𝓐𝓫𝓸-𝓵𝓪𝓯𝓲

[𝓐𝓫𝓸-𝓵𝓪𝓯𝓲 @_1gh]

اللهم ارحم جدي واغفر له و أذقه حلاوة الجنة وريح الجنة وطيب الجنة ومسك الجنة اللهم برد قبره واجعله روضة من رياض الجنة وتقبله برحمتك يا ارحم الراحمين

[𝓐𝓫𝓸-𝓵𝓪𝓯𝓲 @_1gh]

احمل طموحاتي على كف الأحلام
واقابل الـدنيا بصـبرً وشراسه

ومازلت اعاني من شقى جور الايام
ولا زالت الأحلام قيد الدراسه

[𝓐𝓫𝓸-𝓵𝓪𝓯𝓲 @_1gh]

عشان أحلامك ابذل أضعاف الجهود
وباب الأمل بين المحانّي شرّعه

لا تنظر لماضيّك لانه لا يعود
فكّر بحاضرك .. الجديد وسنّعه

[𝓐𝓫𝓸-𝓵𝓪𝓯𝓲 @_1gh]

يالله عسى هالليل يصبّح على خير
و كل الأمور اللي على البال.. تفرج

وتشرق لنا شمس الفجر بالتباشير
ونلقى لنا من ضيقة الصدر مخرج

[𝓐𝓫𝓸-𝓵𝓪𝓯𝓲 @_1gh]

طاريك بين الناس بالخير مذكور
وما مات من ذكره مع الناس طايب

يا اللّٰه عسى قبرك من الورد منثور
ومن السماء تاتيك وبل السحايب

ويا اللّه عسى بيتك بجنات معمور
يا حاضرٍ بين العرب وانت غايب .

[𝓐𝓫𝓸-𝓵𝓪𝓯𝓲 @_1gh]

يعايدوني بكلمات تسر الخاطر
وأنا أعايدك بدعواتٍ من قلب وإحساس

عيدك بجنة الفردوس يا غايب وحاضر
يا أغلى من رحل وترك غلاه بين الناس

عسى قبرك ضياء ونورٍ ساطعٍ باهر
وعسى روحك في جنانٍ ما لها مَقياس

وكل عام وقبرك في نعيمٍ وطهرٍ عامر
جوار منهو طاب ذكره منَ بين الأجناس

[𝓐𝓫𝓸-𝓵𝓪𝓯𝓲 @_1gh]

ليت رمضان اللّي بها العام ينعاد
ناسٍ غلاها وسط قلبي مقرّه

العام معنا ويتحرّون الأعياد
وهذي السنة غابوا عن العين مرّه

الله كم غالي فقدناه ما عاد
يقطعك دنيا ما وراها مسرّه

فـ يالله يارب له الخلق سجّاد
من راح فالفردوس الأعلى مقرّه

[𝓐𝓫𝓸-𝓵𝓪𝓯𝓲 @_1gh]

تضيع صدقان الرخا لكن القاك
في شدتي مثل الذهب في رصيدي

[رغد ✨ @Raghad_7a7s]

فعلاً !! 💔

[𝓐𝓫𝓸-𝓵𝓪𝓯𝓲 @_1gh]

لا تحسّف لعن ابو جد الحسايف
الزمان بخير والدنيا مديّه

دامك معافى وجو اليوم كايف
لا تضيع بغبة النفس الشقيّه

لو منته بـ كفو ماجتك الكلايف
القوي دايم صواديفه قويه .

[𝓐𝓫𝓸-𝓵𝓪𝓯𝓲 @_1gh]

ياشينها لا صرت طيّب على طول
وتظهر رضا نفسك وتخفي زعلها
ٰ
وقلوب بعض الناس تحتاج ديتول
يقتل جراثيم الحسَد ويغسلها

[𝓐𝓫𝓸-𝓵𝓪𝓯𝓲 @_1gh]

اضحك ترا عوج الليالي مدابير
وما للخلايق في قضى الرب حيله

اضحك لو هموم قلبك طوابير
وما يقسمه ربك تروح وتجي له

لو ضاقت الدنيا تراها مقادير
وخلك جبل ما هزته كل ميله

[𝓐𝓫𝓸-𝓵𝓪𝓯𝓲 @_1gh]

أفا ياصدري ضقت من جاير الوقت
خابرك ياصدري تشيل الثقايل

وش فيك علمني لك ايام ما رقت
ضايق وفيك الهم صايل وجايل

خابرك ماعمرك للأحزان رافقت
واليوم كنك شايل جبال حايل

[𝓐𝓫𝓸-𝓵𝓪𝓯𝓲 @_1gh]

ياصاحبي واللي خلق نعمة السمع
إنك هـنا .. بينّ المعاليق ثابت

ماجيت لي صدفه ولا جيت لي رمع
وإن غبت عني فرحتي معك غابت

[𝓐𝓫𝓸-𝓵𝓪𝓯𝓲 @_1gh]

مادام لك رب عن الخلق يكفيك
لاتشتكي للخلق قاصي وداني

اسجد وقل يارب ماخاب راجيك
وابشر بتحقيق الرجاء والاماني

[𝓐𝓫𝓸-𝓵𝓪𝓯𝓲 @_1gh]

ياصاحبي في وقفتك كيف اجازيك
وانا ادري انك ماتدور عوضها

مايجعل الأحرار مثل المماليك
الا معاريف الرجال ببعضها

[𝓐𝓫𝓸-𝓵𝓪𝓯𝓲 @_1gh]

يدك لامدت وفاء لا تحرّى وش تجيب
كان جاتك سالمة.. حب يدك وخشّها

وكل ما صادفت لك فالزمن وجهٍ غريب
مثل ماقال المثل : دام تمشي مشّها

وذمةٍ ماهيب تندان للحق المصيب
جعل قشّاش الحطب لاسـرح يقتشّها

[𝓐𝓫𝓸-𝓵𝓪𝓯𝓲 @_1gh]

امك.. ماغير امك وطن يابن الاجواد
فرصة حياتك ضمها واغتنمها

في حضنها رحمه وقصه وميلاد
مايكفي الجنه مواطي قدمها

[𝓐𝓫𝓸-𝓵𝓪𝓯𝓲 @_1gh]

﷽
﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا﴾

#جمعة_مباركة

[𝓐𝓫𝓸-𝓵𝓪𝓯𝓲 @_1gh]

ياشين لاصار السلام مثل ضرب السيوف
وياشينها لاصار من عقب لبيه كلمه هلا

في أمان الله ولاعاد ابي منك معروف
جعل عقبك اجر وجعل روحتك دفعه بلا