێران
ڕۆژی شەممە ڕێکەوتی ٢٠ـی ژوئەنی ٢٠٢٦ـی زایینی، بە بۆنەی ڕۆژی جیهانیی پشتیوانی لە زیندانییانی سیاسی، کۆبوونەوەیەکی ئۆنلاین لەلایەن ژمارەیەک لە چالاکوانانی مافی مرۆڤ بەڕێوە چوو.
لەم کۆبوونەوەیەدا کە بە بەشداریی ژمارەیەک ڕێکخراو و چالاکوانی مافی مرۆڤی و چالاکانی مافی نەتەوە بندەستەکانی ئێران بەڕێوە چوو، شاندێکی یەکیەتیی خوێندکارانی دێموکراتی کوردستانیش کە پێک هاتبوو لە بەڕێزان: "هەژار خاتەمی"، "شەهین بایزیدپوور" و "پەیمان سەبزی" بەشداریی کرد.
بەشدارانی کۆبوونەوەکە وێڕای باسکردن لەسەر دۆخی زیندانییانی سیاسی و ڕەشبگیرییەکانی ئەم دوایییە لەلایەن ناوەندە ئەمنییەتییەکانی کۆماری ئیسلامی، لەسەر پشتیوانی لەم بەندکراوانە جەخت کرایەوە و هەوڵ درا لە داهاتوودا هاوکارییەکانی ئەم ڕێکخراوانە چڕتر بکرێنەوە.
شایانی باسە شاندی یەکیەتیی خوێندکاران بە بانگهێشتی فەرمی لەم کۆبوونەوەیەدا بەشدار بوو و ڕاپۆرتێکی لەسەر دۆخی خوێندکارانی بەندکراو پێشکەشی ئامادەبووان کرد.
#خوێندکاران
#کوردستان
ئەندامێکی یەکیەتیی خوێندکارانی دێموکراتی کوردستان پلەی زانستیی پڕۆفیسۆری بەدەست هێنا
دوکتور هەژار ڕەحیمی، ئەندامی دەستەی دامەزرێنەری یەکیەتیی خوێندکارانی دێموکراتی کوردستان، بەرزترین پلەی ئەکادێمیی لە بواری ئەدەبی کوردیدا لە زانکۆی سۆران بەدەست هێنا.
بەپێی فەرمانی فەرمیی سەرۆکایەتیی زانکۆی سۆران، دوکتور هەژار ڕەحیمی، پلەی زانستیی لە "پڕۆفیسۆری یاریدەدەر"ەوە بۆ پلەی باڵای "پڕۆفیسۆر" لە بواری ''ئەدەبی کوردی"دا بەرز کرایەوە.
دوکتور هەژار لە وتووێژێکدا کە لەگەڵ بەشی ڕاگەیاندنی ڕێکخراوەکەماندا هەیبوو ڕایگەیاند: " لە ساڵی ٢٠١٣ لە زانکۆی سلێمانی پلەی دوکتورام بەدەست هێناوە و تێزی دوکتوراکەم لەسەر "نووسینەوەی مێژووی ئەدەبی کوردی" بووە و لە ئێستاشدا زیاتر لە بواری ڕەخنەی پۆستکۆلۆنیالی و لێکۆڵینەوە کولتوورییەکان لە ئەدەبیاتدا کار دەکەم."
هەروەها بەبۆنەی وەرگرتنی ئەم نازناوە باڵایەوە وتیشی: " ئەمە دوایین پلەی زانستییە لە دنیای ئاکادێمیدا، بەڵام بۆ من سەرەتای کاری جیددیتر و بەرپرسیاریەتیی مەزنترە لەپێناو خزمەتکردنی زانست و حەقیقەت."
یەکیەتیی خوێندکارانی دێموکراتی کوردستان پیرۆزباییی خۆی بەبۆنەی ئەم سەرکەوتنەوە ئاراستەی دوکتور هەژار دەکات و هیوادارە لە درێژەی ژیانی زانستیی خۆیدا سەرکەوتنی زیاتر و بەردەوام بەدەست بێنێت.
