عَ

ما ورا طيش الغرام الا الندم ..

[عَ @_5p90]

هذا الحساب يُدار بواسطة .. مزاج
صاحبه دون ترتيب لمحتوى يرضيك

[عَ @_5p90]

احبك (:

[عَ @_5p90]

تغانم الوصل قبل الهجر ياخذ جزاه
ترا المسافه قصيره وانت طولتها

بينت لك كل ما ف الصدر واللي وراه
ان كان كملتها و لا ما كملتها

لا زال حبك محاصرني بكل اتجاه
و ما فيه ثغره بـ قلبي ما تسللتها (:

[عَ @_5p90]

وادوّر عالنفس من فتحَة الشبّاك
خنقني هالحنين اللي بهالغرفه

تركتيني واكلني قلبي الشكّاك
تعالي شوفي لـ احساسي معك صرفه

[عَ @_5p90]

الشعور اللي تكنه لي
لا تعاملني اذا شفتني عكسه

[عَ @_5p90]

فارقٍ حبه على كل شي بالحياة
كن لهفاتي قبيلة وهو شيخ الشمل

كل ما واجهت غيره رفع عندي غلاه
من كثر ما تنقص الناس في عيني كمل (:

[عَ @_5p90]

حالف ب من حلاك واحلا حلاياك
ماحل خلٍ يا خليلي محلك

وش السهر جاوزت حدي برجواك
وش هي دموع العين وانا فدلك

ما ينتغير زولك الزين بسواك
ولا ينتبدل دل غيرك ودلك

وهي هي حياتي وش روحي بلياك
ارمي بخمس عقبهم فدوتن لك

يفز قلبي عند ماسمع بطرياك
ويهل دمع العين كله رضا لك

حطم جدار الشك واحسن نواياك
مالي حياه ان كان ما صرت خلك (:

لا تستمع لعلوم ذيه و ذياك
واشين عذالين دومٍ عذالك

روحي حبيسه لعبتن وسط يمناك
اطلق سراح اللي مقيد ب ظلك

ياليل همي لا مشوا بمسراك
ياصبح حزنٍ دايم ساهرٍ لك

عين الشقا فرقاك واسعد بلاماك
والله على درب المواصل يدلك

ياعل قلبٍ ياهوى البال يهواك
يمل دم القلب جانه يملك

[عَ @_5p90]

انا معك عن باقي الناس مشغول
واحن لك واحتاجك اكثر من اول (:

[عَ @_5p90]

تعال واللي حصل من بينك وبيني
مشاكلٍ حلّها ماهوب في الفرقا (:

[عَ @_5p90]

البارحه مابرح قلبي يحس بزحام
ياليتها ليلة اخر حزن ياليتها

وياليت مافي قفص صدري حروب وحطام
والامنيه ماتحقق لو تمنيتها

اخترت من ديرة الهوجاس هاجس سلام
وانا على هقوتي لامن تهقويتها

والجادل اللي تعداها قصيد الملام
ياليتني ماتهورت وتحديتها

احبها صح بس احبها بإحترام
حتى من النفس صاينها ماضريتها

كتبت فيها البيوت اللي بعضها حرام
وانا علي الحرام اني مامسيتها

اطهر من الغيث لامنة وطاة الغمام
وانقا من انقى هناديبي لا غنيتها

اخر لقاء بيننا على بساط الغرام
سويت فيها قصيده وانسرق بيتها

رحلت عن بيتها من قبل وقت المنام
ونمت وخذتني مناماتي على بيتها

احزانها تحزن الاغصان قبل الحمام
وادموعها ترهق اعماقي لامشيتها

شميت ريحة ملابسها قبل كم عام
واستغرب اني اذا حنيت شميتها

الحاصل ان الكلام اللي عليه الكلام
وصيتها لاتخليني .. وخليتها (:

[عَ @_5p90]

لا تحسبني يااريش العين ناسيك
لا والذي حط الغلا في فوادي

امشي مع العالم وانا خاطري فيك
وابذل على كتم الشعور اجتهادي

وادرا عليك من المشاعر واداريك
واخفي عليك من المعزه ودادي

اسلاك لا والله ماني بساليك
عادي حشى لله ما هو بعادي

ولا الصراحه كل ما حل طاريك
اشتاق لك وافرك عليك الايادي

ولا تنزعج بالعيد ما جيت اهنيك
لا يابعد كل الفرح والعيادي

خفت اني بعيدية العيد ابكيك
واذكرك حبٍ من العام غادي (:

[عَ @_5p90]

