mona

[mona @_3trix]

﴿وَاغْفِرْ لِأَبِي﴾

[mona @_3trix]

زاهدٍ من الناس ولا ابي سوى قلبه
ولا تعنيني المغريات ولا التفت لها

[mona @_3trix]

بطن الرَّدي ما يمتلي بالمعاريف
مهما تسوي فيه من طيب ضايع

[mona @_3trix]

زانت ولا ياجعلها للمحادير / ماعاد تفرق قيظ ولا هبايب

[mona @_3trix]

حلالك كل ما فيني من أقصَى القلب لأقصى البال
تفيّا في هدب عينٍ تشوفك ظلّها والسُّور

[mona @_3trix]

أثرني من قبل أعرفك يا جميل الوصف غادي
أشهد إنه مرحبا بك يا دواء النفس الشقيّه

[mona @_3trix]

مدلعٍ .. يمشي بكيفه ويختال
من صغر سنه والعذارى خلافه

[mona @_3trix]

أنا أكبر من الطيحه وأنا أكرم عن التبرير
وأنا الشايف العارف ولو كنت متغاضي

[mona @_3trix]

الغرام اللي كبر بين الضلوع وصار غاية
لا وصل في مرحلة مسّ الكرامة طاح كله

[mona @_3trix]

واجد على نفس العصر تكرار مثلي مرتين
مالي بديلٍ في الزمان اللي تواليه الفنا

تتوزع أوصافي على أشباهي إذا قيل أربعين
المستحيل إنك تلاقي كلها في غيري أنا

[mona @_3trix]

إن صدت الناس عنا ما اعترضناها
ما تقفي الناس عنا ونتولجها

[mona @_3trix]

على وجهي ملامح تنتظر حضنك بليًا عتاب
مادام أحضانك بلادي انا مشتاق لبلادي

[mona @_3trix]

كلّ المشاعر هيّنه ومقدور عليها
إلا الوَهم
يارب جنبنا إياه ماحيينا وإجعلنا
نرى الأشيَاء بحقيقتها بدوّن تزييف

[mona @_3trix]

أروح منّك وأنا مستاحش الروحة
وأجيك والشوق ما خلَّى ولا بقَّى

[mona @_3trix]

مابين همستك والنبره ونطق الكلام
تلقاني برهبه ورغبه ورعشة بدن

[mona @_3trix]

ما يعجبني غير حُرٍ ما يهاب الصعاب
بأسه شديدٍ و قلبه للحب شجاعي

[mona @_3trix]

منه السوالف إذا سولف تجي ذربه
يحسبنّي أسمع وأنا في بحّته غاااادي

[mona @_3trix]

« أعرف إني قصيدة ما طرت في بال شاعر قطّ
وأحب إني مزيجٍ بين ما يجذبك - ويغيضك »

[mona @_3trix]

اللهُم صبرني ثّم أجعل نهاية صبري
مسكة يد أبي في الجنة ياربّ

[mona @_3trix]

لاجيت جيتك ياحبيبي من اقصاي
جيت شجاعٍ فاللقى .. ماتوانا

[mona @_3trix]

تباطيت شوف اللي عليه العيون تتوق
وعليه الحنين أصدق من الدمع في الغربه

- ناصر مناحي