#خوێندکاران
#کوردستان
پیلانداڕێژیی ناوەندە ئەمنییەتییەکانی ڕێژیم لە شاری سەقز لەدژی توێژی خوێندکار
ئیدارەی ئیتلاعات و سپای پاسداران لە شاری سەقز، هەوڵیان داوە لە ڕێگەی نووسینی دروشمەکانی کۆماری ئیسلامی و هەڵواسینی پارچەنووسراوە، ئێعتباری لەدەستچووی خۆیان بگێڕنەوە و لەم پێناوەشدا پەنایان بردووەتە بەر ناو و ئێعتباری توێژی گۆڕانویستی خوێندکار.
لەدوای ئەوەی لە مانگی بەفرانباردا خوێندکارانی کوردستان و باقیی نەتەوەکانی تری ئێران، ناڕەزایەتیی قووڵی خۆیان بەرامبەر بە دەسەڵاتی کۆماری ئیسلامی دەربڕی و ئێستاش وردەوردە ناڕەزایەتییەکان لە چەندین زانکۆ دەستیان پێکردووەتەوە، ناوەندە ئەمنییەتییەکانی کۆماری ئیسلامی کەوتوونەتە هەوڵ و خەریکی پیلانداڕشتنن بۆ ئەوەی کارنامەی تێکۆشانی ئەم توێژە ڕووناکبیر و شۆڕشگێڕە پەڵەدار بکەن.
بەپێی بەدواداچوونی ئێمە و ئەو سەرچاوانەی لە شاری سەقزەوە ئاگاداریان کردووینەتەوە هیچ خوێندکار و مامۆستایەکی زانکۆ ئاگاداری ئەم پیلانە پشتی پەردانەی ناوەندە ئەمنییەتییەکانی ڕێژیم نییە و دژکردەوەی توندیشیان لە خۆیان بەرامبەر بەو کەڵکاوەژۆوەرگرتنە نیشان داوە.
ئێمە وەک یەکیەتیی خوێندکارانی دێموکراتی کوردستان هەرچەشنە کەڵکاوەژۆوەرگرتنێک لە ناو و پێگەی خوێندکار بەتایبەت لەلایەن دەسەڵاتێکی وەک کۆماری ئیسلامی کە بەردەوام هەوڵی داوە زانکۆ دابخات یان لە ڕۆحی شۆڕشگێڕانە و ڕەخنەگرانەی بەتاڵ کاتەوە، بە توندترین شێوە مەحکووم دەکەین.
#خوێندکاران
#IranWar
ڕێژیمی تێرۆریست و تێرۆریستپەروەری کۆماری ئیسلامی گیانی پاکی دوو چالاکی مەدەنی و کولتووریی کوردی لێ ستاندین.
ژیانی پڕبەرهەمی ئەم شەهیدانە ڕەمز و هێمای بەردەوامی و زیندووییی ناو و ڕێگە و یادیانە.
#خوێندکاران
#کوردستان
ئەویش لە بارودۆخێکدا کە کۆماری ئیسلامیی ئێران هەر لە سەرەتای هاتنە سەرکاریەوە زانکۆکانی بە مەترسی بۆ سەر بنەما ئیدئۆلۆژیکەکانی دەزانی و ئۆرگان و دامەزراوەی جۆراوجۆری ئەمنییەتیی لە زانکۆکاندا جێگیر کرد و هەوڵی داوە و هەوڵیش دەدات دەنگی ئازادیخوازی و مافخوازیی خوێندکاران کپ بکات؛ بەڵام سەرەڕای ئەوەش بینیمان کە لە ڕەوتی شۆڕشی ژینادا، خوێندکاران لە بەشێکی زۆر لە زانکۆکانی کوردستان بوونە پێشەنگ و ئاڤانگاردی ئەو شۆڕشە. هەروەها لە ڕۆژانی ۱۸ و ۱۹ بەفرانباری ۱۴۰۴دا خوێندکارانی کورد بەشداریی چالاکیان لەم ناڕەزایەتییانەدا هەبوو و ژمارەیەکی بەرچاو لە خوێندکارانی کورد شەهید بوون.