مايصير اللي حصلي بحبك مايصير
طالبك دمعتك لا جيت خفها

والله اني حايرٍ بين نار وزمهرير
والهموم اتدفني وارتكي ودافها

ياغصبن البان ياورد يامسك وعبير
اخذ من بالي خيالك وعيني عفها

قصتك عاشت بقلبي ورا الضلع القصير
المزون تعلها والهبوب اتهفها

مير لازم اقطع الشك واعيش المصير
وادحم كبار الطواري وازعزع صفها

وكان ودك بالرحيل اسمع العلم الاخير
كل شمعه وانت مقفي بدربك طفها

لا تقول اني تغيرت يالبدر المنير
السلوم احيان عوق النفوس وشفها (:

[عَ @_5p90]

ليه طبعك تغير وانت كلك تغير
وش حصل لك تكلم قول ويش صابك

غبت عني وعشت في غيبتك في تحير
وانت لا تعتذر ولا تبرر غيابك

اول الليا مهدني شوق مريت اسير
وامس رجلي ماترضا مر بيتك وبابك

اشهد انه الوله والشوق ملعون خير
واشهد ان الكبر عني خذاك وغدابك

انت صامل في صدك صدق ولا تعير
او شيطان فكرك جاك ليل وغوابك

اذكر الي مضا لا يجيك طيش وتطير
واذكر اللي من احساسه وحبه رقابك

لا تصير معي شيٍ ماهوب ب يتصير
ولا تخيب هقاوي من عشقك وهقابك

وان بغيت الفراق البعد ملعون خير
وان بغيت الوصل في ذمتي مرحبابك (:

[عَ @_5p90]

اثر راع الحب مثل المكبل بالقيود
بين خلق الله وكن اليدين مكبله

بين رايات الهزيمه ورايات الصمود
وبين هقواته وعقله وطيشه واجهله

يامعودني على البعد ما فالبعد زود
جنب الدكتور رح للمجرب واسئله

يكفي اني كل ماطروك فيضت العدود
وانت لا هاللحين ماتدري ان لك منزله

لاتظاهر بالبراءه وطعناتك شهود
كل طعنه منك تاخذ مسار الاوله

كن عيونك ساحة اقتال ورموشك جنود
وكني اللي جا بكيفه يدور مقتله

من غلاك احتاج سعرات تحريك الركود
مثل تحريك المشاعر بعطر المذهله

اجمع احساسك غلا وانثره مثل الورود
ولك علي اشرع القلب حتى تدخله

لاتخاف امن التلاقي ولاتنسى الوعود
واي حاجز يمنع الوصل قدامك شله

وكان قصدك جرحي اللي مضى فرقى سنود
اذكر اني حزت الجرح قلت لك ازهله

انت فيك اشياء واجد تخليك امحسود
فوق زينك فيك شيمه وقيمه وقبله

جعلني ماذوق حزنك وجعلك فالوجود
لاتعودني على البعد ويموت الوله

الوصال الستر والبعد بياح السدود
وكل يوم يمر من دون وصلك مطوله

كل شي يهون غير التجاهل والصدود
ماقبله من غيرك اشلون منك اقبله

لاتجاهلني وانا من عريبين الجدود
كان عندك شي لاتستحي مني قله

ماتنسينا الخطايا مواثيق العهود
الوفا منا وفينا وحنا من هله

-ع

[عَ @_5p90]

حبيبي غبت لكن مرّني طيفك . . مع النسناس
يوصّل لي سلام و حبة من فمك مخطوفه

تحت ضوح القمر سامرت طيفك وانكسر لي باس
يا كثر اللي تحت ضوح القمر يشكي من ظروفه

أنا الحاضر مع الذكرى و أنا الغايب عن الجلّاس
و أنا الواضح و أنا اللي حاجته ماهي بـ مكشوفه

هداياك القديمة تْلحق الهوجاس بـ الهوجاس
وله و أستشعرك في كل بيت و كل معزوفه

بكيتك بـ العيون اللي سرق منها الحنين نْعاس
و خلاها رهينة لـ السهر و الليل و طيوفه

بسيطات الدموع إلا دموع القاسي الحساس
حصانٍ قبل ما تنزل دموعه ينمزع جوفه

دموعه من غلاها ما تركها للثرى تنداس
تساقط من شموخ و لا تطيح إلا على كفوفه

أحبك و المحبة سحر يخلي . . قلوب الناس
عصافير عن التغريد و التحليق . . مكتوفه

سقى الله يوم كنت أجيك في ثوب من الاحساس
ضرير كل ما نطحته يدينك . . رجع شوفه

و يشغلني سؤال لا تماديت وحنيت الراس
على صدرك و صدرك فيه من زود الترف نوفه

وش العذر البليغ ؟ اللي يخلي قدّك الميّاس
يشلّ الثقل من فوق و تحت و يضمّ سرجوفه

وكان أبلغ جواب . . تخلّي الأنفاس بـ الأنفاس
تصادم مع بعض و الشمس تحت الليل مكسوفه

