محمد صالح الرسلاني

اللهم أرحم جدي حمدان سوعان واغفر له

[محمد صالح الرسلاني @_M3nzi]

تبي تزين الامور .. وينشرح صدرك
العسر بعده يسر .. لو طالت المدّه

اظن بالله ( ظن ) الواثق المدرك
مهما تضيق الصدور .. وتكبر الشِدّه .

[محمد صالح الرسلاني @_M3nzi]

طلبناك ياللي تمهل العبد لين يتوب
عطاك الجزيل وتكتب لـ عبدك الجنه

وعلمٍ جميلٍ ينذكر لي و قلّ ذنوب
واجي عند هقوات الرفيق وحسن ظنه

[محمد صالح الرسلاني @_M3nzi]

اعترف بـ انك زعيمة خافقي واشهد شهاده
انك الدنيا بعين اللي يشوفك نصف دينه
.
كيف يغرق فالدموع المالحه.. سكّر زياده ؟
وكيف تشكين القلق وانتي من اسباب السكينه ؟
.
اقبلي لي… لين اشوفك زين واشوف القلادة
تلعب بجيدك.. تغيظ الزينة اللي فالخزينه .

[محمد صالح الرسلاني @_M3nzi]

ان حزنتي ما بقى عندي ولا مصدر سعاده
كيف ابلقى شي يسعدني ليا صرتي حزينه؟
.
تصبح الاصوات خرس وتصبح الالوان ساده
واشعر اني فالخلا الخالي لو اني فالمدينه
.
يوم اشوفك ترحلين وخطوتك تبعد زياده
كني اللي ما ركب مع نوح في ظهر السفينة

[محمد صالح الرسلاني @_M3nzi]

@klhashal بركه والله يتمملك ع خير يابو عبدالله🌹🌹

[محمد صالح الرسلاني @_M3nzi]

أنتِ ياللي مثل فجرٍ جايب شعور السكينة
جا يطمن كل ساهر ويبعد الضيق بثواني

[محمد صالح الرسلاني @_M3nzi]

يارفيقي ليت ماهي بدايات اكتئاب
عقب ماكنت اجتماعي نشوفك منطوي

لك سنه ما جيت مجلس ولا فكيت باب
مامعك لمقابل الناس دافع معنوي

ادري ان الهم في صفحة المومن ثواب
مير انا يوجعني الضعف في وجه القوي

كانها من مال يفداك مالٍ فالحساب
وكانها من حِمل ف ارمه على متن الخوي

لـ جمال بندر

[محمد صالح الرسلاني @_M3nzi]

مايموت الود لو مات الكلام
لك مكان وذكريات ولك شعور

منت عابر في حياتي والسلام
انت حتى في غيابك لك حضور

[محمد صالح الرسلاني @_M3nzi]

تحاربت انا والحظ حربٍ بدون سيوف
على مطلبٍ مدري متى الحظ بيجيبه .

[محمد صالح الرسلاني @_M3nzi]

كلٍ يشوف انه سليم الاعتقاد
وان الله الهادي و هو المتهدي
.
البخل في عين البخيلين.. " اقتصاد "
والضعف "حكمة" في عيون الاجودي
.
واسهل عمل للفاشلين.. الانتقاد
كلٍ يسب اهل الردى حتى الردي
.
حتى الجبان يصير طارق بن زياد
اليا جلس على البساط الاحمدي

- جمال بندر

[محمد صالح الرسلاني @_M3nzi]

محمد بن فطيس :

ما نسيتك كيف أبنساك ما دام
ذكرى الفراق تهزني لو نسيتك

كِنْ العيون من النظر عقبك أيتام
وكِنّي ماريت إلا أنت من يوم ريتك

وكِنِّكْ معي وأنا فقدتك من أعوام
مع الخَيَالْ ألقاك كِنِّي لقيتك

[محمد صالح الرسلاني @_M3nzi]

اعزّ نفسي عن غثَى الناس واصد
ورفعت راسِي عن مذلات الإهانه

ماهو انا اللي يخلَط المزح بالجد
ولاني من اللي يستغلُون الميَانه .

[محمد صالح الرسلاني @_M3nzi]

تعيش يا راسٍ عن الحق ما مال
ثابت ولو جارت عليك الليالي .

[جمال بندر @JamalBander]

بالله من يسوق البشارة لبشار
ان القصور اللي بناها تهاوت
.
وان صورته ما بين رجلين ثوار
قامت تشاوتها النشاما مشاوت
.
ماهو غريب ان لم حاجاته وطار
راس الجبان وروسهم ما تساوت
.
اللي رقبته واصله ستة أمتار
ما بينه وبين النعامة تفاوت
.
.

#سوريا_تتحرر
#بشار_الاسد

[محمد صالح الرسلاني @_M3nzi]

@sa37x3 بركه ومنها للاعلى🌹🌹

[محمد صالح الرسلاني @_M3nzi]

لي مدةً و انا عن المجتمع صاد
أخفي طعون الصدمه اللي تموّت

عفت العرب والدار والنوم والزاد
واقنعت واخيام الهقاوي تطوّت

الفرصه اللي خير من الف ميعاد
فاتت و هي مفروض ما تنتفوّت

وامسيت اردد كل ماوحيت نشاد
الله على الأيـام و شلون سوّت

[محمد صالح الرسلاني @_M3nzi]

ترا مازلت أحبك حتى وحنّا بعاد
يا خوفي منك وعليك يا خوفي

أبيك تحس فيني بس مالله راد
ماراح تحس لين تمر بـ ظروفي

واذا ماحن لي قلبك شسوّي عاد
ما بكفوفي سوا تلويحة كفوفي

[محمد صالح الرسلاني @_M3nzi]

@F_Alenezii_ ياسلام صح الله لسانك يابو قمر😂👏🏻

[محمد صالح الرسلاني @_M3nzi]

هو لقى له قلب عقبي له ذرى
او غدى مثلي من الفرقا وحيد؟

[محمد صالح الرسلاني @_M3nzi]

شي بصدري لي زمانٍ مخبيّه
ودي أقوله بس و شلون أقوله

أخاف لا جيت أتكلّم و أبديّه
يُفهم على مفهوم ماهو بحوله

أبطيت ساكت و الصدر فيه ما فيه
و قصرت عن شيٍ تمنيت أطوله

أقفيت عن حلمٍ قضى عمري أرجيه
في موقفٍ فيه الهزيمه بطوله

تدفعني أوجاعي على شي مابيه
و يردني عزٍ تصاهل خيوله