ِ

…

[ِ @_2aar]

الناس مافيها وفا ماهو غريب
بس الغريب ان الكلاب ابها وفا .

[ِ @_2aar]

خايف يطول البعد .. وتسج مني
وياخذ مكانك شخص ماهوب يسواك

وش عاد أسوي يومك أقفيت عني
لا أنا أتبع المقفي ولا أحب فرقاك

[ِ @_2aar]

انا بـ اعطيك احتمالين ماهو بـ احتمال
فيها حرية مغادر .. وحرية قدوم

ان رضيت رضاك مكسب وقربك راس مال
اعترافي لك بـ قدرك يدوم او ما يدوم

ان زعلت ارضتك الايام وارضتك الليال
السنه واجد ثلاث ميه وستين يوم !

مابعد قفّى المقفي .. وقلنا له تعال
من بغى الصدّه يبيّن علمها ومْخَدوم

[ِ @_2aar]

كنت ابيك تكون شي.. وصرت شيٍ ثاني
والخطا ماهو خطاك.. انا الخطا بعيونه

خاب ظني .. ليت ظني فيك ماخلاني
ابني احلامي على حاجه ماهي مضمونه

وليت ماجاني من احساس الندم ماجاني
شيٍ يحطم صميم القلب قبل ركونه

الجفا اللي عقب لذة وصلك الإنساني
والسلام البارد اللي عقب طول المونه .

[ِ @_2aar]

إن كان ودك تجي صوبي ومتردد
تعال والله يسود وجه من ردك .

[ِ @_2aar]

اختر لوجهك لون من بين الألوان
إلا الرمادي . . لاتكون الرمادي

الاختلاف يكون ميزه . . اذا كان
مبني على . . التصرف اللا إرادي

يامرضي اهواء البشر وأنت زعلان
توهمهم انك مختلف وأنت غادي

صدقني حتى المختلف بعض الاحيان
لاحاول انه يختلف . . صار عادي

[ِ @_2aar]

والله انك سراب وعارف انك سراب
و والله اني لا اصبه في يدي و اشربه

[ِ @_2aar]

ليه افكر ليه اعاني ليه اجي والقلب خايف
كل جرح يهد صرح وكل كِسره من بدنها

ماتناسيت الشفوف البيض يا حمر الشفايف
لو تفاصيل المحبه تمتحني وامتحنها

جيت في كفي ورود ورحت في قلبي حسايف
ليت لي حيله على شان اتذرى وامتهنها

[ِ @_2aar]

قال وين الصاحب اللي كنت من دونه تحامي
قلت عاده بس ما عاده على خبري من اوّل

لا يميني لا يساري لا خِلافي لا امامي
قال اكيد انه رقى الضلع المنيف قلت حوّل

[ِ @_2aar]

الخوف ما كان السبب في نجاتك
في لحظةٍ كنت اقرب الناس للموت

الطلقه اللي راح تنهي حياتك
تأكّد إنّ ماراح تسمع لها صوت

[ِ @_2aar]

توي صغير السن في عمر الشباب
وفسرت لي كوكب يجيد الثرثره

حنا معى الدنيا مثل صفحة كتاب
عنوانها رحلة دخول المقبره

مخلوق من تربه بترجع للتراب
لحدٍ يزم خشمه تراني بكسره

[ِ @_2aar]

في حكم ربي لاحكم المنصب ولا الرصيد
عنيت رجلي وعنّتني مشاويرها

لو كنت اباقف ليا منه اعترض كل حيد
ماسقت الأحلام سوق البدو ل بعيرها

ولا الاوادم وراها مانيب مستفيد
اليا انكفى شرّها ولاكثر خيرها

ياقوم انا ماتناسبني هموم العبيد
اللي تغرف لصحنها من صحن غيرها

[ِ @_2aar]

انت يا ابو العيون الناعسات الوساع
سلهامها ياخذ العشاق لـ ابعد مدى
⠀
سهوم نظرتك ما يقدِم عليها شجاع
حتى لو أنه .. من اللي ينطحون العدا
⠀
لعيونك معرضٍ عمري لدرب الضياع
واللي بقى منه واللي راح جعله فدا
⠀
أحنّك من الوداع ، ومن جروح الوداع
مثل ما أحن الرفيق الطيّب من الردى

[ِ @_2aar]

دفع البلا .. عزالله إني ضايق
مزاجي الليله مهب فـ الهاي

ولا يزيد الضيق عندي ضيقه
إلا عتب من هاجسه .. دوّاي

خبره فـ أبو حمدان يوم الطربه
سلّوم يا باشا .. و واحد شاي

أجامل العالم .. على مبداهم
لكن ما آساومهم على مبداي

من شاف ضحكي و إنبلاجة وجهي
يقول من وقته مهب .. شكّاي

[ِ @_2aar]

خذاك النصيب بكلّ مافيه من قوّه
وخسر بايع الورد وربح بايع الدخان

[ِ @_2aar]

اثرك مسوي خير فالاشجار يا فصل الخريف
بينت عود الشجرة الي ما يبين . . عودهـا

[ِ @_2aar]

من لا وزن كلمته من قبل ينطقها
تجيه له كلمةٍ ماهي بموزونه

ومن لاحفظ طلقته في بطن بندقها
بنادق الناس ماهي دوم مامونه .

[ِ @_2aar]

حمدتك على خير وحمدتك على مكروه
وسبحانك اللي لا ألتجى عبدك، أنصفته

أجي لك بوجهٍ ساير الناس ما شافوه
على شان وجهٍ ساير الناس عارفته

[ِ @_2aar]

ما فيه اجابه شافيّه من بعد : ليه
يقوله اللي كل ما استاجع : جحد

فيه اسئله تحتاج .. للعذر الوجيه
وفيه اسئله تحتاج للواحد الاحد

ما عاد ابي واجد من اللي كنت ابيه
كفنت " رغباتي واهلها " في اللحد

حتى اللي الايام " بتوقف عليه "
اثبت لي انها ما توقف لاجل احد

[ِ @_2aar]

ضحيت بالواقع على شان الاحلام
وضحيت بالغالي على شان غالي

ماينحسب عمر البنادم بالاعوام
بعض السنين نعيش فيها ليالي

- متعب التركي .

[ِ @_2aar]

هذي المدينة لعنة أسمنت وأبواب
موطن يعري كل ذكرى دفينة

لا زرع لا مشرب ولا ظل ينساب
وفيها الظلام يقد روح السكينة

ماتت ورود الارض والنخل مرتاب
والهم"متبجح"ومطلق يدينه

تبدلت من دون ، حجه ولا أسباب
واستبدلت روح المدينة مدينة

ما كنها"موطن"مواليف وأحباب
وأفواه تصرخ منصف الحق وينه .