راشـد

في معزلٍ عن جميع الخلق وازعااجه

[راشـد @_RH66_]

@aaaaaaqau الله يا ذا موڤ

[راشـد @_RH66_]

حبيبتي لايق عليها الافتخار
اللي الحلا فعيونها وبفمها

كنها تخيّر فالصغار وفالكبار
واللي تود .. اتمّها ، بتمّها

اليا وقفت من حولها العالم اقصار
واليا جلسة لد الوضيحي يمّها

الوجه نوره يقلب الغدرا نهار
ومجدولها ضم القوام وضمّها

من زينها محتكره الزين احتكار
ومدخله زين البني في كمّها

يهمّا سمعة متيهة البكار
واللي ماهم جدودها ماهمها

وانا الوحيد اللي تهنا بختصار
قالت لي انت ابو الامور وسمّها

تلعب بإحاسيس المحبين القمار
وتفل شرطان الغلا وتلمّها

بنت امّها عند المهمات الصغار
ووقت الشدايد ما هي ببنت امّها

اليا اعتلوا خيالة الصفراء المهار
على اسمها الشيخان ينثر دمّها

-

[راشـد @_RH66_]

علقتني فيك . .. رغبة نفسي الأماره
ولا أنا ماني بصوبك وانت ما انت بصوبي

قد سمحت من الزمان و مجريات اقداره
لين مالله عاضني عن شفي ومطلوبي

يفرض الواقع علينا الحب ، مانختاره
وأنا ما أكذب عليك إني معك يادوبي

اخذني تفدا خطاك ، الخطوه المحتاره
معك يا ماعذب مشاويري وحلو دروبي

فإن تقاسمنا الغلا عشنا على تذكاره
وإن تبدّل ثوبك .. الله لا يبدل ثوبي

حاسب حساب الجفا منافعه .. وأضراره
وأدري إن ماهوب يسوى توبتي بذنوبي

لاتصدق بي كلام مدروين الشاره
وأنت ماحبيت فيني شي كثر عيوبي

السهر يفقد بريقه .. لا فقد سمّاره
والليال تغيّر المحبوب يا محبوبي

لو تعرف القلب وش يحملك من اسراره
كان ياللي جيتيني تختال ، جيت تحوبي

-

[راشـد @_RH66_]

أغرق معاك ولا أفكّر في النجاه
ماعاد تغريني الحياه ، وطيشها

لولاك ما حسّيت في طعم الحياه
انت الحياه اللي أحب .. أعيشها

[راشـد @_RH66_]

يامالكة قلبي من الجال للجال
تربعي لاقصى مداه ومحيطه

لك بالغلا والحب والود مدهال
فتحت لك قلبي وقصي شريطه

زينك طبيعي ما على زينك جدال
ياكنزي اللي راسمه فالخريطه

غيرك من الخفرات ماراق للبال
لو عرضن قدمي بحيله سليطه

أنتي ترا في وجه شاعر ورجال
يشوفك أجمل ما خلق فالبسيطه

-

[راشـد @_RH66_]

هذا أخر لقاء ، واول محطات الاستنزاف
مكانٍ كراسيّه .. تسولف عن اشواقي

عطيته سنين وقلب وابيات ما تنعاف
ورجّع لي ابياتي . . ولا رجّع الباقي

انا بآخر ايامه سمعت الكلام الجاف
وكذبت سمعي لو تشهد له احداقي

وبعد ما نطق في تالي الليلة اسمي .. حاف
عرفت انه العربون في ليلة فراقي

-

[راشـد @_RH66_]

@besh_nay الله الله

[راشـد @_RH66_]

@mtrqxs 🫰🏼

[راشـد @_RH66_]

النايحات إللي على الشرفه تنوح
موالها فـ القلب يبني .. و يهدم

ماتدري إن المستمع كبده تفوح
فيني مشاعر لاتحسب إني صنم

في كل يوم اودع انسان و طموح
و اقول .. كلً له من الدنيا قسم

ماعاضني كثر المسامر و المزوح
يا فاتنه ما تاتي بـ حبة خشم

سماحة محياك .. خلتني سموح
مع إني من الضيق ماجر النسم

أحيان أحس إني جسد مطغيه روح
و أحيان أحس إني بلا روح و جسم

يعني ليا شفتي لـ دمع العين ضوح
تقمّصي شخصية الصم البكم

إحترمي جروحي لاطريت الجروح
لو قدك المياس ماهو محترم

-

[راشـد @_RH66_]

طيبة الخاطر مالها رجوُع ونهاية مؤسفة ؛

حتى لو جابتك الاشواق .. صوبي
أنا أعتبرتك مت من ضمن الأموات

واحياناً الغيبه تعيفك الشخص اللي غاب عنك ؛

حاشمك من رجعةٍ ماضيك أجمل منها
من متى؟ والغالي اللي راح يرجع غالي

👌🏼

[راشـد @_RH66_]

