علي آل عمره .. ‏

" يالواحد .. الِواجد "⠀ ⠀

[علي آل عمره .. ‏ @_Q3Q4]

﴿ ادخُلُوا الجَنَّةَ لا خَوفٌ عَلَيكُم وَلا أَنتُم تَحزَنونَ ﴾
اللهُم أجعل أبي من أصحاب هذه الآية .

[علي آل عمره .. ‏ @_Q3Q4]

صـباح بعنوان :

كن العمر قبلك حظوظه بخيله ❤️

[علي آل عمره .. ‏ @_Q3Q4]

انتِ محطة عمر ما انتِ محطة عبور
تاقف عليك الحياه .. وتبني آمالها ❤️

[صالح بن حمد @9alehAlhawal]

أعذب مْن النسمة اللي تطرق الغصن المنَدِّي ؛
الصباح اللي شروقه في سماك، وفوق بيدك !

يا صبا طيشي، ومرَبْى والدي، ورْمال جدَّي ؛
عاد عيد شْعوري اللي في هواك، وعاد عيدك 🇶🇦

- حفظ الله قطر من كل سوء، وأسبغ عليها نعمه ظاهرةً وباطنة، وأدام عليها الأمن والأمان والاستقرار وسائر بلاد المسلمين.

[علي ال عـكروم @er6_6]

موحش العمر، والتفكير في اللي يليني
يشبه الإنتصار اللي بطعم الهزيمة

ادري اني شجاع ونجدتي من يميني
وادري ان الصبر مفتاح باب العزيمه

لو على أدنى مصيبة تنزل دموع عيني
كان ما صار لـ دموع الرياجيل قيمة

[علي آل عمره .. ‏ @_Q3Q4]

فوضى مشاعر ، وصدق وتضحية والتزام
بياعته فـ المساء ، فـ الصبح شرايته

جيتك : مجي الكرام ، إللي تحب الكرام
و اخترت ، دربً توقف ( عندك ) نهايته !

إن كان جيتي ، مجيك فوق صدري وسام
وإن كان رحتي ، ( فمان الله ) ورعايته :)

[علي آل عمره .. ‏ @_Q3Q4]

طيفك هو المرحبا والمسهلا والسرور
وشوفك هي المنوه اللي صعب تحقيقها

لك الغلا والتفاني والشعر والشعور
وروح تشوف ان وجودك ضمن توفيقها

وقفت بين احتياجي لك وبين العبور
وما بين شرهات الاحباب ومواثيقها

من كثر ما اشوف وجهك في وجيه الحضور
صرت اقبل وجيه ناس ٍ كنت ما اطيقها ):

[علي آل عمره .. ‏ @_Q3Q4]

يا اخر غرامي لو انك ما انتي اول غرام
لكن معك ما بقى لـ ايام الاحباب دور

خلاص حبك هو اللي صار مسك الختاام
اثر البدايات بعض احيان نقطة عثور

يا جعلني ما انحرم وصلك لو إنه حرام
امنت بـ اقدار حبي لك وربي غفور

غيابك ايحطني بين العتب والملام
واضراره اتزيد لا زدتي تمادي وجور :)

[علي آل عمره .. ‏ @_Q3Q4]

تسرّيني أنسام الهبايب على ذكراك
عساي اهتدي للمفرق اللي يدل إليك

[علي ال عـكروم @er6_6]

كل ما هب ريح .. و جابك الطاري
راودتني عليك النسمه العطره

لو قدرت اقنع النسيان بــ اعذاري
كيف بقنع وفاي اللي على الفطره

[علي ال عـكروم @er6_6]

واعلم بأن العمر ينقص مايزود
واللي يفوتك منْه صعْب ترجّعه

ولا تنْظر لماضيك .. لأنّه مايعود
فكر بحاضرك الجديد .. وسنّعه

وأبذل عشان أحلامك أضعاف الجهود
وباب الأمل ،، بين المحاني شَرّعه . .

[علي آل عمره .. ‏ @_Q3Q4]

تمايل بين حدبات الضلوع اللي تعد خْطاك
وهبتك كل ما املك من شع��ري ووجداني

مَعاذ الله من عمرٍ يطول وما قدر يزهاك
ومن ذكرى تسرّيني ومن خوفي وتحناني .

