حـايـر

حايرٍ بين شعوري و القصايد

[حـايـر @_7ayeer]

بعض المواقف مالها اي تبرير
تراكمت وانا عدوي عتابي

اعاتبك مره على شان تقدير
عنواني يمكن ماوضحه كتابي

و اعاتبك مره كأسلوب تحذير
اما اعتدل ولا خصيمك غيابي

والثالثه لو توقّع النفس وتطير
لي عزةٍ تفرض علي صوابي

اللي يحب رضاه برضاه بيصير
الا الكرامه جرحها من عذابي

[حـايـر @_7ayeer]

لو يسبقوني بالمعايد والسلام
مايسبقوني بالضمير وبالحضور

يعايدونك بالرسايل والكلام
واعايدك من ساس قلب وشعور

عيدك مبارك كل عيد وكل عام
وعيدي بدونك دبورٍ في دبور

[حـايـر @_7ayeer]

خايف عليك ان حلّ كيدي وعذري
ما اعد صوتك لو ترجا و ناديت

وخايف عليك ان غيّب الوقت صبري
ما احس بك لو ضك صدري وقفيت

واخاف من جوري و تيهي و نذري
اني لو اني ما نسيتك تناسيت

[حـايـر @_7ayeer]

حسبي غلاك اللي رياحه مهبّك
يجلي عتامي لا تباهى بنورك

يكفيني اني عشت عامي بقلبك
واني الوحيد اللي تسيد شعورك

[حـايـر @_7ayeer]

لو يهوّل فالشعور وصد عني صدّ عايف
ما قدر يمحي وجودي لو بغى عمره يعيده

ادري اني كل ليله بينه وبين الحسايف
يوم يذرفني دموع ويوم اشواقه تزيده

[حـايـر @_7ayeer]

وش عاد يامفارق ولو وصلنا ذاب
مامات من فرقى قلوب وخواطر

ماهو ضروري ننتهي درب الأحباب
ولا ني فبعدك في المخاليق خاسر

اخسر لو اني ماتحملتك غياب
في لعبة الهجران والله شاطر

[حـايـر @_7ayeer]

حفظتك سرّ مايظهر على العالم ولا ينقال
زرعتك بين تنهيد الضلوع وبين غربالي

لك الله ما لغيرك فالحنايا والضمير ظلال
اقرب من قريب الخلق واقرب لي من ظلالي

[حـايـر @_7ayeer]

القلب مثل الحر وملاعب الصيد
يحب صيد اللي يزيد ارتفاعه

ما يبي اللي بين حزن وتناهيد
ما عنده لطول الدروب استطاعه

واللي ما بين الغيد هو سيد الغيد
عن حب غيره صار عندي مناعه

ادرى عليه من الزلل والمناقيد
واحفظ وقاره مثل حفظ الوداعه

[حـايـر @_7ayeer]

لو يطلع لعذرك جناحين ماطار
عارف خطاك وجيتّه ما تجمّل

ماكل ذنب ٍتدمحه كثر الاعذار
ولا كل نفس ٍللمواجع تحمّل

[حـايـر @_7ayeer]

سولف وتنبت بالصدور النواوير
واقطف غلاك من العمر ماحيينا

ياكثر مايفرق حضورك عن الغير
مثل المطر مهما هطل ما اكتفينا

يابحر جودٍ مابشطك معاذير
وقلبك لي عن جور الايام مينا

قلبك وطن وانا كلي جماهير
لنا وطن لكن معك انتمينا

[حـايـر @_7ayeer]

يستاهل الحب من صحّح عشانك خطاه
و اثمر معاه التعب من غير ما يسألك

اللي رمى لأجل عينك كل شيٍ وراه
ترقب عيونه رضاك و ينكسر لزعلك

[حـايـر @_7ayeer]

يا انفعل واوقف الدنيا على ساق
يا استكن وماتحركني الحرايق

[حـايـر @_7ayeer]

ان كان غيري خذاه الله يهنيه
حتى لو اني من الخاطر بغيته
الشي لا صار الكل خاطره فيه
والله لو القاه طايح ما خذيته

[حـايـر @_7ayeer]

صرت احبه غصب ماهو ضمن ودّي
يوم غيّر نظرتي للحب في طباعه

يوم وقف ضد منهو كان ضدي
يوم شايف غيرته لي في دفاعه

ويوم قال اسلّمك قلبي بيدي
شوف من غيرك سكن به فـ اتساعه

كيف ما احبه وهو ماحب قدي
لا اهل لا ذات لا اصحاب وجماعه

[حـايـر @_7ayeer]

حتى الغرق بك كان رحمه من الله💙

[حـايـر @_7ayeer]

يحز بخاطري واحس بداخلي مخنوق
اذا شفته مع غيري احس ان حالي يرثى له

[حـايـر @_7ayeer]

رماني بنظره بوسط عينه
رماني ثم رماني ثم سلهم
سلب فكري بنظره وكل بالي
اجل وش لون لا منه تبسم

[حـايـر @_7ayeer]

صحيح ان الفراق اقسى ولكن الوصال محال
وانا صعب علي ارضي غرورك واضعف قبالك

[حـايـر @_7ayeer]

ذخرتك للشقى صدرٍ يكفيني عن الباقين
وذخرتك للمدى هقوه تشتت كل هقواتي

[حـايـر @_7ayeer]

تعال اقبل مثل حلمٍ غواني وجيت كلي رقاد
تعال اقهر مسافاتي واجي حلّك بترحالك