کچان و کوڕانی خوێندکاری کورد لە زانکۆکانی ئێران و ڕۆژهەڵاتی کوردستاندا خواست و داواکارییە کۆمەڵایەتی، ئابووری و سیاسییەکانیان لە بەستێنی خەباتێکی نەتەوەییدا کردە هەوێنی چالاکییەکانیان و کۆی پێکهاتەی سیاسی و ئیدئۆلۆژیکی ڕێژیمیان کردە ئامانج.
شۆڕشی ژینا و ڕاپەڕینی بەربڵاوی خوێندکاران لە ڕەوتی ئەو شۆڕشەدا لە زۆر ڕووەوە درێژەی خەباتی شەهید شەریفزادە و هاوڕێیانی لەو سەردەمەدا بوو و زۆر خاڵی هاوبەش لەو دوو قۆناغەدا بەرچاو دەکەون. ڕۆحی شۆڕشگێڕیی شەریفزادە و هاوڕێیانی لە بەگژداچوونەوە و ڕابوون دژی ستەمکاری و دیکتاتۆری، دەروەستیی نەتەوەیی و نیشتمانی و پەیوەستبوون بە بزووتنەوەی نەتەوەیی و هەروەها بووژاندنەوەی هیوای خوێندکاران بە گۆڕانکاریی بنەڕەتی ئەو وێکچوونانەن کە چالاکییەکانی خوێندکاران لە شۆڕشی ژینادا بە خەباتی خوێندکاریی دەیەی ٤٠ـی هەتاوی بە پێشەنگایەتیی شەریفزادە پێکەوە دەبەستنەوە. ئەوەش وای کردووە ڕێبازی شەریفزادە وەک ڕێبەر و هێما و پێشەنگی خوێندکاریی کورد بەردەوام بەرهەم بێتەوە و پێشوازیی کۆمەڵگەی خوێندکاریی کوردی لەو ناونانە زەقتر بێتەوە.
یەکیەتیی خوێندکارانی دێموکراتی کوردستان سەرەڕای ئەوەی بزاڤی خوێندکاریی کوردی بە بزاڤێکی گۆڕانخواز، نەتەوەیی و عەداڵەتخواز دەزانێ، بڕوای قووڵی بە ڕێکخستنی هەرچی زیاتری خوێندکاران هەیە بۆ وەسەریەکخستنی تواناکانیان لە بەرەنگاربوونەوەی دیکتاتۆری و هەر چەشنە ستەمێک و لەوانە ستەمی نەتەوەیی، ڕەگەزی و چینایەتی و لەو پێناوەشدا هەوڵ دەدات توانا و وزەکان لە پێناو ئامانجە بەرزەکانی ئەو بزاڤەدا بخرێتە گەڕ.
یەکیەتیی خوێندکارانی دێموکراتی کوردستان وێڕای بەرزنرخاندنی یاد و بیرەوەریی شەهید سمایلی شەریفزادە، سیمبۆلی بزووتنەوەی خوێندکاریی کورد، پیرۆزباییی ١٢ی بانەمەڕ، ڕۆژی خوێندکاری کورد لە خوێندکارانی دێموکراتی کوردستان، کۆمەڵگەی خوێندکاری و هەموو خەڵکی ڕۆژهەڵاتی کوردستان دەکا و پشتیوانیی خۆی لە خەباتی شێلگیرانە و ڕوو لە گەشەی خوێندکارانی بوێر و پێشەنگی کۆمەڵگەی کوردی دووپات دەکاتەوە و زانکۆ و ناوەندە ئەکادیمییەکان چ لە بەرهەمهێنانی ئەندێشە و چ لە بواری چالاکیی مەیدانیدا بە بزوێنەر و پێشەنگی خەباتی جەماوەری دەزانێ.
یادی شەهیدان هەرماو!
سەر بکەوێت خەباتی شێلگیری نەتەوەییمان!
