.

أغرد تحت تأثير اللحظه و الشعور .

[. @_91qq]

خذتك الظروف ورحت وادري ماهو برضاك
وانا رحت اراجع ذكريات أجمل .. سنيني

ما يدري عن اللي بيننا ؟ غير أنا وياك
حفظت بغيابك ماحصل بينك وبيني

على كثر ما مرت ليالي على .. فرقاك
إلى الان وانت أغلى المخاليق في عيني .

[. @_91qq]

لا انا تمسكت فيك وشفت عافيتي
ولا تخلصت منك وشفت مصلحتي

ظلمني الوقت واستهتر بشخصيّتي
يدخلني بـ معركة ويصادر أسلحتي

كنت بـ رحابة يديك أشعر بحريّتي
مافوقي الا السماء والغيم من تحتي

و اليوم حتى مجيّك كل ماجيتي
ما يشبه الا مراحك كل ما رحتي ..

[. @_91qq]

احبك لو ان حبك يودي لـ مدري وين
جعلني فداا حبك ووصلك ومقعادك

احب السوالف معك منا لـ يوم الدين
و احب التغلي منك واموت بـ عنادك

تسولف لي بـ تاريخ .. جدانك الميتين
و اهو والله التاريخ ، تاريخ ميلادك

[. @_91qq]

واقفٍ فـ إطلال حبك مابعد طحت متساوي
وقفة اللي كذب سلاحه بعد واجه غريمه

مسّس أطناب الوصال وتوبك رواق الهقاوي
وصح لذود الحب لا ترعى من الأرض الوخيمه

جابك الله لي حبيبٍ ما تضويه المناوي
حبك أصدق من تمني صاحب النفس الكريمه ..

[. @_91qq]

ان بغيت الصدق ما للعناد الا العناد
لا تصعبها علي عقـب ما سهلتها

المحبّه في عيوني غدت مثل الرماد
والقصايد من حطب جفوتك اشعلتها

كان قلبك ماعرف يوم مفهوم الوداد
ويش قيمة كل كلمـة غلا لـك قلتها

صاحبي لا تعتذر حان ميعاد السـداد
ردّ لي ايامي اللي عبث اهملتها ..

[. @_91qq]

لا غيرتك الليالي يالرفيق القريب
ترى الليالي بغت فينا لكن ما قوت ):

.No one can ever be me

[. @_91qq]

أحياناً الانسحاب من بعض الأمور أشبه بالعفو عند
المقدره مثل ماقال الشاعر سفر الدغيلبي ):

ثم شفنا الشك والريبه وعودنا نكايف
والرجوع من الدروب العوج نوع من الشطارة

نقدر نعود على القوة ونركبها الحتايف
مير ردتنا عن القوة صلاة الاستخارة ..

[. @_91qq]

ماجيت ادور لثار الجرح ياحرّه
انا بدويٍ على خبرك مواثيقه

لي عام واذوق طعم الحاليه مره
مرت لياليه مازانت توافيقه

حطت طواريك وسط البال مغتره
مافيه طاري ماتلعبي طواريقه

لاقامت الذكريات تعاود الكره
تتلني تل حرٍ من مسابيقه

لك فالغلا منزل ولك فالحشا جره
ذي جرتك بين تغريبه وتشريقه

[. @_91qq]

ديرتك ماجادها الغيث يابنت الغمام
جادها اللّهُ يوم سخر نصيب أمك لا بوك

السماء قدام ، ما تعطي الأرض إهتمام
لين عمّت رحمة اللّٰهُ تعالى وأنجبوك

الجمال اختار مدهلك من بد الأنام
وأستقر بوجهك الطاهر السمح الضحوك

مثل يوم الطيب والمجد وعلو السنام
ورث جدانك لابوك وتشوفينه ف اخوك

[. @_91qq]

من يوم سود الليالي خالفت ظني
حتى نجوم السماء ما عاد تغريني

اكثر سواليف خيبات الأمل عني
واكثر قصيد التوجد ينكتب فيني

اذا جرحك الكلام اللي بدر مني
حاول تفسر شعوري قبل تهجيني

ما مات غير الشعور اللي يطمّني
وما عاش غير الشعور اللي يبكيني ):