[علي آل عمره .. ‏ @_Q3Q4]

احبك كل ما تفنى دموع ويبتسم شبّاك
��طل مْن السما وجهك وتزهر قاع قيفاني

واغنيلك واخاف استنزفك وابكي على ليلاك
وانا لولا عيونك ما عشقت وجيتلك عاني

انا اشهد لا جمال الا " معالي بسمة مْحياك "
وذا عرشك ولا تبكي على منغومة الحاني

[علي آل عمره .. ‏ @_Q3Q4]

حمدتك على خير وحمدتك على مكروه
وسبحانك اللي لا ألتجى عبدك، أنصفته

أجي لك بـ وجهٍ ساير الناس ما شافوه :
علشان [ وجهٍ ] ساير الناس ــــ عارفته

[علي آل عمره .. ‏ @_Q3Q4]

لو قضيت الوقت أقارن بالبشر وأجرّب
كل وجهٍ لو أصفه جنب وجهك؟ عادي

لك مسيرة بالجمال وبالحسن متشرّب
هايمٍ بك يا حبيبي قبل أطب الوادي

لو يصير اللي يصير وجيتني متغرّب
قل زبنت اللي أحب وبالضلوع بلادي

[علي آل عمره .. ‏ @_Q3Q4]

من يقول الحب له يوم احتفال
بك فؤادي يحتفل في كل يوم .

[علي آل عمره .. ‏ @_Q3Q4]

تحفةٍ فـ الارض تـمـشـي ، وللـه الكمال
لـ الله الابـداع فـيـها .. وفـي تـدبـيـرها

عن بنات آدم وحوّا ، خذت كل الجمال
كـن مـا لـ آدم وحوّا .. بـنـاتٍ غـيـرها !

[علي آل عمره .. ‏ @_Q3Q4]

احتمال الواحد يشيل فوق الاحتمال
واحتمال يصير حاجه يحب يصيرها

كل واحد له مزاجه ، وكلن له مجال
العقول تميّز اوزانها . . تفكيرها

لكن اللي مستحيل ومحال ومستحال
آيـةٍ بـالارض ، نـعـجـز على تفسيرها

تجتمع فيها النوابغ ، وتعجز من سؤال :
دامها من طين وش فرقها عن غيرها ؟

[علي آل عمره .. ‏ @_Q3Q4]

شيّ من وحي الانوثه ، ومن وحي الخيال
صـورةٍ سـبـحـان مـن يبـدع بـ تصويرها

اثر مـن لا شـافـها ؟ مابعد شاف الجمال
جـادلٍ فـي ظـل اهلها .. ما غير اديـرها :)

من كسب منها رضاها ومن تعطيه بال ؟
عاش عمره في رغدها .. واكل من خيرها

[علي آل عمره .. ‏ @_Q3Q4]

يا غناة القلب يا مدهل الصدر الوسيع
يوم صدر الشاعر الذرب محدً يدهله

جيّتك تكفيه عن جية العالم جميييع
ق��فل مخرج مكانك و قافل مدخله

انت شوفك خير و امطار و سيول و ربيع
و شوف غيرك مثل شوف الديار الممحله

[علي آل عمره .. ‏ @_Q3Q4]

يوم أفز لشوفتك وافرح واحث لك الركايب
كنك الماء اللي تفز لشوفه:البدو المحيله

اعشقك عشق الطفل وأقدرك تقدير شايب
واحتويك عن الليالي اللي سوالفها بخيله

مادريت الا بعد مارحت مرواح الذهايب
ومرّك"اسمي"لين عيت ضحكتك لاترتكي له

[علي آل عمره .. ‏ @_Q3Q4]

فاقدٍ سمعي (هلاه) و (مرحباه) بلا سبايب !
وواقفٍ صوتي على آخر سالفه.. لحظة رحيله

يوم تتركني وأنا وجهي من الأيام .. هايب !
وانت ماكانت تهيّبك .. المسافات الطويله !!

لين مرّت ليلةٍ ..كنت انتظرها وانت ( غایب )
صبحها كنت احسب انه: (عاد عيدك ياجميله)

[علي آل عمره .. ‏ @_Q3Q4]

من نفض صدرك؟وعرض حزنك وجيه الهبايب؟
يوم كنت تجامل الضحكة في الأيام الثقيله

من ذكر معك البعيد ومن نسي معك القرايب؟
لين صرت اصحابه/وربعه/وغاليه/وخليله؟

من عطاك سنينه:اللي راح ماضيها نهايب؟
وقال:يا كثر ال��نين اللي معك لو هي قليله!