یەکیەتیی خوێندکارانی دێموکراتی کوردستان
١٢ی بانەمەڕی ۲۷۲۶ـی کوردی
#خوێندکاران
#کوردستان
پەیامی یەکیەتیی خوێندکارانی دێموکراتی کوردستان بەبۆنەی ۱۲ی بانەمەڕەوە
خەڵکی ڕزگاریخوازی کوردستان!
خوێندکارانی دێموکراتی کوردستان!
خوێندکارانی خەباتگێڕی کورد!
بەبۆنەی ١٢ی بانەمەڕ، ڕۆژی «خوێندکاری کورد»ەوە بەگەرمی پیرۆزباییتان لێ دەکەین و ڕێز لە خەبات و تێکۆشانی سیاسی و کاریگەرتان لە سەنگەری خەباتی ڕووناکبیریدا دەگرین.
١٢ی بانەمەڕی ئەمساڵ ۵۸ ساڵ بەسەر ڕووداوێکدا تێدەپەڕێ کە وەک لاپەڕەیەکی درەوشاوە لە مێژووی خەباتی ڕزگاریخوازیی نەتەوەی کورد و چالاکیی خوێندکاران لە ڕۆژهەڵاتی کوردستاندا تۆمار کراوە و بووە بە ئیلهامدەری خەباتکاران و نیشتمانپەروەران، بەتایبەت خوێندکارانی نەتەوەخوازی کورد.
لەساڵی ١٣٤٦ـی هەتاویدا ژمارەیەک لە خەباتگێڕانی حیزبی دێموکراتی کوردستان لەژێر ناوی کۆمیتەی شۆڕشگێڕیی حیزبی دێموکراتی کوردستان و بە ئامانجی شکاندنی شەقڵی شەوەزەنگی چلەکانی ڕێژیمی پاشایەتیی پەهلەوی چەخماخەی ڕاپەڕینێکی چەکدارییان لێدا و بەناو دوڕگەی سەقامگیری حەمەڕەزا شای پەهلەوییان شڵەژاند. لەو ڕاپەڕینە مێژوویییەدا "سمایلی شەریفزادە" وەک یەکێک لە ڕێبەرانی ڕاپەڕینەکە و وەک خوێندکارێکی پێگەیشتووی کورد دەورێکی کاریگەر و شوێندانەری لەسەر وشیاریی نەتەوەیی و خەباتی شوناسخوازیی کورد هەبوو. سمایلی شەریفزادە، سەرچەشن و پێشەنگی ئەو پۆلە لە تێکۆشەرانی سیاسیی کورد بوو کە بە هەڵوێستی سیاسی و ئەکتی خەباتگێڕییان پێناسەیەکی نوێ و شوناسێکی نەتەوەیییان بە خوێندکاری کورد و تێکۆشانی سیاسی و سینفیی خوێندکارانی کورد لە زانکۆکانی ئێران بەخشی. لەکاتێکدا کەشی سیاسیی ئێران لە دەیەی ٤٠ی هەتاویدا بەتەواوی کەوتبووە ژێر کاریگەریی بیری چەپی ڕادیکاڵ لەلایەک و بیری ئێرانشاری لەلایەکی ترەوە، ژمارەیەک لە خوێندکارانی کورد لە زانکۆکانی تاران -یەک لەوان سمایل شەریفزادە- پێوەندییەکی گوتاری و سیاسییان لەگەڵ بزووتنەوەی نەتەوەیی-دێموکراتیکی کوردستان دامەزراند کە بوو بە سەرەتای سەرهەڵدانی ڕەوتێکی ڕادیکاڵ و نەتەوەیی لە هەناوی بزووتنەوەی کوردستاندا کە حیزبی دێموکراتی کوردستان ڕێبەریی دەکرد. هاوکات پێوەندییەکی مەعریفی و لە هەمان کاتدا دوولایەنە لەنێوان چەپی ڕادیکاڵ و نەتەوەییی کوردیدا هاتە ئاراوە کە بزوتنەوەی چەکداریی ساڵانی ٤٦- ٤٧ لە هەناویدا لەدایک بوو.
