.

[. @_3n6p]

جعل العوض في مقبلات الليالي
ويالله عسى اللي يشرح البال نلقاه .

[. @_3n6p]

ماخاف شر المعاصي غير حي الضمير
الادمي مايسره غير طيب اعمله

ياقوم عز الحياة اللي مداها قصير
تغر قلب الغشيم اللي غشاه اجهله

كم طيرت من ملوك وحولت من وزير
لو عز قارون ماله فالاخير اخذله

مع انفتاح الحياه وشرها المستطير
ماغير نجمع ذنوب وبالصلاة اعجله .

[. @_3n6p]

الصبر زين وتالي الصبر الافراج
وخلك على درب التصبر مبادر

واليا تصافق حلم قلبك بالامواج
الله على تحقيق الاحلام قادر .

[. @_3n6p]

صرت اقلل كلامي عن كثير الكلام
ما ابغي الناس تاخذني بشكاتها

كل ما اسمع هروجٍ نصاها مايسام
قلت مالي ورا العالم ونياتها

لين بعدت عنهم لأجل كثر الملام
ومعتزل جمعة اصحابي وجلساتها

وانا والله حزام لمن بغاني حزام
والنشاما ما اجي من دون هقواتها .

[. @_3n6p]

عساه يشوفني عابر سبيل بشاشة الجوال
يكفيني لو انه قاطعً عني .. مراسيله

[. @_3n6p]

حنا كذا صافين دايم ووافين
ما عندنا فالناس نية خباثه

الطيب والمعروف والصدق والدين
والجود والاخلاق فينا وراثه

اصحابنا سبعين مدري ثمانين 
والصادقين ثنين مدري ثلاثه .

[. @_3n6p]

مجاهد النفس أقسى من جهاد الحياة
ما بين عقلٍ ثقيل، وما بين قلبٍ خضر

[. @_3n6p]

يارب عطنا على الاقدار جرعة صبر
مادام صكّات بقعا حاصله حاصله

[. @_3n6p]

الموت ماهو يوم يتركني إنسان
.. انا ملكت محبته ماملكته ..
.
الموت لامن قلت من كثر الاحزان :
.. يا ليتني من قبل يرحل تركته ..

[. @_3n6p]

الانثى الي تفهم بالقصايد ومهتمه
فيها هي عمله نادره وهي نفسها

اللي قال عنها :
- مشاري بن محمد

«جادل ماتطرب الا على بيت قصيد
لاكتبَته في هواها وفي مجدولها

من فراستها لاغنيت لي بيت جديد
تعرف الكلمه من البيت قبل اقوله »

[. @_3n6p]

ماني مجازيك في صدك وهجرانك
ودعتك الله وتلقى واحدٍ ثاني

أتعبت الأعيان والأقدام من شانك
وانته ولاشئ سويته على شاني ):

[. @_3n6p]

يا صاحبي صبرك ترا الدنيا كفاح
محدٍ علي وجه البسيطه مستريح

اللي يبي القمه ومكسور الجناح
واللي علي القمه وخايف لا يطيح .

[. @_3n6p]

همومي بحر وأشوف قربك فريق إنقاذ
أربك مع الأيام .. بتحاول إنقاذي ؟

- صالح النشيرا -

[. @_3n6p]

كانك تبي الرزق خلك صافي النيه
لا تجعل الخبث .. في نيتك متخبي

الشخص إذا نيته .. عوجا و ملويه
لو وش يسوي مهوب موفقـه ربي .

[. @_3n6p]

( هناك لحظة صمت تحتاجها )
يقول ثامر شبيب

تسألني اغليك ؟ وانت الصاحب الغالي !
ياليت تعرف لي مره مثل ماعرف لك ..

اي والله اغليك لكن خلني لحالي !
اليوم حتى انت ما ودي اسولف لك .

[. @_3n6p]

يالله يامعطي العطايا مراديف
ياللي ما تلحق مد جودك بمنّه

ترزقني الخيره وزين التصاريف
ورضاك يوم رضاك مفتاح جنة

[. @_3n6p]

مسامحين اللي تناسوا عطانا
بقلوبنا نخوه .. وفينا .. مروّه

وإذا خطينا نعتذر عن . خطانا
ماهو بضعف إلا شجاعه وقوّه .

[. @_3n6p]

اليوم ما عاد به صكات و مواجه
في ساير الناس لا اشكك ولا ارّيب

لاشفت من غيرت الايام منهاجه
جزعت منه جزوع امجري الهيّب

مالي ورى الناس لا مطلب ولا حاجه
ما دام رايي وجيه ومنهجي طيّب

[. @_3n6p]

الموت لو نقدر نرده عن الغالي
ما فيه غالي من الغالين في قبره .

[. @_3n6p]

اللي تعود على الصاحين
يتعب مع العالم المرضى

مدام قولك وفعلك زين
اللي زعل منك لا يرضى .

[. @_3n6p]

هذا نصيبي مع الايام من صغري
احيان اقوى الحزن واحيان ما اقوى

لو تدري الناس ويش اشيل في صدري
ماعاتبتني على شغلات ماتسوى .