Sarah.

﴿ يأتِي بهاَ الله إن اللهَ لطيفٌ خبير﴾.

[Sarah. @_Ssn70]

#في_يوم_وفاتي
لاتتركوني ولا تبكوا،
تحدثوا معي بالدعاء، أجعلو قبري نور❤️

[Sarah. @_Ssn70]

بعدك أنت ماخليت لذّه من اللذات
ولا أعتضت بك يا أشهى الملذات وأمتعها

فداك القلوب اللي هواها على فترات
ما جاها الشعور اللي يليّن طبايعها

أحبك ! ماهي كلمه بسيطه من الكلمات
على شان أرددها على أذنك وتسمعها

أحبك !وأنا أستحضر معاك أجمل اللحظات
لو انها قليله ؟ يكفي اللي مضى معها

[Sarah. @_Ssn70]

عـسى لي أثر طيّب ومواقف وذكرى خير
و نفـسٍ تنّـول اللي اتمـناه يـاربي

ولا تبتليني بالسعي في نصيب الغـير
ولا تضيّـع سنيـني وأنا ادور لطبي

وهبّ لي بصيره ما توردنّي التقصير
تميز قلوب النـاس في كرهي و حبي

ونورنيّ أشوف الحقيقه مثل ما تصير
أنا اشوف الاشياء مثل ما يشتهي قلبي

[Sarah. @_Ssn70]

من يوم أنا معاك ولا مرةٍ شنت
عشت الحياه اللي بجنبك جميله
أقدرك واغليك واعرف من انت
ابو الكفوف المعطيه مو بخيله
ألقاك وسط الحزن وبكل ماشفت
وألقاك جنبي فالليال الثقيله
مايوم في قلبي ولا لحظةٍ هنت
عظيم في قلبي وفي كل ليله

[Sarah. @_Ssn70]

المحبَه أنت .. وأنت الغير عادي
من عرفتك .. و المشاعر مستقرّه

يبتسم يومي و يطرب بك فؤادي
راحتي برضاك .. حلّت كل مُرّه

هاك قلبي وهاك عين وهاك غادي
دلّه لدربك .. وخذ خيره و شرّه

وش أبي بوجيه خلق الله و أنادي
وجهك الله خالقه طيب و مسرّه.

[Sarah. @_Ssn70]

عسى الدنيا تبسم لك وتصبح فرحتك روتين
و عساني كل ما اشتاق لـ لقاك القاك قدامي

من اول ما لمحتك لك شعور بداخلي للحين
يوديني البحر و يردني من البحر ضامي

احبك والذي خالق ضلوعي من سلاله طين
محبه فاارقه ما تشبه الا بصمه بهامي ❣️

[Sarah. @_Ssn70]

سقى غيثك صحاري قلبي و قلبي بدويّ أطباع
" يرحب بالمطر حـتى ولو بل المطر ثوبـه "

[Sarah. @_Ssn70]

تباشر بك الأرصاد يالوابل المذكور
على دارنا : من بكره ، لْيا بعد بكره

عليك الغصون من الضما فاترات شعور
تبي منك شيٍ .. تعجز الأرض عن شكره .

[Sarah. @_Ssn70]

"لو أنّك تجيه همومك أكبر من الضّلعان
يخلّي همومك تحت رجليك .. زوليّه"

[Sarah. @_Ssn70]

اقلط على عوج . الضلوع و تفيا
واشرب فناجيل الغلا في محلك .

[Sarah. @_Ssn70]

قضيت الثلث من عمري احبك والعمر مشوار
دروبك ما تملّ وضحكتك من عام سارقها ♥️

[Sarah. @_Ssn70]

على كثر الشتات اللي يمـر ويربك افكاري
لقيتك ظـلي الثابت معي دايم على الهقوة

يا وجـهٍ كل ما ضاقت علي و شانت اقداري
ذكرته و انجلى ضيقي و صارت عبرتي غنـوة

" تخيرتك " ولو غيرك وجوده عندي اجباري
اعرف ان الحياة بدون وصلك ما هي بـ حلوة

[Sarah. @_Ssn70]

اعتبرني معطيات الواقع اللي يستثيرك
وحبني مثل الخيال وخلني مثل المخيله
القبال اللي تشوفه قادر يحدد مصيرك
والقبول اللي لمسته منك يكفي عن قبيله
بعترف لك بالحقيقة كامله وأنت وضميرك
بعد ما خضت الحياه بسكة الصبر الطويله
يوم مرتني حياتي كلها ماشفت غيرك
أنت صورة كل مشهد وأنت قصّة كل ليله

[Sarah. @_Ssn70]

يموت الليل في وجه الصباح ويضحك الذبّاح
وأنا في صبح وجهك تضحك عيوني وتحيّا به

[Sarah. @_Ssn70]

فيك أحسّ بخفَّة إحساسي ونفسي واتّساعي
معك روحي رغم ثقل الأرض وأهلها خفيفة!

[Sarah. @_Ssn70]

كان في صدرك من الشوق شيً شب فيه
وش يقول اللي ضلوعه من اشواقه جمر

من فقد مثلك.. ما يعتاض في باقي الوجيه
لو يمرونه هل الارض من بيض وسمر

ما على وجه البسيطه من اشباهك شبيه
طينتك من مسكً ابيض ومن تُربة قمر 🤍

[Sarah. @_Ssn70]

بكل حاجه جميله تشبه لـ طرياك
آحس الناس في بالي .. يشوفونك

وش ايامي بلا صوتك وضحك شفاك
وانا اشوف العمر كله من عيونك

عسى كل " الحيااااة " المقبله وياك
ولا آعيش بـ حياتي يوم من دونك

[Sarah. @_Ssn70]

الكلمة الطيبة لو هي مجرد سلام
تبقى لها في نفوس الناس قيمة وأثر

[Sarah. @_Ssn70]

كريم و إيدينك علينا .. رحومه
الطيب له فـ خطوط وجهك علامه
شرواك لا من طاب طابت علومه
عليك من قلبي ( غلاة و سلامه )
يفقدك قلبي في تفاصيل يومه
و يطلب لك الله لا مشيت السلامة 🤍

[Sarah. @_Ssn70]

الغالي اللي لحيته رشّها الشيب
جعلنّي فدا له في الليّال المعاسير🤍

[Sarah. @_Ssn70]

معذور انا لو صرت بك حيل طمّاع !
وانت الشجاع اللي يليق … بـجنابي

معك الليال افراح .. ودروبي اوْساع
والحبّ ثوبٍ من لبسته .. زهىَ بي

وشلون بجزع معك واضيق وارتاع ؟
وانت العوض عن كلّ خوفٍ عثى بي

علمني أنسى معك تنهيد الاوجاع
واشوفك قبالي .. لا ضاقت رحابي