لەو قۆناغە لە مێژووی ئێراندا کە ئازادییە سیاسییەکان بەتوندی سەرکوت دەکران و هیچ هیوایەک بۆ گۆڕانێکی سیاسی لەو وڵاتەدا بەدی نەدەکرا، شەریفزادە و پۆلێکی دیکە لە لاوانی خوێندەواری ئەو دەم، سەنگەری خەبات و تێکۆشانیان لە زانکۆ و ناوەندی ئێرانەوە بۆ چیاکانی کوردستان و بۆ نێو ڕیزی تێکۆشەرانی حیزبی دێموکراتی کوردستان گواستەوە. ئەوان وێڕای هەوڵدانیان بۆ بردنەسەری ئاستی وشیاریی سیاسی و هزری نەتەوەیی و بەرجەستەکردنی خەسڵەتی سەربەخۆییی سیاسی لە حیزبی دێموکرات و بایەخدان بە تێکۆشان لە نێوخۆی ڕۆژهەڵاتی کوردستاندا، بوونە هەوێنی وەڕێکەوتنی ڕاپەڕینێکی چەکداری لەدژی دەسەڵاتی حەمەڕەزاشای پەهلەوی و لە نێوان کۆماری کوردستان هەتا شۆڕشی گەلانی ئێران لە ساڵی ٥٧دا گەورەترین ڕووداوی سیاسیی کوردستانیان خولقاند و بوونە پردی پێوەندیی نێوان ئەو دوو ڕووداوە سیاسییە لە ڕۆژهەڵاتی کوردستاندا.
جووڵانەوەی چەکدارانەی کوردستان (١٣٤٦- ١٣٤٧) یەکەم بزووتنەوەی چەکداری بوو لە ئێراندا کە لەگەڵ پێشوازیی گەرمی جەماوەری وەزاڵەهاتوو بەرەوڕوو بوو و بوو بە سەرەتایەک بۆ هەڵگیرسانی خەباتی چەکداری لە ناوچەکانی دیکەی ئێرانیشدا. سەرەنجام ڕۆژی ١٢ی بانەمەڕی ساڵی ١٣٤٧ـی هەتاوی کاک سمایل شەریفزادە و چەند هاوسەنگەرێکی دیکەی لە ڕووبەڕووبوونەوەیەک لەگەڵ هێزە سەرکوتکەرەکانی ڕێژیمی پاشایەتی لە ناوچەی بانەدا شەهید کران.
خوێندکارانی نیشتمانپەروەری کورد!
خوێندکارانی کوردی ڕۆژهەڵاتی کوردستان لە سەردەم و قۆناغی ئێستاشدا، بەشێکی چالاک لە بزووتنەوەی نەتەوەیی و ڕزگاریخوازیی نەتەوەکەیانن. ئەوان لە نێوخۆی ئێران سەرەڕای زەبروزەنگی دامودەزگا سەرکوتکەرەکانی ڕێژیم لەنێو زانکۆکان و لە سەنگەری شەقامیشدا لە ڕیزی پێشەوەی خەبات و تێکۆشاندا بوون.
بەڕێوەچوونی گفتوگۆی ماستەرنامەیەکی تایبەت بە جووڵانەوەی ٤٦- ٤٧ لە زانکۆی سلێمانی
ڕۆژی یەکشەممە ٣٠ـی خاکەلێوەی ١٤٠٥ـی هەتاوی تێزی ماستەری خاتوو "شێوە عوسمان" لەژێر ناونیشانی "جووڵانەوەی چەکدارانەی کوردستانی ئێران ١٩٦٧- ١٩٦٨" لە زانکۆی سلێمانی گفتوگۆی لەسەر کرا.
نێوەرۆکی ئەم ماستەرنامەیە تایبەتە بە جووڵانەوەی پڕشانازیی ساڵانی ٤٦- ٤٧ـی کۆمیتەی شۆڕشگێڕیی حیزبی دێموکراتی کوردستان، کە جووڵانەوەکە لاپەڕەیەکی زێڕینی خەباتی مافخوازانەی نەتەوەی کورد لە ڕۆژهەڵاتی کوردستانە و بەشێک لە ڕێبەرانی ئەم ڕاپەڕینە خوێندکارانی دەروەستی کورد بوون.
