علي

اهه عزّي لمن مثلي جداه التمنّي .

[علي @_4li9]

اللهم اني اسألك التوفيق في ديني ودنياي 🍃.

[علي @_4li9]

ماتموت عزومنا دون غايات المراد
المحازم راهيه ،،، والدروب ندلها .

[علي @_4li9]

عسى التعب ومجاهد النفس مخلوف
وعسى الحظوظ " تدلني و ادلها "

مافيه أشد من المشاغل والظروف
اللي تجي في وقت واحد كلها

[علي @_4li9]

ياحمامه لو دريتي بشيٍّ في الضمير
ما تمّرين الضحى والعصير مروّحه

جنبيييني يا حمامه جزاااك الله خير
صادق الونات صبح وهجاد أطوّحه

كن في كبدي من البعد والفرقى سعير
ونار جوفي لو تنوش الإبريق تفوّحه

زوع قلبي زوع طير ٍيطير ويستدير
مايلد العين في الملواح واللي لوّحه

[علي @_4li9]

يا ملح الأيام عيّت تستقيم البخوت
لي عقد أحاول وأحاول غير ما الله قسم

"عيّوا عليك الحرار مشرّعين البيوت
صوارمٍ في مجالسهم يفوح الدسم"

زبدة خليط الكلام اللي يهتك السكوت
يبقى وتبقين في خيرة قصيدي وسم

والله ما أنسى معاريفك علي لين أموت
ما دام بالقلب نبض وبالريايا نسم

[علي @_4li9]

أهلين يا راحة المُنهك
يالواحد اللي بدون أشباه

من جيت والمرحبا وجهك
و وجيه غيرك فمان الله

[ْ @2ajl_]

مد لي يمناك وافتح لي من اللهفة زرارك
والله إني راهنٍ عمري على شوفتك ليلة !

[علي @_4li9]

ودي أسخر لك الدنيا .. و مافيها
وتعيش عمرك عن الآلام ما تدري

و أشيل حمل الليالي عنك و أخفيها
من عيني لكتفي ومن كتفي لصدري

[علي @_4li9]

يجهلني القاع .. ما تجهلني القمة
ولا هي غريبة مثل شرواك يجهلني

[سنجار @___iill01]

فوبيا اهل القلوب الرهيفة: "بس انا خايف علينا يا غلاي / لا يجينا يوم وافقد مسمعك"

[علي @_4li9]

يا ثقلي و يا مقوى عزومي ويا صبري
أجامل على جرحي و أنا أشوف دكتوره .

[علي @_4li9]

لا دارت الدنيا مثل دور الرحى
الفعل يبقى والسوالف تنمحي

[بداح بن ذيب @bdahbintheeb]

« ١٠:٢٨ م »
١٥ /٥ / ٢٠٢٦ م

دلّهيني يا ملاعبة السفيفة
انتي اللي تستحق ادرى زعلها

انتي بنت بعيرنا و امك منيفه
في هواها ندفع الذود بفحلها

دلّهيني و الله ان نفسي معيفه
كل من تزرع به الهقوه خذلها

الهوى قتّال و جروحه عنيفه
قصّةٍ يدفع ضريبتها بطلها

دلهيني فيني من الوقت خيفه
ماتت احلامي ولا حققت املها

لو طموحاتي حمولتها خفيفه
عشّت السكّين في منحر جملها

شاعرٍ ما تمشي ظروفه بك��فه
تاخذه ذرعانها قبل يختلها

يبتسم بالابتسامات اللطيفه
لكن الدنيا خذت منه دبلها

فاقد اللي لا جفول ولا عسيفه
مهرةٍ تستقبل الطيش ب جهلها

يالله ب ليلٍ يبشّرني بطيفه
ليلٍ يضمّد جروحي و يغسلها

ياحبيبٍ ماخذ الفرقى وظيفه
قال احبك بس انا ما قلت قلها

علّق آمالي على باب السقيفه
لا مبايعها ولا حتى نكلها

الضلوع اللي على خبرك مريفه
ادهرت من عقبك ولاحدٍ نزلها

لك علي ان عاد لك فالقلب ضيفه
والمشاعر باقية على عدلها

لا ابتسمت اصير للامه خليفه
وان زعلت ازعّل الدنيا و اهلها

-بداح بن ذيب

[علي @_4li9]

يم الحبيب اللي هروجه تعاجيب / ياعين لدي له ويارجل سجّي

[بدر @justmebader]

عذاريب خلي لاشبح بالعيون السود
عيون اشقرٍ لا حولوّبه من الشبّه
ٰ
هو الريم عندي والعذارى قطيع قرود
جماله جمال الحور بالوصف يضربّه

- مبارك بن شحيمان

[علي @_4li9]

خذتني من العالم وانا قبلها مزحوم
وسعيد بكنفها لو بس اسكت واطالعها

أنا المنتصر فاللي جرى لي وانا المهزوم
وانا اللي وضعت عمامتي فوق برقعها.

وقلدتها احلامي تحت عقدها المنظوم
وابي من يوثق خطوتي وسط شارعها

يا ليلٍ سريتك ما بقى فـ العتب واللوم
سوا عبرةٍ تطلع من الجوف واجرعها

[علي @_4li9]

توقع ! مع دروب المحبه من اول ��وم
لكن .. النهايه .. لا تحاول توقعها

لو انك ! من العزة مثل عمر بن كلثوم
دموعك اليا فارقت والله ان تدمعها

اليا طحت في حب العذارا ما عاد تقوم
تراها اشين الطيحات طيحتك واشنعها ..

تحذرت منها مير مالي عن المقسوم
معي عقل لكن كيف الومة وهو معها

[علي @_4li9]

شريدة بديعات الحسن سلوة المهموم
"يضيع الدجى بين رقبتها ومفرعها"

عديمة وصايف مالها ف القصيد رسوم
لو اني حفظت وصوفها كيف بجمعها

تمر الفطين المنتبه ويغدي منجوم
ويروح الشقردي خاتم بين اصابعها

نسايم ثغرها تحرج الورد واليشموم
وهمسه شفاها لا حكت دوب تسمعها

[مازن الحربي @11n31]

الحب ماقطع قلوب البعارين
الحب قطع قلبي اللي هواها ..

[علي @_4li9]

مانيب في حبك كذوب ودجال
ولاني على بعدك قليل الحسايف