ابو حنش

#سعد_بن_جدلان

[ابو حنش @_2jm8]

اللهم صلي وسلم على نبينا محمد ﷺ.

[ابو حنش @_2jm8]

حيث وين يكون دارك جعل يسقا دارك
ياعنا قلبٍ عليك مسندٍ .. ومحدر

لاتسويبي مثل وايت "سعود مبارك "
شايفً منه العزاير واردٍ ومصدر 🏃🏻‍♂️

- مطحس حمد

[ابو حنش @_2jm8]

في خصرها الناحل مجاعة مساكين
وفي ردفها … شعبٍ من العز بطران .

[ابو حنش @_2jm8]

لو تمر الزاهد ابن الاتقيا ويشوفك
مستعد اراهنك ما يلتفت ويدنّق

كيف عاد اصد عنك وانت ربع وصوفك
دق خصر، ووسع مريوشه ، وطول معنّق .

[ابو حنش @_2jm8]

ياخليل القلب معاد يصلح له خليل
غيرك .. الله يلعن اللي ليّا عاهد يخون

لاتجاملني ترا قلبي أحسّاسه ثقيل
لو تقول اهلاً وسهلاً يحس انه يمون

انت لو تدري بحبك طلبت المستحيل
مستحيل عندك وعندي اهوّن مايكون

[ابو حنش @_2jm8]

القيض يوجع والسمايم مسها شين
اشين من التدقيق في شعر الحداثه

جاك المطر ياللي تقدم بالمصلين
صل الفرايض لاتصلي الإستغاثه

البدو مستاذين من كثح لكليبين
والظاهر انها ذالسنه قدها ثلاثه

[ابو حنش @_2jm8]

لازال عهدي في مكانه وانا ايااي
والله ما يتشمت علينا عدانا

حفظت حبك غصب عن كل وشاي
وغصبٍ عن اللي طامعٍ في حدانا

[ابو حنش @_2jm8]

عسى الله يقل حلاك يالله ما اقل حلاك
كبود العرب من كثرة الهرج ماسومه

وتذبح وتصلخ وانت جالس على مركاك
وحنا وحنا وأنت ويش انت يالبومه 😂

[ابو حنش @_2jm8]

إيتوامن بي ذعاذيع .. النسايم
في صفرّ الصبح و صفرّ العصاري

[ابو حنش @_2jm8]

النشاما عن مقاصد بعضهم يعرفون
والردي لو صبوا العلم فـ اذنه ما عرف

[ابو حنش @_2jm8]

مني عليه اوفر سلامٍ مال عدّاده حصير
لا غرد اللي مستهبه من شذا الغربي هواه

[ابو حنش @_2jm8]

خالد مبارك يصف شعور جمهور الساحة الشعرية ويقول :

حببتنا فالشعر يامطحس حمد
الله يحبك ياحبيب المفردات :)

[ابو حنش @_2jm8]

مايس القد ياللي مالك اشباه
الصدف معك اخير من المواعيد

جابك اللي فرق زولك وسواه
تاخذ عقولنا وتضيًع الغيد

عودك الغض لاقمت اتحلاه
ودي الطم وتباً للمناقيد

قدس الله سرك ياآية الله
وقدس الله سر الصدر والجيد"

[ابو حنش @_2jm8]

حي من قامت تهجرع خواطرنا عليه
غاليٍ حتى الهوى اللي يهب من سنعه

غابطينه ناس واجد على اللي هو فيه
من قبولٍ طالعٍ به .. سلالم الأرفعه

والله ياما دام به سلم مانذخر مجيه
فرصهٍ فيها جميع السبل متوقعه

ياعلى منفذ حدوده عطينا الهايويه
ولا حصلنا مع الجو رحله ممتعه

[ابو حنش @_2jm8]

ثبت في الحشاء حبه ثبوت العمد في البيت
مثل ما ثبت سلسال جيده .. على خصره

[ابو حنش @_2jm8]

مايلين رؤس الابطال وعّيال الشيوخ
كود غيدا فارعة قِد مضمورة خصر

[ابو حنش @_2jm8]

ضياع العشم يثّر على البال بالتنكيد
مثل ما السهر يثّر سواده على الحاجر

[ابو حنش @_2jm8]

ما يعدّيك المهونه و يلحقك الشفوف
غير ممشاك بشجاعه و عزمٍ من كفاح

[ابو حنش @_2jm8]

عّيا يطيب الخاطر العمْس و يروق
وكبد(ن) على الخصر المعزّل تبجّد

جوارحي لـ رضاك يا ناعس الموق
مكبّله ، بين الآسى و التوجّد

صلى بها متيّمم(ن) وجهك الشوق
ومشاعري صفّين ركّع و سجّد

تبدا معاناتي مع [ مي فاروق ]
وتنهي معاناتي صلاة التهجّد .

[ابو حنش @_2jm8]

للنور في غرّة الوجة السماوي بريق
حتى القمر في تمام البدر ما فاقها

وش ذنب قتلاك يا خصرٍ من الله دقيق
ياخصرها ليه تسفك دم عشاقها ؟

[ابو حنش @_2jm8]

تل قلبي فارع الجيد مزموم النحر
أدعجٍ كنّك تشوف الرضى في غرّته

منتصر فاسفل قوامه وخصره مِندحر
طاهرٍ حتى السحابه تمنى جرّته