مافيه إجابه شافيّه من بعد ليه
يقوله اللي كل ما استاجع جحد

فيه اسئله تحتاج للعذر الوجيه
وفي اسئله تحتاج للواحد الاحد

ما عاد ابي واجد من اللي كنت ابيه
كفّنت رغباتي واهلها في اللـحد

حتى اللي الايام ' بتوقف عليه
أثبت لي انها ماتوقف لاجل احد

-

[راشـد @_RH66_]

@srh57145714 صح بدنك 🙏🏻

[راشـد @_RH66_]

تحاليت الجفا و اسرفت فالترحال
و انا صديت بعدك عن وجيه الكل

تشوف اني من الماضي و انا لا زال
اشوف انك عمر كامل و اشوفك خل

بعد ما كان لي صدرك ذرى وظلال
ادور في متاهات العمر عن ظل

ما خفت من الفراق وسيفه القتال
اخاف اني لا دورتك ما عاد ادل

فديتك مثل ما يفداك ضيق البال
ليا من صار عندك حل عطني حل

اسوق الرجل واوقف على الأطلال
وأعود والمحاجر من دموعي فل

ترى منهو يعذرب دمعة الرجال
على إنسانيته كبر ووض وصل

قلوب اهل الهوى كأنها قلوب اطفال
وأنا يا وجدي ويا تل قلبي تل

[راشـد @_RH66_]

@mtrqxs يمكن

[راشـد @_RH66_]

بـ أقتناعي لا عشقت أعشق و طبعًا
لا كرهت أكره بكيفي و أقتناعي

ذا أنا .. من يوم ما ربي خلقني
فطري بـ أحساسي ولاني بـ أصطناعي

عاطفي جدًا و كلي شاعريه
وأنطوائي كثير ؛ و شوي أجتماعي

وأنت بس ارجوك لا تزعل و قدر
مثل ما أراعي .. لزوم إنك تراعي

يعني لو ما كنت احبك .. لا أهزك
خلك أقوى من كلامي و أمتناعي

كلمتين .. وقلتها لك ألف مره
بس شكلك ضقت من كثرة سماعي

قلت لو أقدر أحبك .. بـ احبك
البلا ان الحب ماهو بمُستطاعي

ليت والله تطلب اللي أستطيعه
لجل تبقى دوم مسموعًا مطاعي

-

[راشـد @_RH66_]

@mtrqxs مافيه شي اشرحه واضح المعنى

[راشـد @_RH66_]

يامرتع القلب الحزين ومربّه ..

[راشـد @_RH66_]

من ارق النداءات ؛

يا باب قلبي وياقفله ومزلاجه ..

[راشـد @_RH66_]

يا حزن الغياب الدمع والجرح له طلاب
جريح الهوى.. تكتب دموعه معاناته

على قلبٍ ابطا عقب صدك وهو مرتاب
وعينٍ تخيط دموعها .. مع تنهاته

لا قام الموادع يطرق الليل بالغياب
يجيب السهر ذكراك ويبدد سكاته

عيون التجافي كل ليله تهل احباب
ولا خلت إلا جرح قلبي ودقاته

وعمرٍ ليا عدا نصيبه على المرقاب
يحول من الرجم المشرف لـ ضيقاته

تبعت السراب وتهت مع كنة الملهاب
أخاف الضمى ياخذ من العمر ضحكاته

فقدتك وأنا قلبي ليا مر ذكرك طاب
لو إنك تشوف الحزن في معظم ابياته

يضيع الدليل اللي ورا دمعة الكذاب
ولا يصدق إلا قلبٍ دموعه إثباته

ليا راحت الذكرى تسولف على الأهداب
وش يفك قلبي من حنانه وشرهاته ؟

لو إن قلبي اللي من محبتك يوم انصاب
رمى بندقه واستسلم لكسر راياته

غشيمٍ رمى عمره لحبه وصك الباب
وقفل عن سموعه مشاريه صكاته

ترا اللي يدور من غيابك وله وعتاب
مصابٍ يدور من معاديه منجاته

على كل حال إن كان جرح الهوى غلاب
يتيم الهوى تشعب طواريه سجاته

ليا راح صبحه عقب صدك جناح غراب
تمر الدموع وياكل النوح مشكاته

أنا معك طفلٍ بين دمعه وبين اغراب
ما يدري وش اللي صار والهم يقتاته

يتيمٍ يحاضي دمع عينه صرير الباب
قبل لا يقر بموتة أمه .. تلفاته

-

[راشـد @_RH66_]

تمام وبخير و أيامي معك في تمام
معك اشوف الفرح من غير لا اصايده

تسعفني عنايّتك من دافع الاهتمام
على كثر ما معاناتي معك كايده

لا تحقرين القليل اللي يجي ب الغرام
انا لو اقنع بصوتك طالع ب فايده

قلبي عليك انتي لحالك يرد السلام
ويعس جول الظبا ويشوفك القايده

إن مت فيك اشكرك على بلوغ المرام
حتى لو اموت فيك بجرعةٍ زايده

🤝🏻