مستحيل يعيش قلبي تحت قيد الشكوك
دام قلبي بين راحة يدك مثل "الدلو"
فيك من غر السحابه و من هيبة ملوك
أبسط حقوقك تشوفين جيلك من علو
من كثر تقديري لـ طلّتك : يا بنت أبوك
أشعر إني واصل آخر .. محطّات الغلو
أزعلي مره .. و مره أبي وجهك ضحوك
أنتي وجهك فـ الزعل و الرضا دايم حلو ..!
توصى على روحك من البرد والنسناس
ترا طيحتك.. يمرض بها واحدٍ غيرك
قبل لايطيب لك المسامر مع الجلاس
تذكر صباح الخير .. لامن فقد خيرك
تبسّم ترا معك المواعيد حبس انفاس
ولا تعتذر لي فإنشغالك وتقصيرك
تغانم سلامي وأخذني عن عيون الناس
انا عاذرك "من غير ما اسمع معاذيرك"
حط الأمل بالله لاضاق صدرك
هوالذي لا شحوا الناس يعطيك
في طاعته ترتاح ويزود قدرك
وفي رحمته من كل مكروه يحميك
وليا عصيت الرب وش عاد عذرك
اطلب عساه بكل الاوقات يهديك
راقب عظيمٍ له صلاتك ونذرك
ولاتجْعل الشيطان بالشر يغويك
ماقدرت أنساك يالوجه الجميل الراضي
و أنت جرحك فـ الهجر مالكني بـ معروفه
الجفى حكمه علينا مثل حكم القاضي
لين ما صارت تفاصيل الجفى مألوفه
لا تقول إني عن شعور الهوى متغاضي
تدري إن نفسي على يوم الوصل ملهوفه
ليت عندي قدره أرجع لـ الزمان الماضي
و اتأمل في جمال الصوره المحذوفه
من ليله البارحه مانيب على طبعي
مشاعري سيئه جداً .. ومضطربه !
شعرت في غربه احساسي وفي وضعي
وانا اكثر انسان 'يستاحش' من الغربه
من عادتي كل ما اشعر به ومن شرعي
'اغني' الين افضفض كل ما اشعر به "