غَريب

مديت لك دنيا . . .

[غَريب @_3aabr]

كل ما قالوا لي لكل مجتهدٍ نصيب
قلت انا اسعى للحبايب ولا اعيّن لقا

وكل ما قالوا لي شوي يمكنّك تطيب
قلت أنا ضيعت زهرة شبابي وش بقى؟

وكل ما نادى الرفيق القريّب يا الحبيب
انت تطرد لك سرابٍ مدي.. قلت تهقى؟

والله اني شفق واني من اللهفة غريب
وان الايام استدارت والاوضاع مْحقا

[غَريب @_3aabr]

لا تنتظر للسؤال اللي سألته جواب
بعض الاجابات تاتي بشكل اسأله . .

[غَريب @_3aabr]

كنت احسب ان الهجر فالحب نقطة نظام
اجمع به المسئلة من بعد تشتـيتها

و الظاهر ان احتمالاتي مجرد كلام
عشان اقوي عزومي بعد مانهيـتها

اما اني انسى غلاتك لا علي الحرام
حتى لو اني تكبرّت و تنـاسيتها

محبتك بيتـها قلبٍ خذاه الغـرام
و حتى لو ابطيت يبقى بيتها .. بيتها

[غَريب @_3aabr]

يا شوق أنا عنك اظروفي حدتني
مالي على المسيار يمك وسيله
رجوى وصالك يالغضي بيّدتني
طالت وقلبي فيه مثل المليله

[غَريب @_3aabr]

فمـان الله ياقصة غرامٍ ، اصبحت تذكار
صنعها الحب في لحظة ولا كمل تفاصيله

[غَريب @_3aabr]

سلمو لي على اللي غبت عنه وغاب عني وطال الغياب
راعي الغيبه المتعمده يدري وانا ادري عن اسبابها

ما حصل بيني وبينه خلافن يجلب الشك والارتياب
اربع اسنين عشرتنا نزين وضعها ، و انتهنى بها

[غَريب @_3aabr]

الين اللحين عاد القلب ماعافك . .

[غَريب @_3aabr]

يقولون القمر لا غاب يضويله على ديـره
وانا اقول الحبيب ان غاب يضويله على خلاّن

[غَريب @_3aabr]

بين فرحة لقاك وهم فرقاك
لاتذكرت جرح ولا نسيتك

عين تشربك شوف وعين تظماك
لاذبحني ظماك ولا رويتك

ان طلبت الغلا قلت الغلا جاك
وان سكنت الخفوق البيت بيتك

[غَريب @_3aabr]

كل يوم يطير من سدرة العشّاق طير
لين خلولك لحالك .. جميع الامكنه

يامسلّم دمعتي لـ الليالي والمصير
مابقالي منك غير الطيوف المزمنه

[غَريب @_3aabr]

املو بي يوم قالو .. كل غايب ياتي
و اثر ما قفت به الايام .. ما تاتي به

و انحنى ظهر الطموح و شيبت هقواتي
فـ الطريق اللي من الهجران يقنب ذيبه

[غَريب @_3aabr]

اجمل الايام وياك .. ذكراها عبير
هي سنه مامثلها مرت بعمري سنه

[غَريب @_3aabr]

أجوب الشوارع .. والشوارع تجوب الدار
وسكون البيوت يحرّك اللي سكن فيني

من يديني .. أخذها الزمان بيديه و دار
وضاعت معاه أجمل سنيني من يديني ..

[غَريب @_3aabr]

مدّيت لك كفّي .. وردّيت كفّي
أحرجتني يوم المشاعر غفيرة

[غَريب @_3aabr]

هو جرحني جرح يبطي فالتئامه
هو عطاني درس قلبي مانساه

في مقابل وجهي تشوف ابتسامه
والحزن يملا فؤادي واكتساه

[غَريب @_3aabr]

أنت القديم الجديد ، الراحل الباقي
اللي لو أموت .. ماسجّيت من حبّه

[غَريب @_3aabr]

خلوني اسج عن موضوعه احسن لي
ولا الغلا ، والله ان يبطي وهو غـالي

[غَريب @_3aabr]

حسبي الله على الذكرى ونعم الوكيل
لا طرالي غلاك اضيق من فجعته ..

[فيصل العطاوي @f_al36awi]

ارضى وانا مُكره
واعطي وانا محروم

ماني على فكره
من زلتي معصوم

الشوق له سكره
ما تبلغ الحلقوم

من حب ما يكره
لو الغياب يدوم

وانتِ يامحتكره
كل العتب واللوم

لاتنقطع مَكره
ولاينتثر ملموم

طيرك هنا وكره
بين الضلوع يحوم

باقي على ذكره
كل يوم اقول اليوم

و عيا يجي بكره
و عيا يجيني نوم

[فيصل العطاوي @f_al36awi]

صوتك
مخارج حروفك
ضحكك
إسلوبك :
ما أشوفها تسليه .. أشوفها سلوه

سوالفك كنها في سمع محبوبك
ابيات حلوه و صارت أغنيه حلوه 🎵