٩

@AlMosahf / #alhamdulillah \

[٩ @__309x]

( وَاذكُر رَبَّكَ إِذا نَسيتَ )

[٩ @__309x]

استغفرالله العظيم واتوب اليه

[٩ @__309x]

انا بنت ماني صيدة تتقي الرماي
مادام العمر مرة والأجال مكتوبة

ماحب اتردا والردا شين من شرواي
يخلي عزيز اصحابي يغير اسلوبه

عساني ما ازل الزلة اللي تجيب اقصاي
انا غلطتي عند الأوادم محسوبة

[٩ @__309x]

الوقت يكشف لك وجوه الخسيسين
بالذات .. ابو وجهين لو قال ما قال

وإذا تبي تعرف صفات .. الخبيثين
راقب وشوف اقوالهم عكس الافعال

ناسٍ على جلب المشاكل .. حريصين
تلعب على الحبلين بأسلوب دجّال

وفوق الرزاله والخساسه ... غثيثين
فيهم صفات ابليس في زول رجّال

[٩ @__309x]

وإن أشغلوك اللي لهم عدة وجيه
اضحك لهم ضحكة وسيع البنايد

ولا تقنع العالم بشيء مسويه
قد قيل من قبلك رضى الناس كايد

الناقصين يكبرون المشاريه
والواثقين يكبرون الوسايد

[٩ @__309x]

لا تقيم الناس، إلا من سواياها
ودنياك خذ منها وقت وتمعنها

ناسٍ تبطح على دربك توطاها
ووجيةً ما تستحي لا تستحي منها

[٩ @__309x]

طبعي أجنب عن الناس وأصد
لا شقت ما لا يستحق إهتمامي

في ذمّتي ما هو بمعجزني الرد
أنا أعتبر صمتي جزء من كلامي

لكن عندي كل حاجة لها حد
قبل توصل هييتي واحترامي

صدّي عن اللي ما يبادلني الود
شيمة لنفسي وإحترام لمقامي

[٩ @__309x]

ابشرك متعافين ولا علينا خلاف
نرد السلام وننطح اللي يناطحنا

يوم ان الضعوف تطيح في ساعة الميقاف
ولك الحمد ياربي وقفناً ولا طحنا

[٩ @__309x]

يضيعون في شخصيتي معشر الفاهيين
و لايفهمني .. الا طيّب من ظهر طّيب

[٩ @__309x]

خل قلبك قوي وخل عندك عزوم
واطرد هموم قلبك وعطها قفاك

واعرف ان الحياه الفانيه ماتدوم
مايدوم غير ذكرك وما تربت يداك

[٩ @__309x]

الحمدلله اللذي ورثني الرزانة
ورفعني عن توافه بعض الامور

[٩ @__309x]

عسى من سعى بالشر بين العرب يلقاه
و يقطع جزيل المد رزقه و مطلوبه

ولا مات جعل النار في الآخره مثواه
مع أهل الجحيم اللي بالأقدام مصلوبه

[٩ @__309x]

ناس تبطح على دربك توطّاها
وجيه ماتستحي لا تستحي منها

[٩ @__309x]

مع الله تزين أيامنا و السنين تزين
ومع الله تطيب الناس لاضاق خاطرها

[٩ @__309x]

عسى ذكرنا ما يذكر الا مع أهل الخير
و عسى الله يجملنا مع بعيد و قريب

[٩ @__309x]

يالله تسعد خاطري دامني حي
و تجعل هناي وراحتي في صلاتي

يارب ما ابي خاطري يكسره شي
أبيك تسعد ما بقى من حياتي

[٩ @__309x]

خل الناس تذكرك بالخير و الطيب
السمعه الزينه رصيد و غنيمه

إن جيت تلقى المسهلا و التراحيب
و إن غبت تمدحك النفوس الكريمه

[٩ @__309x]

أحفظ لسانك عن البهتان و الغيبه
و أغنم حياة السعد و العز من بدري

من ينشغل في عيوب الناس عن عيبه
زادت عيوبه وهو مشغول ما يدري

[٩ @__309x]

معاد لي في علاقه البشر رغبه
معاد اثق في الاوادم و الله الشاهد

قد طاح من عيني اللي كنت اراهن به
والله لو اموت ما اراهن على واحد

[٩ @__309x]

مادامها دنيا مع الوقت بتزول
دور سعاده خاطرك وين ماكنت

[٩ @__309x]

حافظ على سمعتك و اتعب على طيبك
وش الانسان لولا الطّيب و السمعة