نووسەر لە تێزەکەیدا ئاماژەی بە بەستێنەکانی سەرهەڵدانی ئەم جووڵانەوەیە و بەشێک لە کاریگەرییەکانی لەسەر بزاڤی سیاسیی ڕۆژهەڵاتی کوردستان و ڕەنگدانەوەی جووڵانەوەکە لەنێو ئەدەبیات و ڕۆژنامەکاندا کردووە و لە بەشێکی تریشدا پەرژاوەتە سەر گرینگیی خەباتی خوێندکاران و کاریگەرییەکانی ئەم جووڵانەوەیە لەسەر خوێندکارانی کورد لە ساڵانی دواتردا.
شایانی باسە یەکێک لە ئەندامانی لێژنەی گفتوگۆی ماستەرنامەکە، یەکێک لە ئەندامانی ڕێکخراوەکەمان سیمای ناسراو و ئەکادیمیکی بزووتنەوەی کورد لە ڕۆژهەڵاتی کوردستان، پڕۆفیسۆری یاریدەدەر د. سمایل بازیار بوو.
یەکیەتیی خوێندکارانی دێموکراتی کوردستان وێڕای پیرۆزبایی لە خاتوو شێوە عوسمان، خۆشحاڵیی خۆی بەبۆنەی بڵاوبوونەوەی تێزێکی ئەکادێمیک لە پێوەندی لەگەڵ لاپەڕەیەکی زێڕین لە خەباتی نەتەوەکەمان لەژێر ڕێبەریی خوێندکارانی دەروەستدا، دەردەبڕێت.
#خوێندکاران
#خوێندکار
🔴۲ اردیبهشت سالگرد شوم کودتای ضدفرهنگی خمینی علیه دانشگاه و دانشجویان آگاه و آزادیخواه
درگیری دانشگاه تبریز در ۲۶ فروردین ۱۳۵۹، با اشغال توسط دانشجویان حامی حکومت از جمله مسعود پزشکیان و حمایت نیروهای امنیتی به «پاکسازی» دانشگاهها و سرکوب گسترده انجامید
در روز ۲ اردیبهشت ۱۳۵۹ خمینی، رهبر وقت جمهوری اسلامی در اقدامی ضدفرهنگی و ضددمکراتیک، با عنوان «انقلاب فرهنگی» دست به کودتا علیه دانشگاه و دانشجویان زد و دانشگاهها را به مدت سه سال تعطیل کرد و بدینگونه به تقابل آشکار با قشر دادخواە و مترقی دانشجو پرداخت. این در حالی بود که دانشجویان بیشترین و مهمترین سهم را در انقلاب ضدسلطنتی و سرنگونی دیکتاتوری شاه ایفا کردند؛ قشری آگاه که در برابر کودتای ٢٨ مرداد ایستادگی کرده و ۱۶ آذر را در تقویم دانشجویی ایران ثبت کرده بود و هرگز در برابر استبداد و ساواک تسلیم نشد و همواره در صف مبارزه قرار داشت.
سرنگون باد رژیم ضدفرهنگی و ضددانش جمهوری اسلامی ایران
#خوێندکاران
#IranWar
بەشداریی یەکیەتیی خوێندکارانی دێموکراتی کوردستان لە بەڕێوەچوونی کۆبوونەوەی ناڕەزایەتی دژی هێرشەکانی ڕێژیمی کۆماری ئیسلامیی ئێران بۆ سەر هەرێمی کوردستان و حیزبەکانی ڕۆژهەڵات
ڕۆژی سێشەممە ١ـی بانەمەڕ، لە هەولێری پێتەختی هەرێمی کوردستان، کۆبوونەوەیەکی ناڕەزایەتی بۆ سەرکۆنەکردنی هێرشە درۆنی و مووشەکییەکانی کۆماری ئیسلامیی ئێران بۆ سەر خاکی هەرێمی کوردستان و کەمپە مەدەنییەکانی حیزبەکانی ڕۆژهەڵاتی کوردستان بەڕێوە چوو.
