Priyapuspa @Yourpushpa - Twitter Profile

almost 3 years ago

ରାଜନୀତିରେ ପ୍ରତିହିଂସା ପରାୟଣତାର ସ୍ଥାନ ନାହିଁ । ସୁସ୍ଥ ଶାସନତନ୍ତ୍ରରେ ବିରୋଧୀଙ୍କୁ ସମୁଚିତ ସମ୍ମାନ ପ୍ରଦାନ କରିବାର ଆବଶ୍ୟକତା ରହିଛି । ବ୍ୟବସ୍ଥାକୁ ନ ସୁହାଇଲା ଭଳି ପ୍ରସଙ୍ଗ ଅବତାରଣା କଲେ ଏ ରାଜ୍ୟରେ କଣ୍ଠରୋଧ ହେଉଛି । ବିରୋଧୀ ବିଧାୟକଙ୍କ ଠାରୁ ଆରମ୍ଭ କରି ମୟୂରଭଞ୍ଜ ଖୁଣ୍ଟା ବ୍ଲକର ବ୍ୟାଙ୍କ ମିତ୍ର ଭାରତୀ ସିଂହଙ୍କ ପର୍ଯ୍ୟ��୍ତ ସମସ୍ତେ ରାଜନୀତିକ ପ୍ରତିହିଂସା ପରାୟଣତାର ଶିକାର ହେଉଛନ୍ତି । ଜନସ୍ବାର୍ଥ ସମ୍ବଳିତ ଯେଉଁ ପ୍ରସଙ୍ଗରେ ସରକାର ଅଡ଼ୁଆରେ ପଡ଼ିବେ, ତାହାକୁ ବିଧାନସଭା ପରିସରରେ ଆଲୋଚନା କରୁ ନାହାନ୍ତି । ଏକାଧିକ ବିଧାୟକଙ୍କ ଏକାଧିକ ପ୍ରଶ୍ନକୁ କାଟି ଦେବା, ବିରୋଧୀ ଦଳ ନେତା ବକ୍ତବ୍ୟ ରଖିଲା ବେଳେ ମାଇକ ବନ୍ଦ କରିଦେବା, ବାଚସ୍ପତି ପକ୍ଷପାତିତା କରିବା, ବିରୋଧୀଙ୍କ ମୁଲତବି ପ୍ରସ୍ତାବ ଆଲୋଚନା ସମୟରେ ଶାସକ ଦଳ ବିଧାୟକ ହଟ୍ଟଗୋଳ କରିବା ଏ ସବୁ ଗଣତନ୍ତ୍ରର ପରିପନ୍ଥୀ । ଆଜ�� ଲୋୟର ପି.ଏମ.ଜି ଧାରଣାସ୍ଥଳରେ ସମାଜର ସବୁ ବର୍ଗ ଆନ୍ଦୋଳନରେ ବସିଛନ୍ତି । ଡାକ୍ତରୀ ଛାତ୍ରଙ୍କ ଠାରୁ ଆରମ୍ଭ କରି ଶିକ୍ଷକ, ଆଶାକର୍ମୀ, ସ୍ଵାସ୍ଥ୍ୟ କର୍ମୀ, ଗାଆଁ ସାଥୀ, ସରପଞ୍ଚ, ସମିତି, ଅଧ୍ୟାପକ ତଥା ୬୦୦ କିମି ଦୂରରୁ ଆସିଥିବା ରାୟଗଡାର ଡି. କୋରୋଳର ଆଲୁମିନା ପ୍ରକଳ୍ପର ବିସ୍ଥାପିତଙ୍କ ପର୍ଯ୍ୟନ୍ତ ସଭିଙ୍କ ଭିତରେ ପୁଞ୍ଜିଭୂତ ଅସନ୍ତୋଷ ଚରମ ସୀମାରେ । ଛାତ୍ରଛାତ୍ରୀଙ୍କୁ ଘୋଷାରି ଘୋଷାରି ପୋଲିସ ଗାଡିରେ ବସାଇବା ତଥା ଆନ୍ଦୋଳନ ସ୍ଥଳରେ ଲାଇନ୍ କାଟିଦେବା ପରି ମାନବାଧିକାର ବିରୋଧୀ କର୍ମରେ ଲିପ୍ତ ରହୁଛନ୍ତି ରାଜ୍ୟ ସରକାର । ଗୃହରେ ମୁଖ୍ୟମନ୍ତ୍ରୀ ବିବୃତି ରଖିଛନ୍ତି ଯେ ତାଙ୍କ ଦ୍ଵାରା ପ୍ରେରିତ ଅଫିସ (!) ୫୭ ହଜାର ସମସ୍ୟାକୁ ଅନୁଧ୍ୟାନ କରିଛନ୍ତି ଓ ସେଥିରୁ ୪୪ ହଜାର ସମସ୍ୟାର ସମାଧାନ ବି କରିଦେଇଛନ୍ତି । ତେବେ ନିଜ ପରିବାରବର୍ଗଙ୍କୁ ଛାଡି, ମୁକ୍ତ ଆକାଶ ତଳେ, ଖରା ବର୍ଷାରେ ଅସହାୟ ଭାବେ ଲୋୟର ପି.ଏମ.ଜି.ରେ ଲକ୍ଷ ଲକ୍ଷ ଲୋକ କଣ ପାଇଁ ? ଅନେକ ସମୟରେ ହତାଶା ହିଁ ବିପ୍ଳବର ଜନନୀ ହୋଇଥାଏ । ବ୍ୟାଙ୍କ ମିତ୍ର ଭାରତୀ ସିଂଙ୍କ କ୍ଷେତ୍ରରେ ଏହି ପ୍ରସଙ୍ଗ ପ୍ରଯୁଜ୍ୟ ଅଟେ । ସଂଖ୍ୟା ବଳରେ ମଦମସ୍ତ ବାହୁବଳୀ କ୍ଷମତା ବିରୋଧରେ ସତ କହିବା ଦ୍ଵାରା ପ୍ରତିଶୋଧ ପରାୟଣତାର ଶିକାର ହୋଇ ନିଜର ୬ହଜାର ଟଙ୍କିଆ ଚାକିରି ଟିକକକୁ ହରାଇଛନ୍ତି । ସେହି ସାମାନ୍ୟ ମାଆଟିର ଆଖିରେ ଅଜାଣତରେ ଆସିଥିବା ଲୁହ ଟୋପେ ହିଁ ଏ କୌରବ କୁଳ ନାଶ ହେବାର ଅୟମାରମ୍ଭ । ଆଗକୁ ହଜାର ହଜାର ଭାରତୀ ସିଂ ମାନେ ନିର୍ଭୀକ ଭାବରେ ମୁକ୍ତ ସ୍ଵରରେ ଦଶପ୍ରହରଣଧାରିଣୀ ରୂପେ ଉଭା ହୋଇ ନିଜର ଅବସ୍ଥାର ପରିବର୍ତ୍ତନ ପାଇଁ ବ୍ୟବସ୍ଥାର ପରିବର୍ତ୍ତନ କରିବେ ଏଥିରେ ସାମାନ୍ୟ ସଂଶୟ ନାହିଁ ।

41

496

151

0

12K