AH

AL-ANSARI

[AH @_ABY2]

"كلنا لله راجعون ، فـ اللهم أصلحنا وأحسن خواتمنا وارحمنا يوم لا يُسمع لقلوبنا نبض".

[AH @_ABY2]

يالله لا تجعلني مهاجر من هجير إلى هجير
عبدك وغفرانك ومرضاتك هي اكبر مطمعه

الروعة من الذنب ما تستوطن إلا فالضمير
وعلاجها والله ملذات الخشوع وروعته

خوفٍ من اللي جنته جنه وناره زمهرير
ولا بغى المسلم من الوحشه يهدي روعته

[AH @_ABY2]

كل ما أذنبت وتذكرت غفار الذنوب
تنغرس بين الجوانح قواطيع رهاف

والله لا فيني جهاله ولاني بمغصوب
غير يشعاني من أبليس وأعوانه شعاف

انجرف للهو والغي واللحن الطروب
وان سمعت الله وأكبر خفق قلبي وخاف

يالله اغسلني بعفوك وشد ازري بتوب
ساعة طاحت دموعي على صحن الطواف

[AH @_ABY2]

لا زال عندي رجا بالله وعندي يقين
ان كل حاجه بتجيني على وقتها

الله تعالى يقول ﴿ وبشر الصابرين ﴾
و الآمال بالله عز وجل ، علقتها

أرجيه : بالراحه اللي غادرت قبل حين
من شهرين إلى ثلاث شهور ما ذقتها

وأرجيه : يجعلني من عباده الصالحين
اللي تصلي الفروض الخمس في وقتها

[AH @_ABY2]

يارب يامنجي نبيك من الحوت
سترك وعفوك يوم كشف الغطايا

يارب تهديني قبل لحظة الموت
وتغفر ذنوبي ياكريم العطايا

أشكيك هم داخل الصدر مكبوت
وايامي اللي بالخطايا ملايا

يارب ياقادر على كل طاغوت
لاياقف اللي وحدوا بك خزايا

رحماك لامنا صحينا من الموت
واليا وقفنا عند بابك عرايا

[AH @_ABY2]

لي مكان ولي مقام واسم سامي
وسيرتي ماهيب حي الله سيره

[AH @_ABY2]

من جور الايام محدٍ يقدر إنقاذي
الا انت يا منقذ يونس من الغبّة

من كان قلبه على الصدمات " فولاذي "
لا يشتكي للبشر .. يشكي على ربّه

[AH @_ABY2]

ياراع الوساع السود ياناسع الخمري
علي الحرام اني على شوفتك ضامي

جمال الخصال اليوسفيه يغلب امري
عذابٍ على من حج لله ومن صامي

ياراسي وياصالب عظامي وياعمري
يجيني بلا لا شفت صورتك قدامي

اشوف الحياة اللي يغني لها القمري
على حاجبيك السود في دمّك الشامي

[AH @_ABY2]

تبيني اللي تمدّن فـ المدينه وضاع
ولا ابدوي ما شعاه الا غلا ناقته

أنا معك بالدروب الا دروب الوداع
لا تذوّق النفس شيٍ مابعد ذاقته

[AH @_ABY2]

وش قيمة سلاحي ليا قابلك يالسحر المباح
كم عالمٍ من نظرة عيونك زهقّت أرواحها

لا والله ان سلاحي اللي في يدي ما هو سلاح
انشهد ان الموت منها و ( السلاح سلاحها )

[AH @_ABY2]

تكفيني المدحه من الوافيين وقروم الرجال
ولي الشرف كان المهبل والرخوم تذمني

[AH @_ABY2]

يارب انا العبد الضعيف المستجير
اذا شبعت اعصي وليا من جعت طعت

ثبّت خُطى رجلي على الدرب المنير
وانا على عهدك ووعدك ما إستطعت

[AH @_ABY2]

معطي غيرك تقاليد المطوّع
وانت تمزح فالحشا والقلب راضي

[AH @_ABY2]

يارب تغفر ذنـوبي قبل يوم . . الحساب
أجحفت في حق نفسي وأنت عفوك عظيم

أفزّ لا من ذكرت إنِّك شديد العقاب
وأهدأ إلى من عرفت إنِّك غفورٍ رحيم

[AH @_ABY2]

في زحام المغريات وليلها المتمادي
من ترك لله شيءٍ عاضه أبرك منه

يالله أعصم من محابيل الحرام فؤادي
عصمةٍ تاخذني بيمناي لين الجنة

ياعظيم الملك وأنت المستعان الهادي
باب جودك جعل مانيب محجوبٍ عنه

كل ظنٍ في سواك من الخلايق غادي
وأنت عبدك عند ظنه لا أحسن بك ظنه

[AH @_ABY2]

عشت عمري مصدر إعجاب الكثيرين
وماهزني في رحله العمر . . غيرك

[AH @_ABY2]

عاشقك دوّنك بالهجري وبالميلادي
هايمٍ في حب تاريخك ومجد شعوره

يا هناي المستديم وغايتي و مرادي
كل عام وجيش حبك رايته منصوره

[AH @_ABY2]

منقيه ابن سعود جتكم طوابير
تفرجوا بالزين يا اهل المزاين

ذود الوطن ماهي بذود المغاتير
ذود ٍ علفها راس مجرم وخاين

[AH @_ABY2]

شي ما تصونه لا تحوم حوله

[AH @_ABY2]

مرحبا يا أطهر من الدمع في عين اليتيم
لا لمح زول أمّه و قام — يجهش في بكاه
ㅤ
مرحبا يا أصفى من البدر فاللّيل العتيم
يا ألطف من الماء ليا سار فالجوف ورواه
ㅤ
مرحبا يا أغلى من الصيب في عين العقيم
يا سبايب فرحة القلب . . لا طوّل عناه

[AH @_ABY2]

قلبي سنافي ماهوب ادانت ماجابه
ما جابه إلا قرامة قلبك النشمي