شـــدن

[شـــدن @_8iiqi]

ليت القبر يعرف .. مقام اللي دفنا في ثراه
يا معظمه حيٍ وهو ميت بعد يا معظمه

[شـــدن @_8iiqi]

يملّون البشر .. مير الأخو طول العمر ما مَل
يداري خاطرك .. ويعدّل المايل من الزله

تشوفه كثر .. لا من الزمان بعينك أصبح قِل
يداوي علتك .. قبل الطبيب يشخّص العِلّه

[شـــدن @_8iiqi]

يارب أقفّي ماتركت إلا حسن خلق وكلام
ولا تركت ندوب في صدرٍ قريَّب وأجنبي

إضفي علي النور لا منّه غشى قبري عتام
وإغفر جميع الذنوب اللي على منكبي

[شـــدن @_8iiqi]

مخاوفي ما عادت اللي تعرفين
تغيّرت وأنا مثل ماهقيتي

أخاف أموت وتفقديني وتبكين
ومحدٍ يضمك عقبي ليا بكيتي

وأخاف لا منّك بغيتي تقومين
محدٍ يفز ويسندك لا أرتكيتي

وأخاف لاجلستي وخاطرك شين
محدٍ يعرف من نظرتك وش بغيتي

وأخاف واجد واجد إنك تروحين
ياويلي إن رحتي ولا عاد جيتي

[شـــدن @_8iiqi]

خلّ في صدرك .. على الدنيا قبول
واعرف إن الشمس تشرق لو تغيب

وعود لسانك : ليـا ضاقت .. يقول
الأمـاني في رجــا اللّٰه ما تخيــب

[شـــدن @_8iiqi]

مردها لو ضاقـت أعــوام بتزيـن
وتنسى همومك اللي كانت تهمك

قالها ربي وحنا على الدين ماشين
بعد العسر يسر ولا يختلف ظنك

[شـــدن @_8iiqi]

مـابي درب يضيعــنــا يا زيــــن
ولا حــبٍ حـرام آخــره رحيـــل

أبيـك ستـــر وعـزه وسـط عيــن
أبيـك رضـــا لـربي وقلبي يميــل

تعـال وخذني بطهر العـاشقيـــن
ولا تخلي هالهوى حلم مستحيـل

[شـــدن @_8iiqi]

لا شعرت إن المواصل يذل النفس
كــابـر لو إنك من الشـوق ميـــت

[شـــدن @_8iiqi]

ماخاف الوداع الواضح الموجع القتّال
أخاف الوداع اللي لا أشوفه ولا أختاره

— عساف ابو ثنين

[شـــدن @_8iiqi]

حيل الله أقوى ما بقى في يدي شي
ما فيه حل ٍ في يدي ما ذخرته

حاولت لكن المحاصيل هي هي
الطير طار ولا بقى الا شجرته

وقفت أشوف شوي وأغمض شوي
واللي أنكسر في خاطري ما جبرته

لين ألحقت شمسي على بارد الفي
وشفت ان كل اللي جمعته خسرته

[شـــدن @_8iiqi]

تعـال بنـدور لزلاتـك . . أعـذار
مهما حصل بدفع بدالك ثمنها

صح إن عيوني ماهي جنـه ونار
لكن بعد ما ودي تطيـح منها

[شـــدن @_8iiqi]

أحلى تفاصيل السنة كان .. قربك
وأجمل مراسيم النهاية .. حضورك

ولو ما يجي من عامي إلا .. " أحبك "
نذرت كل سنين عمري .. لسرورك !

حسبي ، غلاك اللي .. رياحه مهبّك
يجلي عتامي .. لا تباهى " بنورك "

ويكفيني إني .. عشت عامي ، ب قلبك
وإنّي الوحيد .. اللي "تسيّد" شعورك

[شـــدن @_8iiqi]

صباح الأربعاء والحب والشمسين والقهوة
على ذات العيون الواسعات النجّل الكحلا

[شـــدن @_8iiqi]

« في كل عامٍ يمر .. يزيد حبي لك
دامك ملاذ الغلا هجري وميلادي »
- صالح النشيرا

[شـــدن @_8iiqi]

ما ورى صبحٍ يجيبك غير خير وعافيه
أنت يا شمس الحياة ويا تباشير الغلا

كل ساعة في حضورك .. بالمسّرة وافيه
وكل ساعة في غيابك مالها طعم وحلا
— عبدالله السرحاني

[شـــدن @_8iiqi]

يا أوفى ويا أحب من بادر ومن واصل
وأعزّ من شيمتي وأطيّب من ظنوني

وجودك يداوي جروحي و يستاصل
الضيقه اللي تحجب النور من دوني

أحاول إنّه ما يفصل بينّنا فاصل
حتى لو إنّ ينفصل راسي عن متوني

أشر على ماتبي ، واللي تبي حاصل
حتى ولو تطلب عيوني .. من عيوني

- صالح النشيرا

[شـــدن @_8iiqi]

ليه أترك الحلم وأذرف من وراه الدموع ؟
وأحلام الإنسان توخذ غصب ما تنعطى

تشكّلي يا ظروف الدهر ومن أي نوع
بجيك هادي ومتوازن " ووائق خطى "

القلب ضد الكسر والرأس ضد الخضوع !
والمتن لـ الشيل واليمنى لـ بذل العطى

ياللي شعارك مع الأيام ( لا للرجوع )
كل الأماكن ترحّب فيك غير الوطى

[شـــدن @_8iiqi]

«أنا أنخلقت و داخلي رهبة وداع
حتى إللي ما أحبه، أخاف أوادعه»

«يرهقني الترك والهجران والصدّة
حتى الجمادات ما ودّي .. أخليها»

- أبيات تجسد معنى الخوف الأعمق من الوداع

[شـــدن @_8iiqi]

وشلون تجرح خاطري وتذوق لذات المنام
وأنا لو أكسّر عظم يدي ما جرحتك من فمي

- محمد بن نايف .

[شـــدن @_8iiqi]

كم عيونٍ حاولت لفت إنتباهي
و أتخطاها ، و اذوقها الهزيمة؟

ما يغيرني مكاني .. و إتجاهي
تنعمي عيني ولا اخون العظيمة

— عبدالله السرحاني

[شـــدن @_8iiqi]

يا هلابك
عدد عمري اللي ضاع
او
عدد ما تمنيتك حبيبي
ليت الايااااام
ما فيها ودااااع