خالد بن مقنع

تقنعني المواقف:: ف لاداعي لل ثرثرة

[خالد بن مقنع @_7000p]

تــرا ثياب الردا ماهي بساترتك
ونقــد الرياجيل يوجع وانت خابرها

ولو تطلب الناس منك فوق مقدرتك
أمــا تحــٰزم لهــــا والا تعــذرهـــا

[خالد بن مقنع @_7000p]

اكحَل عيون الرجال موسعين الطعوُن
خلك من اللي تهايق من خلاف الطّرق

واقطع وصل بايع الرفقه على أول زبون
مثل ما تقطع يمين السارق اللّي سرق

واليا استغلو وفاك الي ماهم يستحون
فلا تشيّم من وجيهً .. مهيب تعرق

[خالد بن مقنع @_7000p]

الهي وانا عبدك و ادل السنع واضيع
ولاغيرك المدعي ولا غيرك المعني

انا اعوذ بك من ضيعةٍ مالها .. ترقيع
ليا ضاعوا اهل المعرفه لا تضيّعني

[خالد بن مقنع @_7000p]

حمدتك على خير وحمدتك على مكروه
وسبحانك اللي لا إلتجى عبدك انصفته

أجي لك بـ وجهٍ ساير الناس ما شافوه
علشان " وجهٍ " ساير الناس . . عارفته

[خالد بن مقنع @_7000p]

واقر العالم وتلقالك وقار ../
وان حقرت احقرت لونك امير

[خالد بن مقنع @_7000p]

عسى ماجاك مني يا زبون الاولات قصور
لو ان ما جاك شي وصدتك ماهي تعذربني

انا بادرت من باب الوفا والبيرق المنشور
وقدرت الصداقه وآتفقد بيتها المبني

نصيتك بأحترام الذات واشوف الغلا مكسور
وانا عاذرك لو ما تعتذر دامك مجنبني

[خالد بن مقنع @_7000p]

إن زان عقل الشخص دلّه و مشّاه
وإن شان ما تنفع وصاة الموصّين .

[خالد بن مقنع @_7000p]

أتصادق الناس وتعيش الحياه بـ سلام
لو تقدر أنك تعامل كل شخص بـ عقل

دور وسيلة نقل للحمل .. ولّا الكلام
مافيه داعي تدور له .. وسيلة نقل :)

لو لا التجارب وصكات الزمن والزحام
ماجا لـ بعض الاسامي فالمواقف ثقل

[خالد بن مقنع @_7000p]

الله يعينك يانزيه المبادي
بعض العرب ماهمهم كيف ماكنت

تعيش في وادي وغيرك بوادي
والمبغض يعاديك لو ويش مازنت

الغدر عند القلّبي شي عادي
همه يخلص حاجته منك لو شنت

على كثر ماني مع الوقت غادي
لظروف عسرات المقادير ما لنت

يشفق على طبع الشهامه مرادي
واقدر بليهان واقول لا هنت

[خالد بن مقنع @_7000p]

عيدكم مبارك
وتقبل الله طاعتكم
وعساكم من عواده

[خالد بن مقنع @_7000p]

دع المقاديرَ تجري في أعَنّتها
ولا تبيتنّ إلا خاليَ البالِ

ما بين غَمضةِ عَين وانتباهتها
يغيّر الله من حالٍ إلى حالِ

[خالد بن مقنع @_7000p]

يا ما نسبنا لك اللي ما تمده يديك ..
وخوّتك معنا مافيها طيب و اخذ و عطا

اليا نصحتك فـ انا مانيب مخطي عليك ..
مشكلتك ان نقصك يشوف النصيحه خطا

[خالد بن مقنع @_7000p]

الرأي رأيك وأنت عندك خيارين
تنق في الدربين وأنت المبدّا

تقدر تطيب ولا تخرق القوانين
وتقدر تعذّر بالنظام وتردّا

[خالد بن مقنع @_7000p]

كل مستغني عن الناس مهيوبٍ حْماه
يكبر الرجّال لا صار محدٍ يملكه

[خالد بن مقنع @_7000p]

سمـو الأخلاق يجعلك صاحب سمو
الناس تملك قلوب الناس بـأخلاقها

[خالد بن مقنع @_7000p]

لو تحاربك الحياه .. وما عليها ،
أنت ادرى عن مدى أحلامك وذاتك !
ٰ
" كل لحظه تعيش فيها ، عيش فيها ،
لا تخلي غيرك .. يغير ... حياتك ".

[خالد بن مقنع @_7000p]

سعادة الرجل الكرامة بدنياه
لو ما عليه الا سمايل هدومه

[خالد بن مقنع @_7000p]

مانجحد الطيّب ، ويملكنا جميل الطيبين
فـ قلوبنا منجم وفا ، و فـ وجيهنا منبع حيا .

[خالد بن مقنع @_7000p]

تزاحمت حول الظنون المعاذير
وفضلت عن كثر الكلام انعزالي

ماعاد اصدق سالفة سرك ف بير
قطعت عن بير السوالف حبالي

اسج من تفكير وارجع لتفكير
وابرك رحالي واشدد رحالي

ان زانت الاخلاق تنبت نواوير
وان شانت الاخلاق زعلت غالي

[خالد بن مقنع @_7000p]

عزة علي نفسي ونفسي عزيزه
مهي بترضى موقف الذل والهون

الله جـعـل فيـها الكـرامه غريزه
يا اكون في راس الهرم او ماكون

الطيب في الطيب من الله ميزه
ولا الرخوم رخوم مهما يسوون

واللي مراجلهم لفتره وجيزه
يستغفلون الناس والناس يدرون

#سعد_علوش