F

[F @_305fa]

#اليوم_الوطني_السعودي_٩٦

[F @_305fa]

حبيبي .. وأنت دمعك مايعزيني ولاينطاق
ياحر الدمع يوم ان الكفوف اضحت مناديلك

اعرف اني حبيبك ياحبيبي واخر العشاق
واعرف ان الدروب اللي تودي ماتودي لك

بندر الدويش

[F @_305fa]

علم غرورك عزتي مالها حد
و لي وجه غير الود جرب تشوفه

أيام صدك عدها لأخر العد
و تشوف أنا و لا أنت بيلقى حسوفه

[F @_305fa]

وشلون أملّ المكابر فالأمور الكبار؟
والكبريا جزء من نفسي وتكوينها

عجزت لا أناظر الدنيا بعين انكسار
أدعس على غارب الأيام وأهينها

ما يعتذر بالظروف إلّا عديم القرار
وما يبكي من الحياة إلّا مساكينها

[F @_305fa]

يا ودي اغفى على صدرك ولا عاد افوق
في ليلة نارها جمر ... وقمرها بدر

أنزل لتفاحتك و أرقى لجمرك و أذوق
أشوف ريقك خدر ولا بعد ما خدر
ٰ
في ساعةٍ ترتوي منها عطاشا العروق
كنا من الله طلبناها بليلة قدر
ٰ
ماقبلها غير رغبة واندماجة وشوق
ولا بعدها غير سامحني على ما بدر

[F @_305fa]

علموني وأنا عن حالتك مادريت
العذر يا شقى روحي ومشهاتها !
ٰ
الوجع فيك وأنا اللي مرضت وشكيت
نكبـة الفـال ، مـا ينفـع تنهـاتهـا
ٰ
اتظاهر مع العالم وأنا ما سليت
القطاعة ، على وجهي علاماتها

[F @_305fa]

هنا كانت أول ذكريات الغلا والطيش
مكانٍ بدون إدراك تمشي له اقدامي

تغيبين لكن ضحكتك بالمكان تعيش
واجي لجلها لو كان ما أنتِ بقدامي

ولا ليش عندي مقنعة ليش اجاوب ليش
أنا جيت ابسمع ضحكتك واتبع اوهامي

بندر الدويش

[F @_305fa]

لا تشكّى للعـرب لو الزمان يعضّك
عز نفسك واطلب الله رحمته ووفوقه

لاتقوم تحط نفسك تحت رحمة حظك
اجتهد وان طاح حظك حط رجلك فوقه

[F @_305fa]

يا مدمنين أنا تراني مدمن
لكن مهيب الحاجه الممنوعه

أحلا من الي تدمنونه و أثمن
" سوالفه و مقابله و طبووعه "

[F @_305fa]

أنزّه محبتك الشريفة من التشويه
و أنا العاشق اللي رغبة النفس مرهقته

ما طلت العنب لكن ما والله أعذرب فيه
أشوفه و أعرف انه حلو ما بعد ذقته

[F @_305fa]

كل عام والمملكة العربية السعودية قيادةً وشعباً بخير مناسبة اليوم الوطني ال95 ، نسأل اللّٰه أن يديم على وطن العز والأمجاد أمنه وازدهاره، وأن يحفظ خادم الحرمين الشريفين وسمو ولي عهده الأمين

#اليوم_الوطني_السعودي95

[F @_305fa]

والغرام انواع والقلب مدهل كل نوع
والله اعلم منهو اللي من الحدب وورى

وانت ياللي منزلك ماورا حدب الضلوع
تدري انك من وراها وغيرك مادرى

تمتلكني يا اطرق العود من عادك فروع
قبل تغريك المدينه ويطغيك الثرى

يوم عادك تكره السبت وتحب الربوع
والمواجه كان مسموح والوصل اجهرى

[F @_305fa]

#ولي_العهد_الأمير_محمد_بن_سلمان

اميرنا اللي نماري به عيال الملوك
ودايم عليهم لنا الزود ولنا الطايله

[F @_305fa]

عليك الغلا مرّدود يـ الغايب الموجود
سوالفك " غابت "مير طرياك ما غابت

غيابك حضورً له بـ صدر البيوت شهود
وش الي يغيّب ضحكتك والغلا ثابت

أحنّك مثل ما أحن وجهي مِن المنقود
وأعدك ليا عديت .. الأيام وش جابت

[F @_305fa]

أنا اتخذت الـقرار . . اللي يناسبني
وعن معظم الناس قمت أغير الوجهه

من يبدي الوصل لا يمكن يـعاتبني
ومن يقطع الوصل خليته على وجهه .