نادرالمطيّري.

نفسي رفيّعه عن حاجه ما تجملنّي.

[نادرالمطيّري. @_3o5e]

اللهم إني أسألك في هذه العشر أن ترحم قبوراً ضمت في جوفها من نحب واجعلها برداً وسلاماً اللهم ارحم جميع موتانا وموتى المسلمين
واغفر لهم وارحمهم وأعف عنهم وأكرم نزلم ووسع مدخلهم واجمعنا بهم في الفردوس الأعلى من الجنة .

[نادرالمطيّري. @_3o5e]

اطالع الدنيا بعين الراحلين
دنيآ دنيّه والاوادم راحله

قاضب طريق الغانمين الصالحين
واللي انا ما ارتاحله ما ارتاحله .
.

[نادرالمطيّري. @_3o5e]

دمّنا فـ عروقنا ما هوب ( دمٍ فاسد )
والردى ماله مع عيال النشاما نسخه

والله إني ما كرهت الا الرفيق الحاسد
والعلوم الناقصه ، والعينات الوصخه .

[نادرالمطيّري. @_3o5e]

أسعى ورا حلم عقدت الأمل فيه
لو مابقى من عمرك إلا شرايد

وأن شغلوك اللي لهم عدة وجيه
اضحك لهم ضحكه وسيع البنايد

ولا تقنع العالم بشي مسويه
قد قيل من قبلك رضى الناس كايد

الناقصين يكبرون المشارية
والواثقين يكبرون الوسايد .

[نادرالمطيّري. @_3o5e]

@BINFAHDKSA @shbl_aldwasr الله يوفقه وعقبالك يبوفهد ❤️❤️.

[نادرالمطيّري. @_3o5e]

اليا عسرك الحظ والوضع محتاس
هاذي مقادير الله اللي فرضها

ولاضاقت الدنيا مثل ضيق الانفاس
اقدار ربي … ماحدً يعترضها

مصايب الايام تبغي قوي باس
ماهمته سود الليال ومرضها

ماعاد تنفع قولة الناس للناس
الناس تال الوقت تاكل بعضها

[نادرالمطيّري. @_3o5e]

لا شفت خلق الله جماعات واحزاب
خلك عـلى عـرش الكرامه مـطـرّف

لا تـقـرب العقرب ولا تقرب الداب
مـن شـر ما فيها يخـون التصـرّف

ما تـرفـع الهـافي دعايات وألقاب
ولا يـخفض الـوافي كـلامٍ مـحرّف

الـحـر يـبقـى حـر فـي كل مرقاب
وكره على الرجم الطويل المشرّف

[نادرالمطيّري. @_3o5e]

يرضيـني اني عشـت وافي ولا بـرت
واعلنت بالهـرج الصحيح انطبـاعي

زاد النـفاق الاجتماعي . . وانا صرت
ماعاد احب اصير شخص اجتماعي

[نادرالمطيّري. @_3o5e]

بعض العلاقات منها الكبد مندبله
والحمدلله قبل نضيع دلينا

من صده خله يولي لا تقرّب له
لو نتبع مولي العربان ولينا

نفوسنا للوفاء والطيب منحبله
وفـ وجيه الاجواد رحبنا وهلينا

والشرهه الضايعه والكلمه الخبله
نحطها كلبوها تحت رجلينا .

[نادرالمطيّري. @_3o5e]

"لو تحاربك الحياه وماعليها , انت ادرى عن مدى احلامك وذاتك ,كل لحظه تعيش فيها , عيش فيها
لاتخلي غيرك , يغير حياتك ".

[نادرالمطيّري. @_3o5e]

«كل ماشفت العباد اللي يعيشون بضعافه
قمت آعرّض راسي المرفوع للريح ومهبه»
— عبدالله السراهيد

[نادرالمطيّري. @_3o5e]

« عايش بمرحله مدري وش تسمّى
لكن الظاهر اسم المرحله " عادي "

زاهد ٍلي بامـورٍ . . حبّها جمّا
وصاير يقفّي اغلى الناس ماانادي

حتى لو الوضع ماهوب اخو شمّا
العرب تخترش جنبي وانا هادي ! »

[نادرالمطيّري. @_3o5e]

عايش على رجوى الليال المقابيل
ما عشت في رجوى ارتفاع المُعدّل

تغربل الدنيا . . عيال الرياجيل
وتعيّن الراحة . . عيال المبدّل .
_ مشاري العبدلي .

[نادرالمطيّري. @_3o5e]

صباح الخير امّا بعد:

الحياه دورسهـا .. كل ليل و كل يوم
والترفع عن بعض الاشياء امر مستحب

ومن كثر ما مرني من السوالف والعلوم
والله مدري من اعادي ولا ادري من احب .

[نادرالمطيّري. @_3o5e]

ليا من صدفنّي من صدوف الزمن صادوف
شربته .. مثل ما تشرب بيالة الشاهي

تسير الحياه بظرف والا بدون ظروف
تدابيرهاا .. في دبرة الامر الناهي

على الهون ياقلبٍ بدا خاطره مخطوف
تدور الليالي والنشاما على ماهي

ورا الصاحب المجهول والصاحب المعروف
تبينّ الهقاوي فالمعيثير والراهي"

[نادرالمطيّري. @_3o5e]

حرارة فقدك أقسى ماتجيبه بارد الانسام
وانا للحين من حر المفارق ترجف عظامي

[نادرالمطيّري. @_3o5e]

أبيض وجه وأبيض قفا مثل ثوبك
أكرم نبا وأكرم عطا مثل مخباك

أبلشت عدوانك معك وابلشو بك
ويوم استضاقو من وقوفك وممشاك

عابوك في شيٍ ماهو من عيوبك
ياللي قليل عيوبك أحلى مزاياك

والله ماغير يخاشرونك ذنوبك
ولا ماهم مثلك ولاهم بشرواك .

[نادرالمطيّري. @_3o5e]

صباح الخير أمّا بعد : "نيران الأمجاااااااد تبغي من يصاليها" قم يالذيب

[نادرالمطيّري. @_3o5e]

بموت ماسجيت من يوم موتك
انشهد انك ذخر وانك فقيدة :(

[نادرالمطيّري. @_3o5e]

ما تبعنا دروب الناس تبعة حيارى
يوم سمعوا وأطاعوا ماسمعنا وأطعنا

نتقدّم بـ أسامينا … جهارى، نهارى
لو على دربنا الموت الحمر ماهزعنا

مجدنا المعتلي يجلا عماس السهارى
واسمنا يعطي التاريخ قيمة و معنى

كان مزعلكم .. إن تاريخنا ما يجارى؟
مشكلتكم مع التاريخ .. ماهي بمعنا .