بونجوم

وتذكر يوم اعذرك وانت لا صادق ولا معذور):

[بونجوم @_Mro40]

أنا هُنا لقضاء وقت الفراغ ، لست هُنا
للتعارف أو لتكوين علاقات ، أتمنى التفهم .☑️

[بونجوم @_Mro40]

في كل صبح أقوي النفس وأقول
اللاش يقعد والرجال اتخارَج

يالله برزقٍ من يدينك على طول
عطا عطا لا سعي ولا مدارَج

ايعقل اللي كان ماهوب معقول
وايخلي كبار العلابي تهارَج

[بونجوم @_Mro40]

أنا أكبر من التلميع والبهرجه والزيف
لا غبت أنفقد وإن جيت؟ ربي مجمّلني

[بونجوم @_Mro40]

يثور من الزعل في كل ليله و الفجر يرضيه
يحس إن الصباح مسامحه عن جملة ذنوبه

أحب من السوالف ما يقرّب غالي لـ غاليه
و أعاف من السوالف كلمةٍ ماهي بـ محسوبه

[بونجوم @_Mro40]

ومع بداية كل عام هجري جديد نستذكر بيت المسعودي رحمة الله عليه :

نهاية يوم ذا الحجة بداية ليل من عاشور
هــلا يامرحبـا والمملكــة بأحلى لياليها

#عام_هجري_جديد_١٤٤٨ه
#عبدالله_المسعودي

[بونجوم @_Mro40]

أقفيت والدنيا متاهات وظروف
وفراقك أسرف فالضلوع ونحتها

بعدك ما عاد أميّز الناس وأشوف
الناس فوق الارض ولاتحتها

لا أحس بالراحه ولا أحس بالخوف
مشاعري كل الظروف جرحتها

والذكريات اللي لها شان وطيوف
ذكراك من يوم الوداع مسحتها

مال البشر في نعمة العمر معروف
أن سبّت الإيام ولا مدحتها

[بونجوم @_Mro40]

مابارت اهدافي لو إن الزمن بار
العزم مثل البحر ماله نهايــه

ذقت الخساير و العزاير و الأمرار
وسقت العمر كله على شان غايه

مايصنع التاريخ من هاب الاخطار
ولا رقـا في قمّة المجد تــايـه

ولا يعلم الانسان عن بعض الاقدار
يمكن بعد خط النهايه بدايـه

[بونجوم @_Mro40]

عيدكم مبارك..

تقبل الله طاعتكم ..

وكل عام وانتم بخير..

اخوك/ بونجوم

[بونجوم @_Mro40]

درةٍ فيها من الغطرسـه شيٍ عجيب
الردي ما تّقرب أرضه ولا تقرب سماه

ما تجي في ذمة اللاش لو أنه قريب
لو تبيع الكون و الناس و تبيع الحياه

تفرق الطير المضرا من الطير الربيب
السنافي تشعفه و الردي تكشف رداه

حرةً ما تعشق إلا أبلجٍ وصله صعيب
التعفف عن محبة سواه " أكبر غناه"

[بونجوم @_Mro40]

لو يحاول الشايب يكافح ظهور الشيب
تدور الليال وتكشفه عشر ذي الحجة

[خلف المسحمي @Saucius]

'

يارب ذوقني بعد همّي .. ملذات القنوت
حتى تصير بـ عيني الدنيا و اهلها ، مرحله

مؤمن بـ ان الفرصه الي تنكتب لي، ماتفوت
والرزق بابٍ بـ آخر المشوار .. ما استعجله

والله م اسال حاجتي عند المناصب والبشوت
مدام ربي يقضي اللازم على من يساله

وقفت في وجه الزمان المُر و بـ عزمي ثبوت
ماهمني لو ان صكات العمر مسترسله

ماطحت غير فـ حب عذرى من ملكها مايموت
الا بـ وسع عيونها .. ولا يموت من الوله

عيّشت عقلي طول مسراها بـ سكرات البهوت
و حملت قلبي من شعور الحٌب مايستحمله

عقب انقطع حس المواصل واللقى صوره وصوت
ماكنت ادور حل .. كنت ازيد شر المشكله

عن الكلام اللي يرد الحب؟ ، فضلت السكوت
قد قالو ان الصمت لحظات الفراق الاوله !!

[بونجوم @_Mro40]

مابين الصعب ، وبين الخوف ، والتجريب
أحاول ما أميل بيوم ولا تتشرد افكاري

أمرّ بمرحلة صح ، أو خطا ، صدق ، أو تكذيب
كأني تايهٍ في شي ولاني عارف أقداري

أنا يارب ما أدري وش اللي ينكتب بـ الغيب
ولكن رحمتك اكبر من الي فيه أنا داري

[بونجوم @_Mro40]

علّم الجهال لاتحسب الدنيا عروس
كم صبيٍ يوم زانت بعينه خلّته

-مطلق الثبيتي (رحمه الله)

ياحليل العافيه ياصاحبي والعمر فاني
لو تطول وتنقصر دنياك ماتلحق مداها

-مستور العصيمي (رحمه الله)

[بونجوم @_Mro40]

حاول انك بالحياة تصير واضح و انتقائي
بالكلام وبالقصيد وبالدروب .. وبالرفاقه

[بونجوم @_Mro40]

الكلام مصيب لاصار السكوت مصيبه
والسكوت مصيب لا صار الكلام مطمه

[بونجوم @_Mro40]

امر ناسن وهي في القبور مدفونه
اجلس ودعيلهم وانا خطري شين

وقفي عن ناسن وهي بالأراض موجوده
مالهم في بصمة الحق عدلن و برهان

[بونجوم @_Mro40]

ياغلى محطات عمري واجمل اقداري
صديت عنّك وانا ادري ماعنّك صده

البارحة جابك الطاري وانا الطاري
لا جــابك اقدرّه واغلــيه واودّه

وش حيلتي في عيونً سيلها جاري
من خلفها الوصل كنه يلوّح بيده

مانيب داري عن شعورك لكن داري
انك تنشد علي من .. مده لـ مده