A

متذوق للشعر ..

[A @_2ilie]

توثقت في حبّه مثل راعي الطير
لا هدّ طيره فِي الهواء واثقً منه

[A @_2ilie]

تركت الهوى واعرضت عنّه بدون جدال
لو إني على لذّاته يصيبني خَرمه

ما عمري تبعت من الرياجيل لو ، رجال
اخاف الهوى يثر علي واتبع الحرمه .

[A @_2ilie]

عز الله اني كنت اعرف اتعامل
وعلاقتي زينه مع كل الاجنااس

حسبي على اللي قال خل المجامل
من يوم خليته مخليني الناااس .

[A @_2ilie]

"ياعظيمه وانتي الاشياء الجديده والقديمه
و انتي اللي لو تصد الارض ماصديت عنها ⠀

و انتي اشجع الانتصارات وملذات الهزيمه
و انتي اللي وين ما لقّيت قلبي قال .. عنها ⠀

و انتي اعجوبة زمان الشاعر اللي هلّ ديمه
و ارتوت جدب القصايد لين صح الله بدنها "

[A @_2ilie]

الغلا من دوره في ضلوعي ما لقاه
ماترك حبك لـ غيرك ولا شي ٍيروح

بايع لأجلك حياتي و أنا أحب الحياه
الحياه اللي بدونك تجوز بدون روح .

[A @_2ilie]

في نظرتك هيبة شموخ وإراده
وفي وقفتك تكثر بعيني مزاياك

أشوف ليلي في شعرك وسواده
وأشوف شمسي مشرقه في محياك

وأشوف في رمشك جيوش الإباده
وأشوف في عينك مدارات وأفلاك .

[A @_2ilie]

يميّزك الدلع عن كل غيداء عودها مفتول
لقاك المشهد اللي ما تملّ العين تكراره

كحيلة طرف عاجيّة ترايب فاحمة مجدول
مزيّنك الترف ما زيّنك خلخال وسواره

تمرين المكان وتتركين الكل بك مذهول
حوالينك عيونٍ شاخصه وقلوب منهاره

[A @_2ilie]

فتحت لك بيبان صدري على شان
إن جاتك الفرصه تمرين ؟ مرّي !

[A @_2ilie]

الليل ياخذ من سنا !! وجنتينك
و الصبح مع طلة جبينك يمرك

حتى العصر يغفى تحت حاجبينك
أتظلة ارموشك .. ولله درك

وانا معك تايه ؟ وفي حالتينك
مابين تفاحك ومابين خمرك

أذوب في عطرك وفي جمرتينك
والجمرتين الي بعد تحت سرك .

[A @_2ilie]

انت منت بعادي وبعدك علي ماهو بعادي
انت شي بعده اكبر مشكله واكبر جريمه

لا تخليني غريب الدار وانا في بلادي
مستحيل ارضى على نفسي تعيش بدون قيمه

وادري انك ماتبي صدي ولا تبغى بعادي
مثل ماتدري ان شوفك يا بعد روحي غنيمه

[A @_2ilie]

اصنعتني سود الايام وكبار الظروف
وصقلتني وشرحت لي محطات الحياة

الزمن له في رقبتي جميله ومعروف
قسوته خلتني اشوف لدنيا طراه

يكبر الرجال بالطيب وكرام الضيوف
والتواضع كل ما زاد يرفع مستواه

ويتوفق ويتقدم على كل الصفوف
لا اجتهد في مبتغى والدينه والصلاة

[A @_2ilie]

الجادل اللي عنقها حول شبرين
وفي خدها شامه وفالعنق شامه

فنجالها ماهوب باوسع من العين
والجيد كنه طخاف الغمامه

من بد ترفات البنات المزايين
ما فيه مثل الفارقه بالعلامه

طرقا تهزع فالجراهيد وتزين
حتى لو ان القاع ثاير عسامه

قامت علاها الغيد مثل الشياطين
وهي قامت تطوح لهن باللثامه

[A @_2ilie]

تشـيخي على جميع .. المزايين
مافيه مثلك فوق سطح الخريطه

لو يعرفون انك على الارض تمشين
ما كان سمو هذي الارض البسيطه .

[A @_2ilie]

الصريح تحذفه العربان في سجن أنفرادي
تالي الأيام قول الحق ، نوع من الجريمه

يا زمن لا نيتي سودا ، ولا وجهي رمادي
أنا من قوم تشوف الموت ، أحب من الهزيمه

يفرقون أهل المبادي عن قليلين المبادي
مثل ما تفرق عن الأحجار ، الأحجار الكريمه .

[A @_2ilie]

وله عين حرٍ شاف ربداً علاها دعي
حسيبي علاه بنظرته كيف ما يأوي ؟

[A @_2ilie]

عن غيرها تفرق بالاسلوب والمنطوق
مع زين خد وخشم وشفيّتن ذبله

شعرها على الردفين متثنيٍ من فوق
طويلٍ معنقها ومع زينها قببّله

عين اشقرٍ شاف الحباري وقام يتوق
لمحها هريب مقفياتٍ مع العبله

هو اللي غرامه ساقني بالموده سوق
و ترا من يلوم مولع القلب ياهبله !

[A @_2ilie]

هاك الهنوف اللي عليها الزين في مدّه كريم
ينثر شقر مجدولها . . على الهوى . . ويلمّها

ضامر دقيقة خصر ملهوفة حشا والعنق ريم
مثل الغزال اللي مداويره . . بـ صلف وشمّها

والعين عين مقرنسن مخلابه بـ وصفه عديم
لاحام فوق الخرِب عين الخرِب تنظر سمّها

[A @_2ilie]

فيها القصيد الجزل في كل فترة يقال
وأنا ليا شفتها ماني بـَ أشوفه جزل

من كثر ما تستثير الشعْر في كل حال
تْهيِّض المبتدي وتْرجِّع المعتزل

ما من قصيدة وحبكة قاف جات ارتجال
لا مرَّت تقول كنها تنشد مْن الغزل

شنَّت على خاطري قوَّات جيش إحتلال
قوَّاتها ما تزال وحكمها لم يزل ..

[A @_2ilie]

وشلون تقدر تخلي ظبيّك العفري
لليل والبّرد وعلومٍ ماترضيني

وشلون تقدر تفارق عودي المبري؟
اليا تمثنى عليك يسار ويميني

وتقول ما شفت مثل النعس الخدري
وأقول ما شفت حاجه من ربع زيني

لحيتك تكرم من الشكات والغدري
والبوره اللي مهي بمنك ولا فيني .

[A @_2ilie]

اكبري يالعزائم واصغري يالظروف
و اركدي يالهبايب و انبتي يالجبال

كن ما أسمع كلام . . وكن ما أشوف
ميت إحساس عامد وأخفي الإنفعال

بين راسٍ عنيـد و بين قلبٍ عطـوف
وبين حظٍ تعيس و بين ظرفٍ عضـال

ماكسبت العزايم من عزوم الضعوف
لا طموحي حرام . . ولا التهاون حلال