𐙚

[𐙚 @_5i3i]

مانيب مجبور اخاطب على قد العقول
والله إن بعض القناعات عندي . . مهمله

الكلام تشوفه الناس حل من الحلول !
مثل ما اشوف التجاهل يحل المشكله . .

[𐙚 @_5i3i]

فمان البعد واحزان الأغاني واشتياق الناي
فمان الشعر لا مني فقدتك وانتهى صبري

مع الأيام تستوعب خساره مثلي و شرواي
انا اللي لا رحلت تبيّن الدنيا كبر قدري . .

فمان جروحك اللي ما تركت حل يحلّ بقاي
فمان الله يا اعذب طعنه مركوزه بصدري

[𐙚 @_5i3i]

إذا باعك اللي مارحم قلبك الحسّاس
تلفّت وتلقى شمعه القلب تضوي لك

تعال وتذرّى بين غصن الرجأ و اليأس
تحت جذع صدري لين توقف على حيلك

بعدها تعرف إن الذهب ذاك كان نحاس
ولا فيه احد كثري من الناس صافي لك

على سور قلبي لا تغرّك جموع الناس
ترى ما ورى بيبانه إلا مداهيلك . .

[𐙚 @_5i3i]

مجبور ؟
لا والله ، ما كنت مجبور
اللي حصل: إنّي تغيّرت مرّه !

اخترت اغيب وخاطر الليل مكسور
ولا اتحمّل دمعتين وتشرّه ..

حتى لو إنّه ماطلع باكر النور
لابد ما نلقى للأحلام جرّه

وسّعت صدري ، واختلف كل منظور
والكون صار بعيني اليوم . . ذرّه !

[𐙚 @_5i3i]

احسب ان العشق فتره فراغ ولا يدوم
ما دريت انه يغير مفاهيم الحياه !

ساقني للموت سوق الهبايب للغيوم
لين خلا الناس تنشد فلان وش بلاه . .

مذنبٍ في حق نفسي ولاني بمعصوم
منتظر والهجر عيّا ينسيني غلاه !!

كل ما قالوا لي انه نسى قلت محشوم
والله لو انه نسى اسمه غرامي ما نساه

[𐙚 @_5i3i]

على كثر ما كانت ليال الوصال قصار
على كثر ما كانت طويله . . بذاكرتي

[𐙚 @_5i3i]

انا رغم الكسر و الله قوي البأس . .
و طعنات الظهر و الله ما هيب شوي

اعزّ الدمع لاصكوا بي . . الجلاس
و عن اللي ما حشم تكفى يا دمعي عيّ !

تماديت الحنين إلين حد اليأس
عسى يلقى الصدر . . عقب اللهيب الفيّ

انا مابي تريحني من الهوجاس
ابي لو جيت ما تلقى غرامك بي

[𐙚 @_5i3i]

اشوف الأحلام ماهي تشبه احلامي
كل ما تخيلت حلمي ضاق بي صدري !

مدري إلى الحين ما جات اجمل ايامي
او اجمل ايامي مرتني و انا مدري !!

[𐙚 @_5i3i]

دام الخطأ فايت ترى العمر . . ما فات
بعد الكدر لأبد فيها مسّره . .

[𐙚 @_5i3i]

إن كان غروك عذالك ما غروني . .

[𐙚 @_5i3i]

اثر الكلمه العاديه من الشخص الصّح توجه مشاعرك وترتب افكارك . . ذهوووووووول !

[𐙚 @_5i3i]

واليوم مستكثرٍ بك صادق عتابي
حتى لو إنّك ترش القاع بدموعك

خسرتني و انت دائم تحسب حسابي
تحسب حسابي غلط ويضيع مجموعك

وش فيك منهار ، ماجهزت لغيابي ؟
حاول تناسى غلاي . . وهد من روعك

لاتنتظر رجعتي يا ، اكذب احبابي
إن مات ورد اللقا . .
وإن ذابت شموعك . .

[𐙚 @_5i3i]

اهني فيك حياتي يا قمرها❤️..

[𐙚 @_5i3i]

خلك بعيد احسن لنا
لاتقترب ، ما انصحك

خايف علينا مننّا
امّا انجرح او اجرحك . .

[𐙚 @_5i3i]

انا اكثر انسانه ما اعيش بدون اهلي لو المسافه تكلفني عمري كله مشيتها..

[𐙚 @_5i3i]

المشاعر السّيئه مهما بترت اسبابها الا انه اعراضها تبقى مستمره عليك يـ الشّخص.

[𐙚 @_5i3i]

نــاســــيـــــك . .

[𐙚 @_5i3i]

الحمدلله❤️.

[𐙚 @_5i3i]

رب الندى و الغيم و الدنيا جفاف
رب الفجر و الشمس . . و الدنيا دُجى
يا رب انا واقف على السبع العجاف
يا رب وقفني على مشرق رجا . .

[𐙚 @_5i3i]

اسابق الأيام واركض في دروب الحالمين
مدري لعب فيني الأمل ولا لعبت فحسبته !

حلمٍ فهقته لـ السنين القادمه علها تزين
لا تذرفه غيمه ولا جرد الأراضي . . تنبته