أبواب المفارق / ناصر مناحي
—————————————
تصدّ القلوب من الغلا والنفوس تملّ
ياهون الجفا لا شافت العين ما تكره
على رمح صوتك ماتو المشكله والحلّ
سراب الدروب أصدق من الحروف والنظره
أحبك طواري بس ما عاد أحبك خِلّ
ولا زلت أحبّ العذر بشفاك وانتظره
على رمشك تسيل المحابر وينبت ظلّ
انا تحته المحتار واللي غريب آمره
تزلّ ايدي برقمك مثل ما اللسان يزلّ
مع اللي تحدّه كلمتين على صدره
تورّيني أبواب المفارق وانا ما ادلّ
مثل من يورُونه قبل موتته قبره
تغلّى بكيفك لو تصير المحبّه غلّ
لكن لا تساوم من يحبّك على قدره
تراي الفقير اللي غناته بكلمة ذل
تساما وهو لو جاد فيها دفن فقره
يطول الوقت بـ غيابك بدون قياس
يا ليت الوقت يقصر مثل تقصيرك
تركت القلب عايش بين هم و ياس
ولا تقدر !.. تبرّر لي ( معاذيرك ) ؟
لاتجبرني آشوفك مثل : كل الناس
و أنا ماودي آشوفك .. مثل غيرك
عاشقك يدراك كنّه يداري سيرته
كاظمٍ حبك عن الناس يوم يزاورك
بدوّيٍ يامنون العرب في جيرته
ما نساك الين تحت الاراض يجاورك
انتي ثمّرة القصيد الجزيل وخِيرته
والله انه كل بيتٍ جزيل مساورك
ما يساوم في غلاتك ولا في غيرته
اطلبي روحه ويعطيك قبل يشاورك
توّك ..صغيرة سن بحدود عشرين
وعلى ..صغر سنك عيونك مضاليل
يأجمل جميله جات من جيل الالفين
تسوى بنات الجيل الاول وهالجيل
معقول من باقي العذارى .تغارين
اكيد ..هذي ..يالغلا .كذبة ..ابريل
كل عام و المسلمين بوجهك معيدين
يالنايل اللي تبتختر ماحد نـالها
فيها الغنج والحلا والزين متجمعين
معلقة قلبي الهـاوي بسلسالهـا
لامن مشت صارو المتلقيه معجبين
ولا مالت يميل قلبي مع تميّالها
من التغطرس تشوف العالم بنص عين
تقول تمشي على وجـه الثـرا لحالها
مرحبا ..يا طارقة بـاب .. المعايد والتهاني
والله انك يا عيووني بهـجة العيد .. المبارك
اقلطي لو معظم الحضّار من حسنك يعاني
كود عـذالك تصيـر اعيادها مـثل .. المعارك
خلابة العيد يا دهشة عيون الحضور
تشابه الحسن وانت حسنك اللي فرق
يصيب رمشك قلوب مشاهدينك سرور
ويمطر على جباه حسادك سحايب عرق
يا فتنة العيد شمسي والضحى والبكور
غابو عن الصبح لاكن وجهك اللي شرق
عيدك مبارك وانا عيدي غرام و شعور
مايوصفه شعري اللي لباب قلبك طرق
عاد عيدك يالغنوج أم الحلايا
يامهاة الصيد عوق المترفاتي
أمشي بزينك على كبود الصبايا
غيضي نفوس البنات الحاقداتي
في نهار العيد راحوا لك ضحايا
مابقى للغيد شي من الصفاتي
من جمالك تخجل وجيه المرايا
كيف عاد الناس يا الله الثباتي .
فديتك .وفديت شرك ..وخيرك
ياللي حضورك غير وغيابك غياب
ماهوب أنا اللي في غلاك أستشيرك
لبيه .ياسيد .المحبه ..والأحباب
ريّح ..ملايكتك ..وريّح ..ضميرك
لا ينشغل بالك ورا بحث الاسباب
إن كانها .فـ الحب مافيه .غيرك
كم واحدٍ .حاول وقضّبته الباب
أقبل يحرك خطوة الرجل برفوق
والقاع لمصافح خطاه يتشوق
مخلوق لكنه مهوب اي مخلوق
على بنات آدم وحوا تفوق
عليه لبس يجمع الوسع والضوق
موسّعٍ بعضه وبعضه مضوق
مدام لامعوق ولاصايبه عوق
وراه يمشي مثل مشي المعوق
اللى على حاله خطر من هل السوق
مفروض يمنع مايروح يتسوق .