[. @_91qq]

لا تحسب السّاكت اللي مايسولف سالي
ساكت ٍ من كثر تفكيره و قلت وجده

خاطره من ضيقة الايام مّاهو خالي
الصبر مّاعاد فاد و لا لقى له نجده

مونس ٍ فرقا حبيب و فاقد ٍ له غالي
و الطواري كل يوم تصبحه و تهجده

جعل ما فات يتعوض فـ الزمّان التالي
وباقي احلامه تحقق كلها في سجده ):

[. @_91qq]

فداها القصيد اللي تغنى به الغاوين
جميعه لها ينساق وشلون لا طلبته

ابرك عيون الشعر لـعيونها الثنتين
وابقطف لها اللي محد قد قطف نبته

هي الملهمه للشاعر اللي يصوغ الزين
يوم غيرها لا مرت القـاف شيبته

من عيونها يستلهم البيت والبيتين
وعلى عنقها يفرد عضلات موهبته ):

[. @_91qq]

ادري ويدري وانا مثل الجبل راسي
ولا فيه ظرف ٍ عنيد الا تحديته

ماشافني كيف اشيل هموم جلاسي
واشارك الحي في حزنه على ميته

مبداي ثابت وطبعي من على ساسي
احاسب النفس في شيٍ ماسويته

ياقلب مالك مشاريهٍ على راسي
يكفي مشاريه ناسٍ تشهر بصيته ..

[. @_91qq]

يا القوام النخبوي والقذله المنهلّه
والعيون الساحره والشفه الخمريّه

لـ أجل عينك حبل الأفكار اعقده واحلّه
فـ الثلاث الطاغيّه والحاجة السريّه

[. @_91qq]

الا ياوليفي سيطرتكم تولتني
كتب حبكم فالقلب وموضحٍ كتبه

أشهد على حبك ملوكٍ على متني
ويشهد ضميري من ونين تنهتبه

اراعيك من ذكرى وذكرك يوقتني
ولو غاب ذكرك ويش عاد أتقوت به

انا لابغيت اسج عن صورتك جتني
مع الطيف وإلا علمك الناس ماجتبه ..

[. @_91qq]

مع غيرك أقسى من الحجر و اثقل من الطود
ومعاك النسانيس الخفيفة تمرجحني ..

- أعذب إستثناء ):

[. @_91qq]

رفيقي القرم الشجاع المحنك
اتعبتني طيب و مداراة و ادراك

ما ردني طول المسافات عنك
أجيك في ملفاك لو ما حدٍ جاك

مافيه ظنٍ حاسبه غير ظنك
مع احترامي للرياجيل شرواك

حتى هذاك المسلم يغار منك
من كثر مانيب أقضي الوقت وياك :)

[. @_91qq]

مستعد اكسي نحرها بـ سبع معلقات
تنكتب في غيّها والشموخ الأنثوي

ماينافس زينها من بنات الامهات
شيخةً من حظ شاعر وطيب وحموي

بنت شيخً فـ القبيله فعوله معجزات
ارجحً فـ الدوله وضلعه قوي

جدها في نجد يخلي ظهور المسرجات
والعزاوي فوق عج الرمك تدوي دووي ):

[. @_91qq]

للوساع السود جيت أعلن ولائي
الحكم حكم المظاليل الوسيعة

يالجمال المستحيل اللا نهائي
الغزل في حضرتك تجديد بيعة

سلهمة رمشك تحطم كبريائي
لك تداعى قلب ٍ أسواره منيعه

يا احتياجي بعد ما كنت إكتفائي
خايف يصير القسى عندك طبيعة

اغتنم ضوي قبل وقت انطفائي
الوصل يبهت بعد طول القطيعة ):

[. @_91qq]

للوساع السود جيت أعلن ولائي
الحكم حكم المظاليل الوسيعة

يالجمال المستحيل اللا نهائي
الغزل في حضرتك تجديد بيعة