المضحك المبكي في مسودة #قانون_الأسرة
بدل حل مشاكل الرؤية وينهون النزاع زادوا الطين بلة وفتحوا باب لقضايا وإجراءات جديدة!
والمسودة فيها أكثر من ثغرة تقدر الحاضنة تستغلها لمنع الأب من رؤية عياله حتى لو كسب حكم بالرؤية!
يعني يظل الأب رايح راد بالمحاكم ويتعرض لكسر الخاطر والمذله لين يمل ويترك حقه بشوفة عياله
والقهر اذا قرر يشتري كرامته وراحته وما يطلب تنفيذ الرؤية ممكن يتعرض للمساءلة!
وين الحقوق اللي كفلتها الشريعة الإسلامية؟
بالله هذا قانون يحمي الأسرة ولا يزيد تفككها؟!
المحامي صلاح العلاج: بنات يسبّون أبوهم والأم مستانسة.. شالتربية وشهالأخلاق؟!
أقول لكل أم تحرم الأب من عياله: الطفل مو ورقة مساومة! اتقوا الله.. حسابكم عند رب العالمين.
خلّوا عنكم قانون الأسرة وغيره.. أمركم إلى الله، وهو اللي يحاسبكم على هالشي.
الطفل شذنبه ��نحرم من شوفة أبوه؟ لا تخلّينه ورقة مساومة.. خلّي الأب يشوف عياله وبناته.
قسمًا بالله، شي يدمي القلب.. عندي رياييل يبكون بالمكتب. تخيّل أب يسمع ولده يقول إنه ما يبيه!
بنات يسبّون أبوهم، وولد يسمّع أبوه كلام بذيء، والأم مستانسة.. شالتربية وشهالأخلاق؟!
إنتِ ما حرقتي قلبه وبس.. إنتِ دمّرتي أب. وإذا قاعدة تربّين بنتج على هالأسلوب الواطي، شلون تبينها تطلع؟
يا اللي تمنعين عيالج من شوفة أبوهم، ترى في شي اسمه برّ الوالدين.. إنتِ قاعدة تحرمين عيالج من الجنّة.
الله سبحانه وتعالى يقول: ﴿وَبِالْوَالِدَيْنِ إِحْسَانًا﴾. والوالدان هم الأب والأم.. وين الأب؟ وليش ما يشو�� عياله؟
ريّال يقول: «أبي أشوف ظفر ولدي، ولو ببيت خواله أو بالديوانية، وأسولف معاه».. والحريم يرفضون!
تنطرون قانون يقضبكم؟ اتقوا الله.. الله فوق، وفي حساب ��عقاب، وهالعيال برقبتكم.
#الكويت #قانون_الأسرة #قانون_الأحوال_الشخصية #مراكز_الرؤية #حق_الطفل_في_رؤية_والده #الطفل_مو_ورقة_مساومة #بر_الوالدين #صلاح_العلاج