صبيّح

...

[صبيّح @_Sabih89]

اذكر انه قال لي مره وش الحريّه
قلت عكس اللي لقيته منك يامحبوبي

[صبيّح @_Sabih89]

حاولت اطوف لكن الشوب والروب
ليتك قبل ضيعة كلامك سكتنت

خل المشاريه الكثيره على صوب
انا ما انا بـ اياي وانت امتحقتنت

[صبيّح @_Sabih89]

عطيناك سلمك فالمحبه وفالتقدير
وعطيناك سلمك فالجفيّا وفالصده

من يشوف نفسه غير ويشوف وضعه غير
عيون العرب ما شافته مثل ما وده

[صبيّح @_Sabih89]

ست سنين ما شفت بعيونك حدّة التجريح
كلام البارحه كم صار لك و أنتي تحدينه ؟

[فهيد الحماد @FhNalhammad]

أكثر الناس
تعلقا بالله
أكثرهم ذنوبا

[صبيّح @_Sabih89]

عسى الضيقة اللي كن ماني مع الجلّاس
فدا الضحكة اللي ماعرفت أتصنعها

[صبيّح @_Sabih89]

ياهون الجفى لا شافت العين ما تكره

[صبيّح @_Sabih89]

لا تخاف القلب قلبك و الطعون طعونك
و الحنايا رهن رمحٍ منك يا سيّدها

أجرح أذبح سو ماودّك ترى مجنونك
ما يواعد طعنه ألاّ جات في موعدها

ما أستعيد الذاكره لين أتهجى لونك
كنّي أدوّر بوجهك حاجةٍ فاقدها

[صبيّح @_Sabih89]

تعديت معه الحد والحبّ والمألوف
وأنا في غرامه صرت مؤمن بـ لا ملّه

تركت الكواكب خلف ظهري ولا لي شوف
سوى وجهه اللي شمس عمري تحت ظله

أحبّه محبّة من سكن في فؤاده خوف
على واحدٍ يغنيه عن عالمه كلّه

[صبيّح @_Sabih89]

امانه يا حبيبي لأجل عينك وش بقى ما جبت
لك القلب و لك ابيات القصيد و لك معانيها

معك كل الليالي فارقه حتى ليييال السبت
لو اني قبل اعرفك كنت واحد ما يييدانيها

[صبيّح @_Sabih89]

اي والله اني احبك وصايبني على حبك غلو
اشدّ من غلو التزام الدين عقب الهستره

- سعد بن جدلان

[صبيّح @_Sabih89]

أحسبك تيّمم بإتجاهي وين مايممّت
أثر لا انت وراي بالطريق ولا انت قدّامي

[صبيّح @_Sabih89]

وجودي عليه وجد من ودع الزوار
نهار الخميس وموعد اعدامه الجمعه

[صبيّح @_Sabih89]

من شرب من سم لذات الغرايم
مانفعه وصف الطبيب وصوت قاري

ان تبقينا على ذا الحال دايم
رحنا صيد ٍ في مخاليب العزاري

وانت عندي باشة الغيد النعايم
ضامرات الخو ترفات الثواري

درة ما هدفوها اهل الغنايم
تكسر البترول والسوق العقاري

يرتكب لعيونك القاضي جرايم
خل ملحقة المساريح المساري

[صبيّح @_Sabih89]

بنموت و الوقت ماخلا حركاته
مهوب يرتاح لين تثور عجتنا

[صبيّح @_Sabih89]

حبيبي و الغزل مهوب سنّه مستحبّه
و اكثر العشّاق لا تشره عليه ولا تريّع

حكمة الشيبان للرجال لا ادّا فرض ربه
الهوى ملح القلوب الخضر والبل ما تبيّع

تجمعك الايام باللي تكرهه و اللي تحبه
ولا لقيت اللي تحبه ضم فيه ولا تضيّع :)

[صبيّح @_Sabih89]

ياهلاً بك ولا تطري الوداع ..

[صبيّح @_Sabih89]

لا اله الا انت سبحانك اني كنت من الظالمين

[صبيّح @_Sabih89]

اللهم اشفِ مرضانا ومرضى المسلمين

[صبيّح @_Sabih89]

لحقني من غلاك ومن جفاك اللي يرق الحال
مثل ما كنّي أشوف الحزن في طرفك الغافي

يروح اللي يروح من العمر و اللي بقى لازال
ويبين اللي يبين من الغلا والخافي الخافي

هذا نبض الشعور اللي كتبته لك على استعجال
فديت اسمك ولبّى معدنك يالمعدن الصافي

[صبيّح @_Sabih89]

على طاري غرامك ياحبيبي هاك ما ينقال
على البحر الطويل يسوقها موجي ومجدافي

حبيبي لا تضايق من عتبنا لك على الجوّال
هذا حبّك وهذا منزلك في قلبي الوافي

يعيش الحب بين اللي محبّتهم وفاء و وصال
ويموت الحب من فرقا القلوب ومن جفى الجافي

[صبيّح @_Sabih89]

أمانه ياحبيبي كل ما تشعر بـ ضيقة بال
تعال أضم حزنك في زوايا صدري الدّافي

وانا مافي نظامي حب يومين وجفى وإهمال
وجاك من المحبه والمعزّه والغلا الكافي

صحيح إن الغياب إللي حصل بيني وبينك طال
لكن ماهوب أنا اللي فوق حبّه يسفي السافي