عليك الله و أمانه خلّني بين الرجا و الياس
لعل الحظ يجمّل مرة و أشوف . . معروفه

من الظلم يغرق في بحرك الطامي معرّب ساس
و يسبح به ضعيف ما يهمه غير . . مصروفه ؛)

[عَ @_5p90]

مل فكري من كثر مانظم طرق الحروف
وملت أيدي من كثر ماتعانق مكتبي

ولو يطوف البيت الأول خويّه مايطوف
أوزنه وآمر على الكف بالحبر أكتبي

أكتبي والخوف والشك للناس الضعوف
مير أنا دايم طموحي معلق بشنبي

منهجي منهج هل الطيب مروين السيوف
وللعلوم الغانمه خص ماقل أحطبي

مير تل القلب مني غلا خشف الخشوف
الغزال اللي وصوفه دواي ومطلبي

شال قلبي من محله وأنا عيني تشوف
قلت وش هالزين ثم قال صل على النبي

قلت أنا وش حيلت الشمس لاجاها الكسوف
عقب طال أحجاجها يوم قالت وشتبي

قلت أنا ياسيد البيض لفت الحال لوف
لوف طيرٍ لفه اللوح لف ولفبي

كنت اللوم اللي يقول الحلا للقلب خوف
لين زاد الخوف فيني وشوقي وتعبي

يوم شفت عيونك السود والرمش العطوف
قمت أناديلك بلا شعور رد وسم بي

وياغناتي كان مديت للوصل الكفوف
مد لك قلبي فناجيل حبك وأشربي

ولا بغيت تصد ماني مرخي للكتوف
أعرف أن الحظ ماجاب لي اللي أبي

ماعشقت الا هوى صورةٍ وسط الرفوف
مير خلي مهمل الضيق يسبيني سبي

وأن رفعت الأبتسامه وقدرت الظروف
أشهد أنك راح تبقا معاي قريّبي

وأن صدقت بعرفنا مرحبا كثر الألوف
وكثر كل اللي بقوله وعدّي وأحسبي

كثر من شاف القرايب وربعه والضيوف
وكثر شعب الشرق كله وشعب المغربي

وكثر كل أنواع الأشجار من كل الصنوف
وكثر حبات الثري مع نجومٍ تطربي

وكثر رقمٍ لانهايه لديه ولا وقوف
يعني أحسب لين تعجز ومن يحسب غبي

وكثر ضربات المدافع وضربات الدفوف
وكثر من يقراله كتاب واللي يكتبي

وكثر ملح البحر واللي من البحر مغروف
شيّبي يانجمة الصبح منها شيّبي

صدفةٍ ماهيب صدفه ولا مثل الصدوف
تجعل الرجل السنافي يضيق ويتعبي

بالليال الماضيه ماحسبنا للحسوف
ولا هوى قلبي سوى وصف زينك يالظبي

لاتخيرت الوصل مرحبا كثر الألوف
يعني أحسب لين تعجز ومن يحسب غبي :)

[عَ @_5p90]

ياسما الحب وين الأمن وين الأمان
كل الأيام برد وكل الأيام ليل

جيت صدفه وانا عابر سبيل المكان
آه ياليتني ماجيت عابر سبيل

أتخيّلك... والذكرى تهد الكيان
وأنظرك تبتسم من باب رد الجميل

وأنت حتى الموادع في نواظرك هان
رحت ماقلت أبودعك يوم الرحيل

آه من قسوتك... يا آخر جروح الزمان
روح لو كان نسيانك.. شبه مستحيل ؛)

[عَ @_5p90]

ربي أرجو عُظم لطفك ، أنا عبدٍ جريح
صافيٍ للوقت والوقت عيا ما صفا

باح سري لك و سري لغيرك ما يبيح
كل ما اضفى الليل نورك على عبدك ضفا

ماعلى الدنيا حلاوه ولا به مستريح
وأنت ذكرك للمرض طب ولـ قلبي شفا

دلني لا تاه دربي عن الدرب الصحيح
و أوفني حقي لا باروا قليلين الوفا

[عَ @_5p90]

معك أنا سويت كل اللي علي
وأنت مع الأيام بتعرف قيمتي

[عَ @_5p90]

نا كاتبٍ شعري عشان اكتبك واقراك
ولا همني كان العذارى يحبنه

دروب المحبه كل ابوها عليها اشواك
تجيه القلوب نزاف وتروح ممتنه

امر المكان اللي تجينه عشان القاك
ياوين المكان اللي اجي واخذك منه

على كثر ما اسوق الخطاوي عشان رضاك
بديت اشعر ان رضاك يدخلني الجنه (؛