(احساس المشاعر)

[سفر بريك @S__break]

ياما هقينا فـ الاوادم وياما
راحت هقاوينا لا هذي ولا ذي

ي صاحبي حنّا ما حنّا يتاما
بس الليالي تطوي عزومنا طي

ليت الليال القادمه والقداما
ترفق على الوافين وتهدّي شوي

وليت الضروف اللي تمر النشاما
تمر ناسٍ لا نشاما ولا شي

#سفر_بريك

[ســراب ☁️ @sraap0112]

الصاحب اللي يضحك ووجهه وراه
"جعله فدا اللي للمواقف ذاخره"

ان مانفع .. وانا على قيد الحياه
ماني بحاجة نفعته .. فـ الاخره

[سمان الهرج @fahad33931]

-
طويت الرّشا عن ماردٍ مابهـج ظامـيه
وصدّرت يوم النفس من مشربه طابت

تركته لو ان القلب زود الظما طاويه
ولـو ان كبدي من هـجير اللّظى ذابت

هقينا وخاب الظن في من هقينا فيه
ولا فيه أخس من الهقاوي اليا خابت

#هزاع_الغميسي

[قروب شعر @Group_she3er]

مادام راسي على متني وعظمي سليم
الباقي من الخساير كلهااا هيّنة

نوب أتغيشم كذا , مع إن ماني غشيم
لين الليالي تجيب الحجّة البيّنة

واللّي تجي بالصّميم؟ أردّها بالصّميم
ولا يكسر القاسية من يعصر اللّينة

ما يستغل الكرام إلا الردي واللّئييم
وما شوّه الطيب كله غيييير هالعيّنة.

[شاهه💙🇸🇦 @ul2rsh]

لا عاد تنشدني ورا خاطرك شين
بالله خل اللي بصدري بصدري

انا ادري انك يارفيقي حمر عين
ولا تنشد الا كود من زود قدري

غير الزمن يومي بنا يسار ويمين
وانا تصدد منك ما ابغاك تدري

دايم نقول ان تالي الوقت بتزين
وان كان تبغى الصدق؟ والله مدري

[(احساس المشاعر) @YiloIv]

@gazzi_21 @abw_alansanyyh 11تم

[نايف اباالعون @naif_abalaon]

اللي تردى روسهم لاطلع راس
حتى لوانك ماترديت فيها

ناس تبيك تعيش من بين الاقواس
وحنا الحياة اللي كذا مانبيها

صدّو وشحّو بالمشاعر والاحساس
وشلون اجل لأحتجت فزعة يديها

هو حِسْد ولا خوف ولاردى ساس
مادري ؟ ولكن ماتعدى حديها

ناس تشوف انعام ربي على الناس
ولاتشوف انعام ربي عليها

[قصايد @hnoof_x]

قفول الظماير وهبة الواحد المنان
لو ان اللبيب احيانا مايضمن لسانه
ْ
من يسولف بذنبه على المجلس المليان
مثل من"يعلق بندقه عند عـدوانه"

[(احساس المشاعر) @YiloIv]

@AlRuwaii515 ماشاء الله اللهم سقيا رحمه لاسقيا عذاب

[قصايد @hnoof_x]

حنا امة محمد واهل نصح ورشاد
ننصح لو ان ذنوبنا طوقتنا
ْ
النفس تبغى رادع وقمع وجهاد
لو نتبع لشهواتها ضيعتنا
ْ
يارب جنبنا عن اعراض الاجواد
والطف بنا واحسن لنا خاتمتنا
ْ
مفروض لا صمنا عن الشرب والزاد
تصوم عن عرض العباد السنتنا
ْ
لـ عابر

[ضيف الشيباني @Dafo511]

ليت النوايا مالها ستر ولباس
تظهر من صدور المخاليق جردى

[سمان الهرج @fahad33931]

يالي تسب الكفو لعلك فداهه
الكفو يعرف والزلابـه زلابـه.

بيته ثلاث غرف لكن منداه
وبيتك ثلاث أدوار لكن خرابه

الشاعر
زامل السبيعي.

[قصايد @hnoof_x]

يـ البنادم مَن يردّ الموت لامنّه وصلنا
والله ان الثانيه من لذّة العمر محسوبه

المنايا .. كلّ يومٍ تاخذ الأصحاب منّا
جعْل خاتمتي على سجّاده ودمعه وتوبه"

[(شمالي) @mmst233]

يامساء الوردّ والريحان وانسام الزهـور
والمحبـه والغلا من قلب مخلص للجميـع

لويبورالوقت مايمكن على الصاحب نبـور
نشتري قـرب القلوب الطيــبة ما نبيع
#مساء_الخير🌹

[ּبــڼۨــټ ̨ا̍ڸــﮪــۑْۧــﻻ̍ۙ♥️ @A23005092]

اشتاق لك شوقاً تعد حدوده
يامن جذب قلبي وروحي ملكها

محبتك ماهي بقلبي تروده
لا في صميم القلب ربي شبكها

[⚡⚡عايدالشمري⚡⚡ @HnHb76689017]

الله يسعد مساكم يامتابعيني كلكم❤️😍🌺🌺🌺🌺✋

[سمان الهرج @fahad33931]

الصدر ضاق وضيقة الصدر روتين
وش حيلتي فيها بعد راودتني

ان شانت الاخلاق يا منوَة العين
ما لا يطيقون الملا فوق متني

الجوف كنّـه معركة حرب حطين
دربك ندلـه والعوايد حدتني

سالم الحويمضي