ابلج

الحياه اجمل من هموم الحياااه

[ابلج @_ABLAJ]

" عوّد و لملم شتاتي ترا الي راح راح "
حنّني .. من المفارق و روحك .. حنّها

ما بقى لي غير دمعه أحْد من الرماح
و العواذل .. تو عيني تضاحك .. سنّها

- ابلج

[ابلج @_ABLAJ]

ماني إلا من غزيّه و لو أغزي " قريش "
مخطيٍ فـ المخطيه مقديٍ فـ المقديه

والله أعلم يمكن نعيش ولّا ما نعيش
جعل مقبلة الليالي بخير .. و ممديه

أصقع الهوبال و أبرا لي لـ صفراً خريش
و أخذ البرشوم و أعلّقه .. فـ معدّيه

ليت أبو حمدان عند الرواح يلد فيش
كل .. ما روّحتي أتلا النهار مقدّيه

لكن إبن الذيب ما بين جيش و بين جيش
نفسه اللّوامه .. و روحه المتحدّيه

جعل يفدا راسه إللي يربّون .. العشيش
ما بقى .. إلا تنبطح في بطون الأوديه

راسه إللي كل ما طاشت الدنيا يطيش
إعجزت تطحن حبوبه : حبوب مهدّيه

لا بـ دمّه دم خاين .. ولا قلبه غشيش
علّم إللي تبتسم و القلوب ( مصدّيه )

و إن تغشّت خيل أخو بيّنه خيل الدويش
فيه خيلً تكسب الأبل .. و خيل معدّيه

لا تبيعون الأصيل .. و تبرّون الكديش
الوجيه إللي تدنّق ماهيب .. مندّيه

و الصقور إللي تمجّد تراها كوم ريش
كوم ريشً لاهي بـ جايبه .. و مودّيه

من غدا سعر المعتّق مثل سعر الحشيش
صار تصنيف الضعافه .. ضعافه معديه

أضعف الإيمان عد الحقيقه ما عليش
عدّها .. ولا تعدّا ( مع المتعدّيه )

اليتيمه .. لا تكفّل بها العود المحيش
فـ العيون أطيب من إللي يسدون الدّيه

[ابلج @_ABLAJ]

وإن شئت تصفح شبح عينك مني
فالداء من عينك دواء الدائي

[ابلج @_ABLAJ]

حطني بين المعنق وبين الخوختين
و أنثر السود الجدايل علي و فلها

مالك إلا تم ، و أبشر ، وحنا حاضرين
ليلةٍ وحده ، و تسوى الليالي كلها

[ابلج @_ABLAJ]

الشعر .. يلمع على الضي من قوّ .. الشقار
" بشت أميرٍ توّ أمير الرياض مومّره "

لانسفته ذيل صفراً تحت طلااااااااب ثار
توّ جت من فوق جرف المسيل مطمّره

[ابلج @_ABLAJ]

على كل كسرة خاطر وكل جرح شعور
تمونين .. وقلوب المحبّين .. دمّاحه :)

[ابلج @_ABLAJ]

@xx78028 @bajad_1 ما على البل خلاف وعزها لا يزال
دام باقي عتيبيٍ يجر نفسه

[ابلج @_ABLAJ]

تغطَّي يا مال القوم ي ام العيون الخرْس
ترا روس خلق الله من الحر منطشّه

وحنّا بـ مستشفى ما حنّا بصالة عرس
تعابى وفينا ضغط وقلوبنا هشّه :)

[ابلج @_ABLAJ]

صباح الخييير :

النوم سبّاي المراجل والأرزاق
يا قل نوم مدورين المكاسيب

[ابلج @_ABLAJ]

لاتنتظر يوم الحشر لصار لك حقٍ تباه
ترى الضعيف اللي يخلي حقه ال يوم الحشر

ولتعلموا بإن الضمير الحي هو سر الحياة
مع كونه وحدة قياس الأنسنة عند البشر

من دونه أبن آدم وحواء لو تعلى مستواه
أسف على التعبير يصبح كلب ابن ستة عشر

[ابلج @_ABLAJ]

اللي تبينه على خشمي و جعله فداك
و الطعنة اللي تجيني من يدك جايزة

إن كان هذا تغلّي ؟ ما يغرّك غلاك
و إن كان هذا تحدي فـ أنتي الفايزة

[ابلج @_ABLAJ]

ألذّ من طعم الغلا وأمر من طعم الصدود

[ابلج @_ABLAJ]

حب اللي مكانتها ماهيـب ايّت مكانه
لو يقال ان حبها عيب اتشرف فـِ عيوبي

دانةٍ وحده وفي عيني تساوي كل دانه
كل ماهب الهوى من صوبها هبت هبوبي

و الهواوي .. ما يمل من الهوى و اتبعانه
وان غديت من الهوى لبى عيون اللي غدوبي

[ابلج @_ABLAJ]

زلت اناقش خفايا الروح واسألها
الحاجه اللي تعوِّض غيبتك وش هي ؟

[ابلج @_ABLAJ]

غرني منسب خواله وعمه والجدود
ما دريت إن به ردين من صلب اجودي

[ابلج @_ABLAJ]

كل ما ذقنا مرارتها طمعنا في حلاها
" الإصرار في تهوين مشقَّات الحياة "

[ابلج @_ABLAJ]

فيه أمورٍ .. ما يجوز العذر فيها والتغاضي
لا وصلنا عندها حطيت قلبي تحت رجلي

[ابلج @_ABLAJ]

فطمتني عن سواها وخلتني قنوع
ما بعد حبيت لي نفس من حبيتها

[ابلج @_ABLAJ]

صبباح الخير اما بعد :

والله ما ياصل الحروه و يبلغ .. مرام
ياكود من حط في كبد النجوم هدفه

[ابلج @_ABLAJ]

@_3jim ماغييير والله وادي العجمان واد
اهيم به من مشرقه لي مغربه :)

[ابلج @_ABLAJ]

@bn_mq7s 😂😂😂😂

[ابلج @_ABLAJ]

إذا قالت لك حبيبتك ليه ما تتزوجني ؟

لا تصمت قل لها :

"عيّوا عليك الحرار مشرعين البيوت
صوارمٍ في مجالسهم يفوح الدسم"

وعذرك سمين 🏃🏻‍♂️