ئەم کۆبوونەوەیە کە لەلایەن لێژنەی كاری هاوبەشی چەپی كوردستان ڕێک خرابوو و چالاکانی مەدەنی و سیاسیی خەڵکی باشووری کوردستان و پارچەکانی دیکەی کوردستان تێیدا بەشدار بوون، بە سروودی ئەی ڕەقیب و ساتێک بێدەنگی بۆ گیانی پاکی شەهیدانی کوردستان دەستی پێ کرد.
پاشان بە ئامادەبوونی دەزگاکانی ڕاگەیاندن، بەیاننامەی لێژنەی كاری هاوبەشی چەپی كوردستان خوێندرایەوە و تێیدا وێڕای ئیدانەکردنی هێرشەکانی ڕێژیمی ئێران، داوا لە حکوومەتی فێدراڵی عێراق و ناوەند و ڕێکخراوە نێودەوڵەتییەکان، بەتایبەتی ناوەندەکانی مافی مرۆڤ کرا، سنوورێک بۆ ئەم دەستدرێژییانەی ڕێژیمی کۆماری ئیسلامیی ئێران بۆ سەر خاکی هەرێمی کوردستان و کەمپەکانی خەڵکی سڤیل دابنرێت.
لە کۆبوونەوەکەدا، ناڕازییان وێنەی شەهیدانی هێرشەکانی کۆماری ئیسلامییان بۆ سەر هەرێمی کوردستان و کەمپەکانی حیزبەکانی ڕۆژهەڵاتیان بەرز کردەوە و دروشمیان دژی ئەو ڕێژیمە وتەوە.
جێی ئاماژەیە ئەندامانی خوێندکاران لە لێدوانەکانیان بۆ کاناڵە جیاوازەکان جەختیان لەسەر بەڕێوەچوونی ناڕەزایەتیی زیاتری لەم چەشنە و هەروەها بەهێزکردنی کۆمەڵگەی مەدەنیی باشووری کوردستان کردەوە.
شایانی باسە لەم کۆبوونەوەیەدا ئەندامانی چەندین حیزب و لایەنی سیاسیی ڕۆژهەڵاتی کوردستان و هەروەها ئەندامانی ڕێکخراوە مەدەنییەکانی دیکەی ڕۆژهەڵاتی کوردستانیش، بەشدار بوون.
#خوێندکاران
#IranWar
Last Seen Users on Sotwe
tadavasx
Seen from United States
Angie Towers ˶ᵔ ᵕ ᵔ˶
Seen from Germany
CdAzra34
Seen from Turkey
心情呼叫总转移
Seen from Vietnam
🥵
Seen from Turkey
Bakir CASHMASTER 🇩🇿🇧🇷
Seen from France
LOID
Seen from France
STW istimewah 😎✌️
Seen from Netherlands
drkapkabik
Seen from Turkey
بعشق البلدي
Seen from Turkey
Trends for you
Most Popular Users
Elon Musk
@elonmusk
241.5M followers
Barack Obama
@barackobama
119M followers
Cristiano Ronaldo
@cristiano
113.8M followers
Donald J. Trump
@realdonaldtrump
111.8M followers
Narendra Modi
@narendramodi
107.2M followers
Rihanna
@rihanna
98.6M followers
NASA
@nasa
92.4M followers
Justin Bieber
@justinbieber
91.7M followers
KATY PERRY
@katyperry
89.7M followers
Taylor Swift
@taylorswift13
83.6M followers
Lady Gaga
@ladygaga
75.1M followers
Virat Kohli
@imvkohli
72.8M followers
Kim Kardashian
@kimkardashian
70.7M followers
YouTube
@youtube
68.8M followers
Neymar Jr
@neymarjr
65.8M followers
Bill Gates
@billgates
64.9M followers
Selena Gomez
@selenagomez
62.7M followers
The Ellen Show
@theellenshow
62.3M followers
CNN
@cnn
61.8M followers
X
@x
60.7M followers